OMOLWASHIKE SHA SIMANA?: Embo lyAakorinto yotango olyo limwe lyomoontumwafo 14 ndhoka omuyapostoli Paulus a nyolele Aakriste ooyakwawo, opo e ya tse omukumo. Ontumwafo ohayi pe omuntu ompito yokuhogolola nawa iitya mbyoka e na okunyola, naangoka e yi nyolelwa ota vulu okukala he yi lesha lwiikando. Okunyola ontumwafo oku li omukalo omwaanawa gwokuuvithila aapambele, ookuume nosho wo aantu mboka itaatu vulu okupopya nayo oshipala noshipala. Pashiholelwa, otashi vulika omuntu u ulika ohokwe, ihe oshidhigu oku mu adha mo megumbo. Aantu yamwe moshitopolwa otashi vulika itaatu vulu okupopya nayo, oshoka ohaya zi momahala ga gamenwa shimwe to nyengwa, momahala moka wa pumbwa epitikilo wu ye mo nenge ge li kokule. Iinima yimwe yini wu na okukaleka momadhiladhilo, unene tuu uuna to nyolele omuntu ngoka kuu shi?

NKENE TU NA OKU SHI NINGA:

• Nyola ngaashi ando to popi naye oshipala noshipala. Petameko lyontumwafo, nyola kutya ongoye lye nelalakano lyoye lyokunyola. Nyola epulo ndyoka tashi vulika omuntu i ipule e to mu lombwele a ye kepandja lyetu lyokointaneta. Mu lombwela kombinga yoshitopolwa, Ilonga Ombiimbeli kOintaneta nenge ekonakonombiimbeli ndyoka hatu ningi naantu pomagumbo. Nyola po wo oshipalanyolo shontopolwa yontumba okuza miileshomwa mbyoka hatu longitha tu konakone Ombiimbeli. Oto vulu okutula mo oshileshomwa, ngaashi okakalata kokufala aantu kepandja lyetu lyokointaneta, okafo kehiyo nenge okafo kalwe

• Nyola iinima paufupi. Ontumwafo nayi kale ofupi, opo ngoka wa nyolela kaa loloke okulesha. — Tala oshiholelwa shontumwafo

• Leshulula mo wu tale mpoka pu na okupukululwa. Shilipaleka kutya oya yela, otayi vulu okuleshwa nuupu, owa nyola noohapu dhombili, dha hogololekeka noombwanawa. Kekutu tula ko oositombe dha gwana