Ombiimbeli otayi ti: “Omuwa okwa hokwa aantu ye aayifupipiki ote ya pe esindano.” (Eps 149:4) Nonando inatu gwanenena, Jehova oha tala komaukwatya getu omawanawa nokwaashoka tatu vulu okuninga. Omathimbo gamwe, otashi vulika hatu shi mono oshidhigu okwiitala ko pandjele. Otashi vulika tatu kondjo nomaiyuvo gokwiitala ko kaatu na oshilonga, omolwomukalo moka yalwe haya ungaunga natse. Nenge, ngele ohatu gandja eitulomo komapuko getu gomonakuziwa, otashi vulika tu kale twa limbililwa ngele Jehova oku tu hole ngaa shili. Mbela oshike tashi vulu oku tu kwathela, uuna tu uvite ngawo?

Dhimbulukwa kutya Jehova oha mono shoka aantu ihaaya vulu okumona. (1Sam 16:7) Shoka osha hala okutya oha mono mutse nokuli shoka ihaatu vulu okumona. Otatu pandula, sho Ombiimbeli hayi tu kwathele tu mone nkene Jehova e tu tala ko. Shono otatu vulu oku shi uva ko, ngele otwa kala hatu lesha oovelise dhontumba mOmbiimbeli nosho wo iiholelwa yamo, mbyoka tayi tu kwathele tu mone kutya Jehova oku hole aapiya ye noonkondo.

TALA OKAVIDIO KALA WU UVITE OMUKUMO OKUKALA KOSHIPALA SHAJEHOVA, E TO YAMUKULA OMAPULO NGAKA:

• Ethaneko lyomumati ha matuka nosho wo he, otali tu longo shike kombinga yankene Jehova e tu tala ko?

  Your answer

• Ngele omuntu ngoka a yona sha kwata miiti okwa tula miilonga omayele ngoka tage mu kwathele a kale ishewe e na ekwatathano ewanawa naJehova, ongiini ta vulu okukala e uvite omukumo koshipala shaKalunga? — 1Joh 3:19, 20

  textarea-2

• Uuwanawa wuni omumwatate a mono, sho a lesha nokutedhatedha kehokololo lyaDavid nolyaJehosafat?

  Your answer