7-13 Kotoba
EPISALOMI 92–95
Eimbilo 84 negalikano | Omatyokosha gopetameko (omunute 1)
1. Okulongela Jehova okwo dhingi!
(ominute 10)
Jehova oye twa gwana okulongela (Eps 92:1, 4; w18.04 ep. 26, okat. 5)
Oha kwathele aapiya ye ya ninge omatokolo ngoka tage ya kwathele ya kale ya nyanyukwa (Eps 92:5; w18.11 ep. 20, okat. 8)
Okwa lenga mboka haye mu longele, nonando omimvo dhawo odha ya (Eps 92:12-15; w20.01 ep. 19, okat. 18)
IPULA NGEYI: ‘Oshike tashi imbi ndje ndi iyapulile Jehova nondi ninginithwe?’
2. Omaliko gomOmbiimbeli
(ominute 10)
-
Eps 92:5 — Oohapu ndhika otadhi holola ngiini uunongo waJehova? (cl ep. 176, okat. 18)
-
Omaliko geni wa mona melesho lyOmbiimbeli lyoshiwike shika?
3. Elesho lyOmbiimbeli
(ominute 4) Eps 94:1-23 (th oshitsa 5)
4. Tameka oonkundathana
(ominute 4) UUNZAPO WONTUKULUKA. Sho to kundathana nomuntu, mu kuthila ko kombinga yaashoka ho ningi wu li omulongi gwOmbiimbeli. (lmd oshileshwa 5, oshitsa 3)
5. Ninga omaishunoko
(ominute 3) UUNZAPO WONTUKULUKA. Lombwela omuntu ngoka a ulika ohokwe kombinga yekonakonombiimbeli, nonando okwa li e li tindi monakuziwa. (lmd oshileshwa 8, oshitsa 4)
6. Ninga aantu aalongwa
(ominute 5) Oonkundathana nomukonakonimbiimbeli, ngoka itaa ningi ehumokomeho. (lmd oshileshwa 12, oshitsa 5)
Eimbilo 5
7. Uuna aagundjuka ya gwililwa po kiimpwiyu
(ominute 15) Oonkundathana.
Mboka haya longele Jehova nayo ohaya kala ye na iimpwiyu. Pashiholelwa, David naye okwa li a gwililwa po kiimpwiyu, ngaashi owala aamwatate oyendji kunena. (Eps 13:2; 139:23) Mupyamunene, aagundjuka nayo ohaya kala ye na iimpwiyu. Omathimbo gamwe, iimpwiyu ohayi vulu oku shi ningitha oshidhigu tu ninge iinima mbyoka hatu ningi pandjigilile, ngaashi okuya kosikola nenge kokugongala. Ohayi vulu wo okuningitha omuntu a kale a lyalyakana nenge e na omadhiladhilo gokwiikutha omwenyo.
Aagundjuka, uuna mu uvite mwa gwililwa po kiimpwiyu, popyeni naavali yeni nenge nomukuluntu ngoka a pyokoka. Puleni wo Jehova ekwatho megalikano. (Fil 4:6) Ote ke mu kwathela. (Eps 94:17-19; Jes 41:10) Natu taleni koshiholelwa shaSteing.
Dhana OKAVIDIO Jehova okwa sile ndje oshimpwiyu. Opo nduno, pula aapulakeni:
• Ovelise yini ya kwathela Steing nomolwashike?
• Jehova okwe mu sile ngiini oshimpwiyu?
Aavali, otamu vulu okukwathela aanona yeni ya ungaunge niimpwiyu, mokukala hamu pulakene kuyo neidhidhimiko, hamu ya ulikile ohole noku ya kwathela ya kale ya inekela Jehova. (Tit 2:4; Jak 1:19) Kaleni mwi ikolelela muJehova e mu pe oonkondo ndhoka mwa pumbwa, mu yambidhidhe oyana yeni.
Otashi vulika kaatu kale tu shi ngoka a gwililwa po kiimpwiyu megongalo nenge kaatu uvite ko onkalo ye. Nonando ongawo, otatu vulu oku ulukila ayehe megongalo kutya otu ya hole notwe ya taamba ko. — Omayel 12:25; Heb 10:24.
8. Ekonakonombiimbeli lyEgongalo
(ominute 30) kr ontop. 17 okat. 1-9
