Ohole onka ndjoka hayi kwatele kumwe aanegumbo. Ngele megumbo kamu na ohole, otashi kala oshidhigu mu kale uukumwe nelongelokumwe. Ongiini aasamane, aakulukadhi naavali taya vulu okuulika ohole megumbo?

Omusamane omunahole oha tala koompumbwe dhomukulukadhi gwe, komaetopo ge nokomaiyuvo ge. (Ef 5:28, 29) Oha sile oshimpwiyu aanegumbo lye palutu nohe ya kwathele ya hedhe popepi naJehova, ngaashi okuninga aluhe Elongelokalunga lyUukwanegumbo. (1Tim 5:8) Omukulukadhi omunahole oha vulika komusamane gwe nohe mu ‘simaneke [“noonkondo,” NW].’ (Ef 5:22, 33; 1Pet 3:1-6) Ookuume kopandjokana oye na okukala haya dhiminathana po nehalo ewanawa. (Ef 4:32) Aavali aanahole ohaya gandja eitulomo kokanona kehe nohaye ka longo ka kale ke hole Jehova. (Deut 6:6, 7; Ef 6:4) Omashongo geni aanona ye na kosikola? Ohaya ungaunga ngiini nomathiminiko goomakula? Ngele megumbo omu na ohole, iilyo ayihe otayi kala yu uvite ya gamenwa.

TALA OKAVIDIO ULIKA OHOLE IHAAYI HULU PO MUUKWANEGUMBO WENI, E TO YAMUKULA OMAPULO NGAKA:

• Omusamane omunahole oku na okupalutha nokusimaneka ngiini omukulukadhi gwe?

• Omukulukadhi omunahole oha simaneke ngiini omusamane gwe noonkondo?

• Aavali aanahole ohaya nongeke ngiini oyana Oohapu dhaKalunga?