Jehova ‘Kalunga omunyanyukwi,’ okwa hala tu nyanyukilwe uukalele. (1Tim 1:11, NW) Enyanyu lyetu otali ki indjipala sho tatu hwepopaleke uunkulungu wetu. Okupula omapulo ohaku ningitha omuntu a kale e na ohokwe nokuli omukalo gwopaunshitwe gwokutameka oonkundathana. Omapulo ohaga ningitha aantu ya dhiladhile noya gandje omatompelo gawo. (Mat 22:41-45) Uuna tatu pula omuntu omapulo nokupulakena kuye nawa, otwa fa tatu ti: ‘Owa simana kungame.’ (Jak 1:19) Omayamukulo ngoka omuntu ta gandja otashi vulika ge tu kwathele tu mone kutya natu kundathane nawa naye ngiini.

TALA OKAVIDIO KOSHINYANDWA MONA ENYANYU NDYOKA HALI ZI MOKUNINGA AANTU AALONGWA — HWEPOPALEKA UUNKULUNGU WOYE — OKUPULA OMAPULO, E TO YAMUKULA OMAPULO NGAKA:

• Jade okwa ulike uukwatya uuwanawa wuni?

• Niita okwa longitha ngiini omapulo a ulike kutya oku na ko nasha naJade?

• Niita okwa longitha ngiini omapulo a ningithe Jade a kale e na ohokwe monkundana ombwanawa?

• Niita okwa longitha ngiini omapulo a kwathele Jade a dhiladhile noku gandje omatompelo ge?