OMOLWASHIKE SHA SIMANA?: Okugandja uunzapo mongodhi oku li omukalo gwa simana ‘gwokuuvitha elaka etoye.’ (Iil 20:24) * Ohawu tu kwathele tu uvithile aantu ngele oonkalo itadhi tu pitike tu ye momagumbo gawo.

NKENE TATU VULU OKU SHI NINGA:

• Ilongekidha. Hogolola oshipalanyolo shoka tashi opalele. Opo nduno nyola shoka wa hala oku ka popya. Oto vulu wo okwiilongekidha etumwalaka efupi tali yelitha kutya omolwashike wa dhengele ongodhi, uuna wa ka yamukulwa keshina. Oshi li nawa wu kuutumbe poshitaafula nuuyelele woye mboka wa nyola nosho wo niinima yilwe mbyoka to ka kala wa pumbwa, ngaashi oshikwaelektronika shoye wa patulula o-JW Library nenge o-jw.org

• Kala wa ngungumana. Popya paunshitwe. Imemeha nokuninga omaudhi onga omuntu e ku tala. Yanda okupopya to mwena po mpoka inaashi pumbiwa. Ohashi kwathele okulonga nayalwe. Ngele omunegumbo okwa pula epulo, li endulula muule opo ngoka to longo naye e ku kwathele wu mone eyamukulo

• Thigila omuntu sha shoka tamu ya mu kundathane oshikando tashi landula. Ngele omuntu oku ulike ohokwe, oto vulu oku mu thigila epulo wu ye wu li yamukule oshikando tashi landula ko sho to ke mu dhengela. Oto vulu wo wu mu nyolele o-e-mail, wu mu faalele nenge wu mu tumine oshileshomwa mo-e-mail. Nenge wu mu tumine uuvidio nenge iitopolwa yontumba. Ngele otashi opalele, lombwela omuntu ngoka kombinga yiinima yilwe mbyoka yi li kepandja lyetu lyokointaneta