29 Apilili–5 Mei
EPISALOMI 34–35
Eimbilo 10 negalikano | Omatyokosha gopetameko (omunute 1)
1. ‘Aluhe hambelela Omuwa’
(ominute 10)
David okwa li a hambelele Jehova nokuli nuuna a li muudhigu (Eps 34:1; w07 3/1 ep. 25, okat. 11)
David okwa li a tanga Jehova, pehala lyokwiitanga ye mwene (Eps 34:2-4; w07 3/1 ep. 26, okat. 13)
Sho David a kala ta tanga Jehova, osha koleke eitaalo lyookuume ke (Eps 34:5; w07 3/1 ep. 26, okat. 15)
Konima sho David a zi puAbimelek, okwa li a wayiminwa kaalumentu 400 mombuga, mboka ya li inaaya nyanyukilwa okupangela kwaSaul. (1Sam 22:1, 2) Sho David a nyola episalomi ndika, otashi vulika a li e na momadhiladhilo aalumentu mboka. — Eps 34, enyolo lyopombanda.
IPULA NGEYI: ‘Ongiini tandi vulu okuhambelela Jehova, sho tandi ka popya nagumwe pokugongala taku landula?’
2. Omaliko gomOmbiimbeli
(ominute 10)
-
Eps 35:19 — Mbela David okwa li a hala okutya ngiini, sho a indile opo aatondi ye kaayi “imemehele iimpwiyu” ye? (w06 6/1 ep. 31, okat. 2)
-
Omaliko geni wa mona melesho lyOmbiimbeli lyoshiwike shika?
3. Elesho lyOmbiimbeli
(ominute 4) Eps 34:1-22 (th oshitsa 5)
4. Tameka oonkundathana
(ominute 2) UUNZAPO WONTUKULUKA. Oonkundathana odha hulu, manga inoo gandja uunzapo. (lmd oshileshwa 1, oshitsa 4)
5. Ninga omaishunoko
(ominute 4) UUNZAPO WONTUKULUKA. (lmd oshileshwa 2, oshitsa 4)
6. Yelithila yalwe eitaalo lyoye
(ominute 5) Euliko. ijwfq 59 — Oshipalanyolo: Oonzapo dhaJehova ohadhi mono ngiini kutya esiku lyefudho lyontumba oye na oku li dhana nenge hasho? (th oshitsa 17)
Eimbilo 59
7. Omikalo ndatu moka tatu vulu okutanga Jehova pokugongala
(ominute 15) Oonkundathana.
Okugongala ohaku tu egululile oompito oombwanawa tu tange Jehova. Mpaka otapu landula omikalo ndatu.
Oonkundathana: Popya kombinga yomauwanawa gaJehova, uuna to popi nayalwe. (Eps 145:1, 7) Mbela owa uva nenge wa lesha oshitsa shokondandalunde shoka she ku etela uuwanawa? Mbela owu na oshimoniwa oshiwanawa shomuukalele? Mbela owa tsuwa omukumo kugumwe okupitila moohapu nenge moonkatu dhe? Mbela owa mona sha meshito shoka she ku kumitha? Agehe ngaka omagano ga za kuJehova. (Jak 1:17) Kala ho thiki kuyele, opo wu mone ethimbo lyokupopya nayalwe.
Omatyokosha: Kambadhala okugandja etyokosha nando limwe pokugongala kehe. (Eps 26:12) Oto vulu okugandja eyamukulo lya ukilila epulo nenge kombinga yoshitsa shilwe shoka shi li mo, yenyolo, yethano nenge yetulomiilonga. Ilongekidha omayamukulo ge vulithe pulimwe, oshoka yalwe otashi vulika ya ganekele oshita nangoye. Oyendji otaya ka vula kugandja “eyambo” kuKalunga, ngele omatyokosha getu oguule woosekonde 30 nenge inaadhi konda po. — Heb 13:15.
Omaimbilo: Imba omaimbilo gUukwaniilwa nehwamo. (Eps 147:1) Otashi vulika kuu tumbulwe pokugongala kehe wu gandje etyokosha, unene tuu ngele owu li megongalo enene, ihe oto vulu aluhe okukutha ombinga mokwiimba omaimbilo. Nonando ku shi onkulungu mokwiimba, ngele owa ningi ngaashi to vulu, oto ka nyanyudha Jehova. (2Kor 8:12) Oto vulu okwiiyenditha po pomaimbilo kegumbo.
Dhana OKAVIDIO Shoka sha ningwa mondjokonona yehangano lyetu — Omagano gomaimbilo, oshitopolwa 1. Opo nduno, pula aapulakeni:
Petameko lyehangano lyaJehova pethimbo lyetu, otwa ulike ngiini kutya okutanga Jehova okupitila mokwiimba oku li oshinima sha simana?
