Aantu oyendji, oye na etaloko ewinayi li na ko nasha naamboka ye na oonkondopangelo. Shoka otu shi uvite ko, oshoka aantu oye na ondjokonona onde yokulongitha nayi oonkondopangelo dhawo, omoluuwanawa wawo yene. (Mika 7:3) Oshi shi okupandulwa, sho aakuluntugongalo momagongalo haya dheulwa ya longithe oonkondopangelo dhawo, omoluuwanawa woshigwana shaJehova. — Est 10:3; Mat 20:25, 26.

Mepingathano naantu mboka ye na oonkondopangelo muuyuni mbuka, aakuluntugongalo ohaya longo iilonga yawo yokutonatela, oshoka oye hole Jehova noshigwana she. (Joh 21:16; 1Pet 5:1-3) Kohi yewiliko lyaJesus, aasita mbaka ohaya kwathele omuuvithi kehe a kale e uvite a taambiwa ko muukwanegumbo waJehova noku hedhe popepi naye. Ohaya endelele mokutsa omukumo oonzi dhaJehova nomoku dhi kwathela, uuna pwa holoka epango lyomeendelelo nenge oshiponga. Ngele owa pumbwa ekwatho, owa manguluka okupopya nagumwe gwomaakuluntugongalo megongalo lyeni. — Jak 5:14.

TALA OKAVIDIO AASITA MBOKA HAYA SILE OSHIMPWIYU OONZI, E TO YAMUKULA OMAPULO NGAKA:

• Mariana okwa mono mo ngiini uuwanawa mekwatho ndyoka a pewa kaakuluntugongalo?

  Eyamukulo lyoye

• Elias okwa mono mo ngiini uuwanawa mekwatho ndyoka a pewa kaakuluntugongalo?

  Eyamukulo lyoye

• Iiholelwa mbino oya guma ngiini etaloko lyoye li na ko nasha niilonga mbyoka hayi longwa kaakuluntugongalo?

  Eyamukulo lyoye