Aakonakonimbiimbeli oya pumbwa okukala ye na eitaalo lya kola, opo ya nyanyudhe Kalunga. (Heb 11:6) Otatu vulu okwaadha omitima dhawo, mokulongitha embo Kala nonkalamwenyo ombwanawa sigo aluhe. Membo ndika omu na omanyolo ga simana, iitsa ya yela, omapulo taga gumu omutima, uuvidio uuhokithi nomathano omawanawa. Uuna tatu kwathele aakonakoni ya kale ye na omaukwatya gopaKriste nekwatathano naKalunga, kungawo otatu longitha iilongitho mbyoka itaayi pi po komulilo. — 1Kor 3:12-15.

Yamwe ohaye shi mono oshidhigu okupanga uukuume naKalunga ngoka ihaaya mono. Onkee, otwa pumbwa oku ya kwathela ya kale ye na eitaalo muJehova nokukala ye mu inekela.

TALA OKAVIDIO KWATHELA YALWE YA KALE YE NA EITAALO LYA KOLA MUJEHOVA, MOKULONGITHA EMBO “KALA NONKALAMWENYO OMBWANAWA SIGO ALUHE,” E TO YAMUKULA OMAPULO NGAKA:

• Otu shi shi ngiini kutya omumwameme okwa li i ilongekidhila nawa ekonakono?

• Okwa longitha ngiini omapulo omawanawa ga gwedhwa po, a kwathele omukonakoni a popye nkene u uvitile enyolo lyaJesaja 41:10, 13?

• Okavidio nosho wo omanyolo oya gumu ngiini omukonakoni?

Aantu oyendji kayu uvite ko ekuliloyambo nenge nokuli inaye li tala ko li li omagano ngoka ya pewa kuKalunga. (Gal 2:20) Onkene otu na oku ya kwathela ya kale neitaalo mekuliloyambo lyaJesus.

TALA OKAVIDIO KWATHELA YALWE YA KALE YE NA EITAALO LYA KOLA MUJESUS, MOKULONGITHA EMBO “KALA NONKALAMWENYO OMBWANAWA SIGO ALUHE,” E TO YAMUKULA OMAPULO NGAKA:

• Otu shi shi ngiini kutya omumwatate okwa li i ilongekidhila nawa ekonakono?

• Okwa longitha ngiini oshitopolwa “Uuyelele wa gwedhwa po,” a kwathele omukonakoni?

• Omolwashike sha simana okukwatela omukonakoni megalikano?