• Longitha ondjukithi yoye mwene. Ngele owu wete kutya kashi li pandunge oku yi longitha, oto vulu okulongitha ondjukithi yOshinyanga shUukwaniilwa ngele owa pewa epitikilo kaakuluntugongalo. Ihe ino longitha NANDONANDO ondjukithi yoshitayimbelewa.

• Nyola mo edhina lyomuntu ngele owu li shi. Shika otashi ke mu kwathela a mone kutya ontumwafo kayi na ko nasha niipindi.

• Gandja eitulomo kokunyola iitya mondjila, koompango dhelaka nokiileshitho. Ontumwafo nayi kale ya yela. Ngele oto yi nyola koonyala, nyola iitya tayi vulu okuleshwa nuupu. Ino longitha mo iitya yakwalukehe nenge yopambelewa.

Oshiholelwa shontumwafo shika otashi ulike nkene to vulu okulandula iitsa mbyoka. Ino pumbwa oku yi tapa oshitya noshitya uuna to nyolele omuntu moshitopolwa sheni. Nyola ontumwafo yoye shi ikolelela kelalakano ndyoka wu na nokwaashoka hashi ningwa moshitopolwa sheni nomeputuko lyeni.