Okutameka oonkundathana naantu ontukuluka oku li omukalo gumwe gwomwaandhoka hadhi nyanyudha nohadhi pondola noonkondo, ngele tashi ya pokugandja uunzapo. Nonando ongawo, otashi vulika tu kale twa tila okutameka oonkundathana, ngele ohatu gandja unene eitulomo kunkene tu na okweeta mo omadhiladhilo gopamanyolo. Ihe pehala lyokukala to ipula unene naashoka, ulika kutya owu na ko nasha naamboka to popi nayo. (Mat 22:39; Fil 2:4) Ngele owa mono ompito tayi opalele yokugandja uunzapo pethimbo tamu kundathana, dhimbulukwa kutya opu na iilongitho oyindji mbyoka tayi vulu oku ku kwathela.

Iilongitho tayi landula otayi vulu ngiini oku ku kwathela wu gandje uunzapo kombinga yoshikundathanwa shoka she ya mo ombadhilila moonkundana dheni?

TALA OKAVIDIO “OSHITENDA OHASHI WEGE OSHITENDA OSHIKWAWO” — OKUTAMEKA OONKUNDATHANA, E TO YAMUKULA EPULO NDIKA:

Iinima itatu yini tayi vulu oku tu kwathela tu hwepopaleke omukalo gwetu gwokutameka oonkundathana?