UVITHA NUULAADHI MUUKALELE | MONA ENYANYU NDYOKA HALI ZI MOKUNINGA AANTU AALONGWA
Longa aantu nehwamo
Ehwamo ohali vulu okuguma yalwe. Uuna tatu popi nehwamo, aantu ohaya gandja lela eitulomo. Ohatu ulike wo kutya etumwalaka ndyoka tatu popi olya simana. Kutya nduno omuhoko gwetu neputuko lyetu olini nenge otu na uukwatya wuni, otatu vulu okukala hatu popi nehwamo. (Rom 12:11) Ngiini mbela?
Shotango, dhiladhila kombinga yankene etumwalaka lyoye lya simana. Owu na uuthembahenda ‘wokuuvitha elaka etoye!’ (Rom 10:15) Oshitiyali, dhiladhila kunkene onkundana ndjoka ombwanawa tayi vulu okuhwepopaleka onkalamwenyo yaapulakeni yoye. Oya pumbwa lela okuuva shoka wa hala oku ya lombwela. (Rom 10:13, 14) Hugunina, popya nuulaadhi to longitha omaudhi gopaunshitwe nomainyengo gokoshipala tagu ulike kutya oto popi tashi zi komutima.
TALA OKAVIDIO KOSHINYANDWA MONA ENYANYU NDYOKA HALI ZI MOKUNINGA AANTU AALONGWA — HWEPOPALEKA UUNKULUNGU WOYE — LONGA AANTU NEHWAMO, E TO YAMUKULA OMAPULO NGAKA:
-
Oshike sha ningitha Niita kaa kale we e na ehwamo lyokukonakona Ombiimbeli naJade?
-
Oshike sha kwathele Niita a kale ishewe e na ehwamo?
-
Ehwamo ohali vulu okuguma yalwe
Omolwashike tu na okutala komaukwatya omawanawa gaapulakeni yetu?
-
Ehwamo lyetu otali vulu ngiini okuguma aakonakonimbiimbeli yetu nosho wo yalwe?
