Tu li aantu inaatu gwanenena, otu na okutsikila okupangela omahalo getu. Ngele otwe ga etha ge tu pangele, Jehova ita ka kala we e tu hokwa. Pashiholelwa, yamwe oya etha ohole yawo yokuhola iikulya, oonguwo nosho wo omalukalwa gawo yi kwidhidhike ohole yawo yokuhola Kalunga. Omanga yalwe ya pititha komeho omahalo gawo gopamilalo nokaye na ko nasha nomithikampango dhaKalunga. (Rom 1:26, 27) Yalwe oyi igandja komathiminiko goomakula nelalakano lyokukala ye holike kuyo. — Eks 23:2.

Ongiini tatu vulu okukala hatu pangele omahalo getu? Otwa pumbwa okukala hatu ningi ngaashi tatu vulu tu gandje eitulomo kiinima yopambepo. (Mat 4:4) Natango, otu na okukala hatu pula Jehova e tu kwathele tu pangele omahalo getu. Omolwashike mbela? Omolwaashoka oku shi shoka she tu opalela noku shi nkene e na okugwanitha po omahalo getu omawanawa. — Eps 145:16.

TALA OKAVIDIO INO IYETHELA MOKUHILA OMAKAYA, E TO YAMUKULA OMAPULO NGAKA:

• Omolwashike aantu yamwe haya hili omakaya?

• Okuhila omakaya otaku vulu oku ku etela shike?

• Omolwashike okuhila omakaya nenge iinima yilwe kwa puka? — 2Kor 7:1

• Ongiini to vulu okuyanda okuhila omakaya nenge nokuli oku ge etha po?