ONKALAMWENYO YOPAKRISTE
Mbela oho longitha ngaa o-JW Library?
O-JW Library (ongulumambo yOonzapo dhaJehova) oyo opolohalama yoshali ndjoka tayi ku pitike wu tapele Ombiimbeli niileshomwa yilwe, uuvidio nosho wo iikwamawi mongodhi yopeke, muukompiuta wopeke (uutableta), nenge mokompiuta.
NKENE TO VULU OKU YI MONA: Inda kointaneta e to tula mo opolohalama yo-JW Library moshikwaelektronika shoye, ndjoka to yi adha mositola yoopolohalama dhomaludhi ndhoka dhi li moshikwaelektronika shoye. Opolohalama ndjika ohayi longo miikwaelektronika yomaludhi gi li nogi ili. Manga wu li kointaneta, patulula opolohalama opo wu hogolole oshinima shoka wa hala okutapela moshikwaelektronika shoye. Ngele ku na sha ointaneta megumbo, oto vulu oku shi ningila pOshinyanga shUukwaniilwa ngele opu na ointaneta, poongulumambo dhaakwashigwana nenge puusitola mpoka hapu longithwa ointaneta. Ngele wa mana okutapela iinima moshikwaelektronika shoye, ino pumbwa ishewe ointaneta, opo wu vule andola oku yi tala. Molwaashoka mo-JW Library, ohamu gwedhwa aluhe iinima iipe, owu na okukala ho yi kointaneta omathimbo nomathimbo, opo wu tule mo iinima mbyoka iipe nowu yi kaleke yi li pethimbo.
OMOLWASHIKE WA PUMBWA OKUKALA WU YI NA? Omolwaashoka o-JW Library ohayi shi ningitha oshipu okukonakona paumwene nosho wo okukala wa landula pethimbo lyokugongala. Oto vulu natango oku yi longitha muukalele, unene tuu mokugandja uunzapo wontukuluka.
Opu na ishewe uuyelele mbuka
UUKALELE WETU
Longitha o-JW.ORG wu uvithe etumwalaka lyOmbiimbeli
Oonzapo dhaJehova adhihe kutya nduno oondhoka dhi li aagundjuka, nenge aakuluntu odhi hole okulongitha epandja lyadho lyokointaneta dhi uvithile aantu oyendji ngaashi tashi vulika onkundana ombwanawa yoshilongo shaKalunga, nenge tu tye, Uukwaniilwa waKalunga.
EKWATHO KOINTANETA
O-JW Library
Lesha nokukonakona Ombiimbeli yo-New World Translation. Yelekanitha oovelise mOombiimbeli ntano.
