Okupopya unene: Ino kala wu uvite kutya owu na okuyelitha kehe shimwe. Jesus okwa li a longitha omapulo, opo a kwathele aantu ya dhiladhile noya thike pehulithodhiladhilo li li mondjila. (Mat 17:24-27) Omapulo ohaga ningitha ekonakono li kale tali nyanyudha nohage ku kwathele wu mone shoka omukonakoni u uvite ko naashoka i itaala. (be ep. 253, okat. 3-4) Uuna we mu pula epulo, kala wi idhidhimika nokutegelela a yamukule. Ngele okwa gandja eyamukulo lya puka, pehala lyoku mu lombwela ndyoka li li mondjila, mu pula omapulo galwe ngoka taga vulu oku mu kwathela a mone eyamuko lyomondjila. (be ep. 238, okat. 1-2) Popya momukalo ngoka tagu pe omukonakoni ompito u uve ko edhiladhilo.—be ep. 230, okat. 4.

Yanda egamo lyokulombwela omukonakoni kehe shimwe wu shi kombinga yaashoka tamu kundathana. (Joh 16:12) Gandja eitulomo koshitsa sha simana mokatendo. (be ep. 226, okat. 4-5) Uuyelele owundji kutya nduno uuhokithi, otawu vulu okwiimba omukonakoni u uve ko iitsa ya simana. (be ep. 235, okat. 3) Ngele omukonakoni oku u uvu ko oshitsa shoka sha simana, indeni kokatendo ka landula ko.

Okugandja owala uuyelele kombinga yoshikundathanwa: Elalakano lyetu olyo okwaadha omitima dhaantu, ihe haku gandja owala uuyelele. (Luk 24:32) Longitha Oohapu dhaKalunga, mokugandja eitulomo komanyolo ngoka taga yelitha oshikundathanwa. (2Kor 10:4; Heb 4:12; be ep. 144, okat. 1-3) Longitha omathaneko omapu. (be ep. 245, okat. 2-4) Kaleka momadhiladhilo omashongo gomukonakoni gwoye naashoka i itaala, e to mu kwathele a mone kutya oshike ti ilongo mwaashoka tamu kundathana. Mu pula omapulo ngaashi: “Shoka to ilongo mpaka owu shi uvitile ngiini?” “Otashi ku longo shike kombinga yaJehova?” “Uuwanawa wuni to vulu okumona, ngele owa tula miilonga omayele ngaka?”—be ep. 238, okat. 3-5; ep. 259, okat. 1.