MuNovomba, otatu ka ninga oonkambadhala dha mana mo tu lombwele yalwe kombinga yonkundana ombwanawa kutya uuyuni uupe owu li popepi. (Eps 37:10, 11; Eh 21:3-5) Ninga omalongekidho manga kuyele, opo wu ka kuthe ombinga pakuudha moshikonga shika. Oto vulu okuhogolola wu longe oowili 30 nenge 50, ngele owa kutha uukwathelikokolindjila momwedhi ngoka.

Kala wi ilongekidha wu ka kundathane naantu oyendji ngaashi tashi vulika enyolo ndyoka tali popi kombinga yuuyuni uupe. Uuna to hogolola enyolo ndyoka to ka longitha, tala kutya olini tali ka kala lya hokiwa kaantu yomoshitopolwa sheni. Ngele omuntu oku ulike ohokwe petalelopo lyotango, mu pa Oshungolangelo No. 2 2021, ndjoka yaayehe. Opo nduno, galukila komuntu ngoka nziya ngaashi tashi vulika nokukambadhala wu tameke ekonakonombiimbeli mokambo Kala nonkalamwenyo ombwanawa sigo aluhe. Itashi nyanyudha tuu okukutha ombinga pakuudha mokuuvitha “onkundana ombwanawa”! — Jes 52:7.

TALA OKAVIDIO KEIMBILO OTWA TEGELELA UUYUNI UUPE, E TO YAMUKULA OMAPULO TAGA LANDULA:

• Okanona kokakadhona otaka dhiladhila konakuyiwa yini ombwanawa?

• Iinima yimwepo yini wa halelela oku ka mona muuyuni uupe?

• Ongiini okutedhatedha ketegameno lyoye taku ku kwathele wu ilongekidhe wu ka kuthe ombinga pakuudha moshikonga shoka tashi ka ningwa muNovomba? — Luk 6:45