OMOLWASHIKE SHA SIMANA?: Aaposi oyendji, ihaya kala ya mangulukila okupopya naantu kaaye ya shi. Onkee ano, uuna tatu yu uvithile, natu shi ninge nuukeka. Jehova oku na ko nasha naaposi noku ya hole. (Lev 19:14) Otatu vulu okulandula oshiholelwa shaJehova mokukwathela aaposi yi ilonge kombinga ye.

NKENE TATU VULU OKU SHI NINGA:

• “Konga” aaposi. (Mat 10:11, NW) Mbela owu shi gumwe ngoka maandjawo mu na omuposi nenge omukwanezimo gwe? Mbela moshitopolwa sheni omu na oosikola, omagumbo gaakulupe nenge iiputudhilo yilwe, mu na aaposi mboka ya hala iileshomwa yaaposi?

• Ulika kutya owu ko nasha nayo. Okupopya naye momukalo gwombili nokuulika kutya owu na ko nasha naye, otashi mu kwathele a kale e ku mangulukila. Kambadhala okutameka oonkundathana naye kombinga yoshinima sha ningwa moshitopolwa

• Ya kwathela ya mone iileshomwa mbyoka tayi ya kwathele ya tseye Jehova. Ehangano olya nyanyangidha iileshomwa momalupe gi ili nogi ili, opo yi kwathela aaposi naamboka ihaaya mono ko nawa. Mu pula kutya okwa hala okukonakona oshileshomwa shi li molupe luni. Omutonateli gwiilonga na shilipaleke kutya omuyakuli gwiileshomwa okwa mbestela oshileshomwa sholudhi ndoka omuposi a hala