Sho tatu idhidhimikile ethimbo ndika lyehulilo ‘lyomasiku gahugunina,’ otwa tegelela omaupyadhi ga dhigupale noonkondo. (2Tim 3:1 yelekanitha OB-1954; nwtsty uuyelele wokukonakonwa wa kankamena kuMat 24:8) Uuna tu li moshiponga, oshigwana shaJehova olundji ohashi pewa omalombwelo ge li pethimbo notaga hupitha oomwenyo. Ihe otashi vulika owala tu ka hupe ngele otwa kala twi ilongekidha ngashingeyi pambepo nopalutu. — Luk 16:10.

• Ilongekidha pambepo: Kala wu na omukalondjigilile omwaanawa gwokuninga iinima yopambepo. Ilonga okuuvitha momikalo dhi ili nodhi ili. Ino tila ngele owa topoka pakathimbo nayalwe yomegongalo. (Jes 30:15) Jehova naJesus oye li pungoye. — od-KY ep. 176, okat. 15-17

• Ilongekidha palutu: Kakele kuundjato wopaulumompumbwe, uukwanegumbo kehe owu na okukala wa pungula iikulya, omeya, omiti, niipumbiwa yilwe mbyoka wa pumbwa opo wu ke yi longithe uuna wa ka kala hawu zi palwe uule wethimbo. — Omayel 22:3; g17.5-E ep. 4, 6

TALA OKAVIDIO OWI ILONGEKIDHILA NGAA IIPONGA YOPAUNSHITWE? E TO YAMUKULA OMAPULO NGAKA:

• Ongiini to vulu okwiilongekidhila pambepo iiponga yopaunshitwe?

• Omolwashike tu na . . . 

  • okukala mekwatathano ewanawa naakuluntugongalo?

  • okulongekidha okandjato kopaulumompumbwe?

  • okulesha kombinga yiiponga yopaunshitwe mbyoka tayi vulu okuholoka naashoka tu na okuninga monkalo kehe?

• Omomikalo ndatu dhini tatu vulu okukwathela yalwe uuna ya adhika koshiponga shopaunshitwe?

IPULA NGEYI, ‘Oshivu shoCOVID-19 osha longa ndje shike shi na ko nasha nokukala ndi ilongekidha?’