6:9-11, 25-27, 54, 66-69

Sho Jesus a li a gandja ethaneko ndyoka aalongwa ya mono edhigu okuuva ko, osha li sha pundukitha yamwe e taye etha po okweenda naye. Esiku lya tetekele, Jesus okwa li e ya palutha pashikumithalonga, shoka sha koleke kutya oonkondo dhe odha za kuKalunga. Omolwashike nduno ya punduka? Otashi vulika ya li taya landula Jesus netompelo lyokwiihola mwene. Oya li taye endathana naJesus molwuuwanawa wopamaliko.

Kehe gumwe gwomutse oku na okwiipula ngeyi: ‘Omolwashike handi landula Jesus? Mbela ohandi shi ningi unene molwomayambeko gongashingeyi nogomonakuyiwa? Nenge omolwaashoka ndi hole Jehova nonda hala oku mu nyanyudha?’

Omolwashike tashi vulika tu pundukithwe ngele ohatu longele Jehova unene tuu molwomatompelo taga landula?

• Ohatu nyanyukilwa okukala pamwe noshigwana shaKalunga

• Otwa hala okukala mOparadisa