ONKALAMWENYO YOPAKRISTE

Mbela owi ilongekidhila ngaa oonkalo oondhigu dhopamahupilo?

DHANA

Ihashi tu kumitha sho iiningwanima muuyuni hayi etitha uuhupilo tawu shongola muuyuni awuhe. Omolwashike mbela? Omolwaashoka otu li pehulilo lyomasiku gahugunina, nOmbiimbeli oye tu londodha kaatu inekele “iinima mbyoka tayi hulu po.” (1Tim 6:17; 2Tim 3:1) Oshiholelwa shomukwaniilwa Jehosafat otashi tu longo shike kombinga yokukala tu ilongekidhila oonkalo oondhigu dhopamahupilo?

Sho Jehosafat a li ta ningilwa omatilitho kaatondi ye, okwa li i inekele muJehova. (2Ondjal 20:9-12) Okwa li wo a katuka oonkatu nelalakano lyokukaleka oshigwana megameno, mokutunga iilandohote nokudhika oontanda dhuukwiita. (2Ondjal 17:1, 2, 12, 13) Ngaashi Jehosafat, otwa pumbwa okukala twa inekela muJehova nokwiilongekidhila oonkalo oondhigu dhomonakuyiwa.

OSHIKE TU NA OKUNINGA TU ILONGEKIDHILE OONKALO OONDHIGU DHOPAMAHUPILO?

Ilongekidha pambepo: Kala wa gwanenwa, ngoye to koleke einekelo lyoye muJehova e ku kwathele noompumbwe dhoye dhakehe esiku. (Mat 6:26; 1Tim 6:8) Kala wa tokola toko okutsikila okulandula omakotampango gOmbiimbeli. (Rom 2:21) Dhiladhila kunkene to ki ipalutha pambepo, ngele olusheno nenge ointaneta oya kala kaayi po. Kala wu na iileshomwa yontumba mbyoka ya pilintwa, nongele otashi vulika, tapa mbyoka yopaelektronika komeho yethimbo.

Ilongekidha painiwe: Yanda okukala wu na oongunga nosho wo okulanda iinima mbyoka inoo pumbwa, manga oonkalo oondhigu dhopamahupilo inaadhi holoka. (Omayel 22:7) Ngele otashi wapa, pungula iikulya yontumba nosho wo iipumbiwa yilwe. Yamwe ohaya mono shi li ekwatho enene okukala ye na iikunino, oshoka ohashi ya kwathele kaaya longithe oshimaliwa oshindji.

TALA OKAVIDIO OWI ILONGEKIDHILA NGAA IIPONGA? E TO YAMUKULA OMAPULO NGAKA:

Oshike tatu vulu okuninga paumwene tu ilongekidhile iiponga?

Your answer

Ongiini tatu vulu okukala tu ilongekidha tu kwathele yalwe?

Your answer

OKAFO ONKALAMWENYO YOPAKRISTE NIILONGA YETU YOKUUVITHA