Omumatuki oku na okutsikila okwiidheula, opo a kale enyakwa. Sha faathana, natse otu na okutsikila okuninga oonkambadhala dha mana mo, tu dheule oondunge dhetu dhokuyoolola noku dhi kaleka po. (Heb 5:14) Nonando otashi vulika tu na egamo lyokuholela omatokolo gayalwe, otu na okulongitha omadhiladhilo getu nokuninga omatokolo tse yene. Omolwashike? Omolwaashoka kehe gumwe ote ki ihokolola, omolwomatokolo ge. — Rom 14:12.

Katu na okudhiladhila kutya otatu ka ninga omatokolo omawanawa, molwaashoka owala twa menekela mo moshili. Opo tu ninge omatokolo gopandunge, otwa pumbwa okwiinekela thiluthilu muJehova, mOohapu dhe nomehangano lye. — Jos 1:7, 8; Omayel 3:5, 6; Mat 24:45.

TALA OKAVIDIO “KALENI MU NA EIYUVO EWANAWA,” E TO YAMUKULA OMAPULO TAGA LANDULA:

• Etokolo lini Emma a li a taalela?

• Omolwashike tu na okuyanda okwiidhopa miinima mbyoka tayi pula omuntu a longithe eiyuvo lye mwene?

• Omayele geni gopandunge aaihokani yamwe ya li ya kundathana naEmma?

• Emma okwa li a adha peni uuyelele tawu longo wu na ko nasha nonkalo ye?