Omukalo dhingi gumwe moka aavali taya vulu okukwathela oyana ya mone owino yopakalunga, omoku ya kwathela ya mone uuwanawa mokugongala kwopaKriste. Shoka aagundjuka haya mono, haya uvu nohaya holola momatyokosha gawo pokugongala, otashi vulu oku ya kwathela yi ilonge kombinga yaJehova noya pange uukuume wopothingo naye. (Deut 31:12, 13) Ngele ngoye omuvali, ongiini to vulu okukwathela omumwoye a mone mo uuwanawa mokugongala?

• Ninga oonkambadhala dha mana mo wu gongale oshipala noshipala. — Eps 22:22.

• Kala ho kutha ethimbo wu kale pamwe naamwatate naamwameme kOshinyanga shUukwaniilwa, omanga okugongala inaaku tameka nenge uuna kwa zi mo. — Heb 10:25

• Shilipaleka kutya oshilyo kehe shuukwanegumbo oshi na oshileshomwa shoka tashi konakonwa pokugongala kutya nduno oshopaelektronika nenge osha pilintwa

• Kwathela omumwoye a longekidhe etyokosha lye niitya ye mwene. — Mat 21:15, 16

• Popila aluhe okugongala muuwanawa nosho wo shoka ho ilongo po

• Kwathela aamwoye ya kale haya kutha ombinga miinima ngaashi okwoopaleka Oshinyanga shUukwaniilwa nokupopya naakokele megongalo

Okukwathela aamwoye ya hedhe popepi naJehova ohashi pula lela oonkambadhala, nomathimbo gamwe ohashi monika sha fa oshidhigu. Nonando ongawo, kala wu na uushili kutya Jehova ote ke ku kwathela. — Jes 40:29.

TALA OKAVIDIO AAVALI, INEKELENI MUJEHOVA NOMOONKONDO DHE, E TO YAMUKULA OMAPULO NGAKA:

• Omvulwe oya li ya gumu ngiini Zack naLeah?

  Eyamukulo lyoye

• Omolwashike aavali ya pumbwa okupula Jehova e ya pe oonkondo?

  Eyamukulo lyoye

• Omomikalo dhini Zack naLeah ya li ya inekela muJehova e ya kwathele?

  Eyamukulo lyoye