Sho ehulilo lyuuyuni tali hedha popepi, otwa tegelela omakuyunguto, uukulo nosho wo iita yi indjipale. (Eh 6:4) Ongiini tatu vulu okwiilongekidhila omashongo ngoka tashi vulika tu ka tsakaneke monakuyiwa?

• Ilongekidha pambepo: Ndhindhilika omakotampango nosho wo iiholelwa yomOmbiimbeli mbyoka hayi koleke einekelo lyoye muJehova nomehangano lye nohayi ku kwathele waa kuthe ombinga mopolitika. (Omayel 12:5; jr-E ep. 125-126, okat. 23-24) Ngashingeyi olyo ethimbo lyokupanga uukuume wa kola nooitaali ooyakwetu. — 1Pet 4:7, 8

• Ilongekidha palutu: Ninga oompangela dhokwiikaleka megameno nowu kale wo wu na iipumbiwa ya gwana. Natango, ninga omalongekidho gaashoka to ka ninga po, ngele owa pumbwa okuya ontuku. Shilipaleka kutya mokandjato koye kopaulumompumbwe omu na iinima mbyoka wa pumbwa, mwa kwatelwa iinima yokwiigamena niimaliwa. Kala wu na oonomola dhaakuluntugongalo nokushilipaleka wo kutya oye na yoye. — Jes 32:2; g17.5-E ep. 3-7

Pethimbo lyomakuyunguto, kala to ipalutha pambepo. (Fil 1:10) Yanda okutembukila komahala nomahala, ongele shila sha pumbiwa. (Mat 10:16) Kwathela yalwe mboka ya pumbwa iikulya niinima yilwe. — Rom 12:13.

TALA OKAVIDIO OWI ILONGEKIDHILA NGAA IIPONGA YOPAUNSHITWE? E TO YAMUKULA OMAPULO NGAKA:

• Jehova ota vulu ngiini oku tu kwathela pethimbo lyoshiponga shopaunshitwe?

• Iinima yini tatu vulu okuninga tu ilongekidhe?

• Ongiini tatu vulu okukwathela mboka ya dhengwa kiiponga yopaunshitwe?