1. Mbela openi pwa za iinima ayihe mbyoka iiwanawa, noto vulu mbela okugandja oshiholelwa?

2. Kalunga okwa shiti shike tango?

3. Omolwashike omuyengeli gwotango a li i ikalekelwa?

4. Hokolola kutya evi olya li ngiini petameko. (Tala kefano.)

5. Kalunga okwa tameke ngiini okulongekidhila iinamwenyo naantu evi?

Omapulo ga gwedhwa po:

1. Lesha Jeremia 10:12.

Omaukwatya gaKalunga geni tagu ulikwa meshito lye alihe? (Jes. 40:26; Rom. 11:33)

2. Lesha Aakolossa 1:15-17.

Onkandangala yini Jesus a dhana meshito, nongiini shoka shi na okunwetha mo etaloko lyetu oku mu tala ko? (Kol. 1:15-17)

3. Lesha Genesis 1:1-10.

(a) Olye a shiti evi? (Gen. 1:1)

(b) Oshike sha li sha ningwa po mesiku lyotango lyokushita? (Gen. 1:3-5)

(c) Hokolola shoka sha li sha ningwa po mesiku etiyali lyokushita. (Gen. 1:7, 8)

1. Kalunga okwa shiti ngiini evi li kale ehala lyetu lyokukala?

2. Hokolola omaludhi ogendji giinamwenyo yi ili noyi ili mbyoka Kalunga a shiti. (Tala kefano.)

3. Omolwashike oshikunino shaEden sha li ehala tali monika lyi ili?

4. Kalunga okwa li a hala evi alihe li kale shike?

Omapulo ga gwedhwa po:

1. Lesha Genesis 1:11-25.

(a) Kalunga okwa shiti shike mesiku etitatu lyokushita? (Gen. 1:12)

(b) Oshike sha li sha ningwa po mesiku etine lyokushita? (Gen. 1:16)

(c) Iinamwenyo yomaludhi geni Kalunga a li a shiti mesiku etitano netihamano? (Gen. 1:20, 21, 25)

2. Lesha Genesis 2:8, 9.

Omiti mbali dhi ikalekelwa dhini Kalunga a li a tula moshikunino, noshike dha li tadhi thaneke?

1. Efano lyomEhokololo eti-3 olya yooloka ko ngiini kefano lyomEhokololo eti-2?

2. Olye a shiti omulumentu gwotango, nedhina lyomulumentu ngoka olya li lye?

3. Iilonga yini Kalunga a li a pe Adam e yi longe?

4. Omolwashike Kalunga a li a kotheke Adam oomposi oondhigu?

5. Adam naEva oya li taya vulu okukala nomwenyo uule wethimbo li thike peni, niilonga yini Kalunga a li a hala ya longe?

Omapulo ga gwedhwa po:

1. Lesha Eksodus 15:2, 3.

Edhina lyaKalunga olye, nondondo yi ikalekelwa yini e na kombanda yevi? (Eks. 15:2, 3; Dan. 4:14 [4:17, OB-1986])

2. Lesha Genesis 1:26-31.

(a) Kalunga okwa shiti shike hugunina mesiku etihamano, nongiini oshishitwa shoka sha li sha yooloka ko kiinamwenyo? (Gen. 1:26)

(b) Esiloshimpwiyu lini Jehova a li a ningile aantu nosho wo iinamwenyo? (Gen. 1:30)

3. Lesha Genesis 2:7-25.

(a) Oshilonga shaAdam shokuluka iinamwenyo osha li sha kwatela mo shike? (Gen. 2:19)

(b) Genesis 2:24 ote tu kwathele ngiini okuuva ko nkene Jehova ha tala ko ondjokana, etopoko nehengathano? (Mat. 19:4-6, 9)

1. Oshike tashi ningilwa Adam naEva mefano moka?

2. Omolwashike Jehova a li e ya geyele?

3. Eyoka olya li lya lombwele Eva shike?

4. Olye a li a ningitha eyoka li popye naEva?

5. Omolwashike Adam naEva ya li ya kanitha ehala lyawo lyokukala mOparadisa?

Omapulo ga gwedhwa po:

1. Lesha Genesis 2:16, 17 nosho wo 3:1-13, 24.

(a) Ongiini epulo ndyoka eyoka lya li lya pula Eva lya li lyu ulike kutya olya li tali fundju shi na ko nasha naJehova? (Gen. 3:1-5; 1 Joh. 5:3)

(b) Eva oku li ngiini oshiholelwa tashi londodha kutse? (Fil. 4:8; Jak. 1:14, 15; 1 Joh. 2:16)

(c) Ongiini Adam naEva ya li inaaya zimina epuko lyaashoka ya ningi? (Gen. 3:12, 13)

(d) Aakerubi mboka ya li ya langekwa lwokuuzilo woshikunino shaEden oya li ya yambidhidha ngiini uunamapangelo waJehova? (Gen. 3:24)

2. Lesha Ehololo 12:9.

Satana okwa li e shi pondola ngiini okweethitha po aantu okupangelwa kuKalunga? (1 Joh. 5:19)

1. Onkalamwenyo pondje yoshikunino shaEden oya li ngiini kuAdam naEva?

2. Oshike sha li sha tameke okuningilwa Adam naEva, nomolwashike?

3. Omolwashike aanona yaAdam naEva ya li taya ka kulupa nokusa?

4. Ando Adam naEva oya vulikile kuJehova, ando onkalamwenyo oya kala ngiini kuyo nokaanona yawo?

5. Ongiini okwaavulika kwaEva kwa li kwe mu etele uuwehame?

6. Oyanamati yaali yotango yaAdam naEva oya li oolye?

7. Aanona yalwe mboka ye li methano oyo oolye?

Omapulo ga gwedhwa po:

1. Lesha Genesis 3:16-23 nosho wo 4:1, 2.

(a) Ongiini onkalamwenyo yaAdam ya li ya gumwa kokuthingwa kwevi? (Gen. 3:17-19; Rom. 8:20, 22)

(b) Omolwashike edhina Eva ndyoka tali ti “Omunamwenyo,” lye eleka? (Gen. 3:20)

(c) Jehova okwa li e na ko nasha ngiini naAdam naEva nokuli nokonima sho ya yono? (Gen. 3:7, 21)

2. Lesha Ehololo 21:3, 4, OB-1986.

Iinima yini “iikulu” wa halelela okumona tayi hulithwa po?

1. Iilonga yini Kain naAbel ya li haya longo?

2. Kain naAbel oya li ye etele Jehova omagano gashike?

3. Omolwashike Jehova a li a hokwa omagano gaAbel, nomolwashike a li inaa hokwa ngoka gaKain?

4. Kain okwa li omuntu a tya ngiini, nongiini Jehova a li a kambadhala oku mu pukulula?

5. Kain okwa li a ningi shike sho ya li oyo ayeke nomumwayina mokuti?

6. Yelitha shoka sha li sha ningilwa Kain sho a dhipaga omumwayina.

Omapulo ga gwedhwa po:

1. Lesha Genesis 4:2-26.

(a) Jehova okwa li a hokolola ngiini onkalo ya nika oshiponga moka Kain a li? (Gen. 4:7)

(b) Kain okwa li u ulike ngiini iikala yomomutima gwe? (Gen. 4:9)

(c) Jehova okwa tala ko ngiini okutilahi ombinzi kaayi na ondjo? (Gen. 4:10; Jes. 26:21)

2. Lesha 1 Johannes 3:11, 12.

(a) Omolwashike Kain a li a geya noonkondo, nongiini shoka shi li elondodho kutse nena? (Gen. 4:4, 5; Omayel. 14:30, OB-1986; 28:22)

(b) Ombimbeli oyu ulike ngiini kutya nokuli nonando iilyo yuukwanegumbo wetu ayihe oyi tu pataneke shi na ko nasha naJehova, tse otatu vulu okukala twa kakatela natango uudhiginini wetu? (Eps. 27:10; Mat. 10:21, 22)

3. Lesha Johannes 11:25.

Jehova okwa gandja eshilipaleko lini li na ko nasha naayehe mboka taya si molwuuyuuki? (Joh. 5:24)

1. Henok okwa li i ili ngiini?

2. Omolwashike aantu pethimbo lyaHenok ya li ya ningi iinima oyindji iiwinayi?

3. Iinima iiwinayi oyini aantu ya li ya ningi? (Tala kefano.)

4. Omolwashike Henok a li a pumbwa okukala ependa?

5. Aantu pethimbo ndyono oya li haya kala nomwenyo uule wethimbo li thike peni, ihe Henok okwa li a kala nomwenyo uule wethimbo li thike peni?

6. Oshike sha li sha ningwa po konima sho Henok a si?

Omapulo ga gwedhwa po:

1. Lesha Genesis 5:21-24, 27.

(a) Ekwatathano lini lya li pokati kaHenok naJehova? (Gen. 5:24)

(b) PaMbimbeli, olye omulumentu a li a kala nomwenyo ethimbo ele ngoka a li ko nale, nokwa li e na oomvula ngapi sho a si? (Gen. 5:27)

2. Lesha Genesis 6:5.

Oonkalo kombanda yevi odha li oombwinayi shi thike peni konima yeso lyaHenok, nongiini shoka tashi yelekanithwa nethimbo lyetu? (2 Tim. 3:13)

3. Lesha Aaheberi 11:5.

Uukwatya waHenok uni ‘Kalunga a li a hokwa,’ noshizemo osha li shike? (Gen. 5:22)

4. Lesha Judas 14, 15.

Ongiini Aakriste nena taya vulu okuholela uulaadhi waHenok sho taya londodha aantu kombinga yolugodhi lwaHarmagedon ndoka talu ya? (2 Tim. 4:2; Heb. 13:6)

1.Oshike sha li sha ningwa po sho yamwe yomaayengeli yaKalunga ya li ya pulakene kuSatana?

2. Omolwashike yamwe yomaayengeli ya li ye etha po iilonga yawo megulu e taye ya kombanda yevi?

3. Omolwashike sha li sha puka opo aayengeli ye ye kombanda yevi nokwiiningila omalutu gopantu?

4. Ongiini aanona yaayengeli ya li yi ili?

5. Ngaashi to vulu oku shi mona mefano moka, aanona yaayengeli oya li haya longo shike sho ya ningi aalefule?

6. Konima yaHenok, omulumentu omwaanawa guni a li ko kombanda yevi, nomolwashike Kalunga a li e mu hole?

Omapulo ga gwedhwa po:

1. Lesha Genesis 6:1-8.

Genesis 6:6 ota holola shike kombinga yankene eihumbato lyetu tali vulu okuguma omaiyuvo gaJehova? (Eps. 78:40, 41; Omayel. 27:11)

2. Lesha Judas 6.

Ongiini aayengeli mboka “inaa dhiginina uulenga wawo” pethimbo lyaNoa ye li edhimbulukitho kutse nena? (1 Kor. 3:5-9; 2 Pet. 2:4, 9, 10)

1. Uukwanegumbo waNoa owa li u na aantu yangapi, nomadhina goyana aamati yatatu oga li geni?

2. Kalunga okwa li a pula Noa a ninge shike inaashi tseyika nale, nomolwashike?

3. Aantu yalwe oya li yi inyenge ngiini sho Noa a li e ya lombwele kombinga yonguluwato?

4. Kalunga okwa li a lombwele Noa a ninge shike niinamwenyo?

5. Konima sho Kalunga e edhile omweelo gwonguluwato, Noa nuukwanegumbo we oya li ya ningi shike?

Omapulo ga gwedhwa po:

1. Lesha Genesis 6:9-22.

(a) Oshike sha li sha ningitha Noa a kale omulongeli gwaKalunga kashili a dhenga mbanda? (Gen. 6:9, 22)

(b) Jehova ohu uvu ngiini shi na ko nasha nelongithonkondo, nongiini shoka shi na okuguma ehogololo lyetu lyomainyanyudho? (Gen. 6:11, 12; Eps. 11:5, NW)

(c) Ongiini tatu vulu okuholela Noa ngele tatu pewa omalombwelo okupitila mehangano lyaJehova? (Gen. 6:22; 1 Joh. 5:3)

2. Lesha Genesis 7:1-9.

Uushili kutya Jehova okwa li a tala ko omuntu inaa gwanenena Noa e li omuyuuki otau tu ladhipike nena ngiini? (Gen. 7:1; Omayel. 10:16; Jes. 26:7)

1. Omolwashike kaapwa li pu na ngoka ta vulu okuya monguluwato sho omvula ya tameke okuloka?

2. Uule womasiku nomausiku ge thike peni Jehova a li a lokitha omvula, nomeya oga li omale ge thike peni?

3. Oshike sha li sha ningilwa onguluwato sho omeya ga li ga tameke okusiikila evi?

4. Mbela aalefule oya li ya hupu kEyelu, noshike sha li sha ningilwa oohe yaalefule?

5. Oshike sha li sha ningilwa onguluwato konima yoomwedhi ntano?

6. Omolwashike Noa a li a pititha mo edhilakola monguluwato?

7. Noa okwa li a tseya ngiini kutya omeya kevi oga pwina ko?

8. Kalunga okwa li a lombwele Noa shike konima sho ye nuukwanegumbo we ya li ya kala monguluwato uule womvula yimwe?

Omapulo ga gwedhwa po:

1. Lesha Genesis 7:10-24.

(a) Aantu niinamwenyo oya li ya hanagulwa po shi thike peni kombanda yevi? (Gen. 7:23)

(b) Osha li sha kutha uule wethimbo li thike peni opo omeya gEyelu ga pwine po? (Gen. 7:24, OB-1986)

2. Lesha Genesis 8:1-17.

Genesis 8:17 otu ulike ngiini kutya elalakano lyaJehova lyopetameko li na ko nasha nevi inali lunduluka? (Gen. 1:22)

3. Lesha 1 Petrus 3:19, 20.

(a) Sho aayengeli aanashipotha ya li ya shuna megulu, oya pangulwa ngiini? (Jud. 6)

(b) Ehokololo lyaNoa nuukwanegumbo we otali koleke ngiini einekelo lyetu moonkondo dhaJehova dhokuhupitha oshigwana she? (2 Pet. 2:9)

1. Ngaashi shu ulikwa mefano moka, oshike Noa a li a ningi tangotango sho a zi monguluwato?

2. Oshipango shini Kalunga a li a pe Noa nuukwanegumbo we konima yEyelu?

3. Euvaneko lini Kalunga a li a ningi?

4. Uuna tatu mono uutamvula, oshike u na oku tu dhimbulukitha?

Omapulo ga gwedhwa po:

1. Lesha Genesis 8:18-22.

(a) Ongiini nena tatu vulu okugandja “ezimba etoye” kuJehova? (Gen. 8:21; Heb. 13:15, 16)

(b) Jehova okwa li a dhimbulukwa shike shi na ko nasha nonkalo yomutima gwomuntu, noshike ano tu na okukala twa kotokela? (Gen. 8:21; Mat. 15:18, 19)

2. Lesha Genesis 9:9-17.

(a) Ondjuvanena yini Jehova a li a ningi niinamwenyo ayihe yokombanda yevi? (Gen. 9:10, 11)

(b) Ondjuvanena yuutamvula oya li tayi ka kala tayi longo uule wethimbo li thike peni? (Gen. 9:16)

1. Nimrod okwa li lye, na Kalunga okwa li e mu uvitile ngiini?

2. Omolwashike aantu ya li taya thooloma oondhopi mefano moka?

3. Omolwashike Jehova a li inaa hokwa iilonga mbyoka yokutunga?

4. Kalunga okwa li e ethitha po ngiini aantu iilonga yokutunga oshungongulu?

5. Oshilando osha li hashi ithanwa ngiini, nedhina lyasho otali ti shike?

6. Aantu oya li ya ningi ngiini sho Kalunga a li a vundakanitha elaka lyawo?

Omapulo ga gwedhwa po:

1. Lesha Genesis 10:1, 8-10.

Omaukwatya geni Nimrod a li u ulike, nelondodho lini shoka she tu pe? (Omayel. 3:31, KB)

2. Lesha Genesis 11:1-9.

Oshungongulu oya li tayi tungwa nelalakano lini, nomolwashike okutungwa kwayo kwa li itaaku ka pondola nando? (Gen. 11:4; Omayel. 16:18; Joh. 5:44)

1. Moshilando shaUr omwa li mwa kala aantu ya tya ngiini?

2. Omulumentu ngoka e li mefano moka oye lye, okwa valwa uunake nokwa li ha kala peni?

3. Jehova okwa li a lombwele Abraham a ninge shike?

4. Omolwashike Abraham a li i ithanwa kuume kaKalunga?

5. Oolye ya li ya yi pamwe naAbraham sho a zi muUr?

6. Jehova okwa li a lombwele Abraham shike sho a thiki koshilongo shaKanaan?

7. Euvaneko lini Jehova a li u uvanekele Abraham sho a li e na oomvula 99?

Omapulo ga gwedhwa po:

1. Lesha Genesis 11:27-32.

(a) Abraham naLot oya li ya pambathana ngiini? (Gen. 11:27)

(b) Nonando otaku tiwa kutya Tarah okwa li a tembudhile uukwanegumbo we kuKanaan, otu shi shi ngiini kutya Abraham oye lela a li a katuka tango onkatu mokutembuka hoka, nomolwashike e shi ningile? (Gen. 11:31; Iil. 7:2-4)

2. Lesha Genesis 12:1-7.

Jehova okwa li a nenepeke ngiini ondjuvanena ye ndjoka a ninga naAbraham konima sho Abraham a thiki moshilongo shaKanaan? (Gen. 12:7)

3. Lesha Genesis 17:1-8, 15-17.

(a) Edhina lyaAbram olya li lya lundululwa li ninge lye sho a li e na oomvula 99, nomolwashike? (Gen. 17:5, OB-1986)

(b) Omalaleko nuuyamba gomonakuyiwa geni Jehova a li u uvanekele Sara? (Gen. 17:15, 16)

4. Lesha Genesis 18:9-19.

(a) MuGenesis 18:19, iinakugwanithwa yini ya tulilwa po ootate? (Deut. 6:6, 7; Ef. 6:4)

(b) Oshimoniwa shini shaSara tashi ulike kutya itatu vulu okuholeka sha Jehova? (Gen. 18:12, 15; Eps. 44:22 [44:21, OB-1986])

1. Euvaneko lini Kalunga a li u uvanekele Abraham, nongiini Kalunga a li a gwanitha euvaneko lye?

2. Ngaashi shu ulikwa mefano moka, Kalunga okwa li a makele ngiini eitaalo lyaAbraham?

3. Abraham okwa li a ningi shike, nokuli nonando ka li u uvite ko etompelo lyoshipango shaKalunga?

4. Oshike sha li sha ningwa po sho Abraham a kutha mo oshimbele a dhipage omwana?

5. Eitaalo lyaAbraham muKalunga olya li lya kola shi thike peni?

6. Kalunga okwa li a pe shike Abraham osho a yambe po, nongiini?

Omapulo ga gwedhwa po:

1. Lesha Genesis 21:1-7.

Omolwashike Abraham a li a pititha omwana etanda mesiku etihetatu? (Gen. 17:10-12; 21:4)

2. Lesha Genesis 22:1-18.

Isaak okwa li u ulike ngiini evuliko kuhe, Abraham, nongiini shoka sha li sha thaneke oshiningwanima shomonakuyiwa shi na unene oshilonga? (Gen. 22:7-9; 1 Kor. 5:7; Fil. 2:8, 9)

1. Omolwashike Abraham naLot ya li ya topoka?

2. Omolwashike Lot a li a hogolola okukala muSodom?

3. Aantu yomuSodom oya li ngiini?

4. Elondodho lini aayengeli yaali ya li ya pe Lot?

5. Omolwashike omukiintu gwaLot a li a shituka oshaanda shomongwa?

6. Oshiilongomwa shini tatu vulu okwiilonga moshinima shomukiintu gwaLot?

Omapulo ga gwedhwa po:

1. Lesha Genesis 13:5-13.

Shi na ko nasha nokukandula po omaupyakadhi pokati kaantu, oshiilongomwa shini tatu vulu okwiilonga kuAbraham? (Gen. 13:8, 9; Rom. 12:10; Fil. 2:3, 4)

2. Lesha Genesis 18:20-33.

Ongiini okweendathana kwaJehova naAbraham taku tu pe einekelo kutya Jehova naJesus otaya ka pangula pauyuuki? (Gen. 18:25, 26; Mat. 25:31-33)

3. Lesha Genesis 19:1-29.

(a) Ehokololo lyOmbimbeli ndika otali ulike shike kombinga yetaloko lyaKalunga okutala ko uushenge? (Gen. 19:5, 13; Lev. 20:13)

(b) Eyooloko lini tu wete momikalo ndhoka Lot naAbraham ya li yi inyenge kewiliko lyaKalunga, noshike tatu vulu okwiilonga mwaashika? (Gen. 19:15, 16, 19, 20; 22:3)

4. Lesha Lukas 17:28-32.

Iikala yomutima yini omukulukadhi gwaLot a li e na yi na ko nasha niinima yopamaliko, nongiini shoka shi li elondodho kutse? (Luk. 12:15; 17:31, 32; Mat. 6:19-21, 25)

5. Lesha 2 Petrus 2:6-8.

Mokuholela Lot, iikala yetu oyi na okukala ya tya ngiini shi na ko nasha nuuyuni waa na Kalunga moka tu li? (Hes. 9:4; 1 Joh. 2:15-17)

1. Omulumentu nomukiintu mboka ye li mefano moka oyo oolye?

2. Abraham okwa li a ningi shike opo a monene omwana omukiintu, nomolwashike?

3. Egalikano lyomupiya gwaAbraham olya li lya yamukulwa ngiini?

4. Rebeka okwa li a yamukula ngiini sho a li a pulwa ngele okwa hala okuhokanwa kuIsaak?

5. Oshike sha li sha nyanyudha ishewe Isaak?

Omapulo ga gwedhwa po:

1. Lesha Genesis 24:1-67.

(a) Omaukwatya omawanawa geni Rebeka a li u ulike sho a tsakanene nomupiya gwaAbraham pomuthima? (Gen. 24:17-20; Omayel. 31:17, 31)

(b) Elongekidho ndyoka Abraham a li a ningile Isaak otali gandja oshiholelwa oshiwanawa shini kAakriste nena? (Gen. 24:37, 38; 1 Kor. 7:39; 2 Kor. 6:14)

(c) Omolwashike tu na okukonga ethimbo lyokutedhatedha, ngaashi naanaa Isaak a li a ningi? (Gen. 24:63, NW; Eps. 77:12, OB-1986; Fil. 4:8)

1. Esau naJakob oya li oolye, nongiini ya li ya yoolokathana?

2. Esau naJakob oya li ye na oomvula ngapi sho hekulu Abraham a si?

3. Esau okwa li a ningi shike shoka sha li shu uvitha nayi noonkondo yina nahe?

4. Omolwashike Esau a li a geyela noonkondo omumwayina, Jakob?

5. Isaak okwa li a lombwele omwanamati Jakob a ninge shike?

Omapulo ga gwedhwa po:

1. Lesha Genesis 25:5-11, 20-34.

(a) Jehova okwa li a hunganeke shike shi na ko nasha noyanamati yaali yaRebeka? (Gen. 25:23)

(b) Ekondjithathano lini lya li pokati kiikala yaJakob naEsau shi na ko nasha nuuthiga wuukuluntu? (Gen. 25:31-34)

2. Lesha Genesis 26:34, 35; 27:1-46; nosho wo 28:1-5.

(a) Okwaahe na olupandu lwiinima yopambepo kwaEsau okwa li ngiini kwi iwetikile? (Gen. 26:34, 35; 27:46)

(b) Opo Jakob a lalekwe nuuyamba kuKalunga, Isaak okwa li e mu lombwele a ninge shike? (Gen. 28:1-4)

3. Lesha Aaheberi 12:16, 17.

Oshiholelwa shaEsau otashi ulike shike shi na ko nasha noshilanduliko shaamboka haya dhini iinima iiyapuki?

1. Omukiintu omugundjuka ngoka e li mefano moka oye lye, noshike Jakob a li e mu ningile?

2. Jakob okwa li a ningi shike nehalo ewanawa opo a vule okuhokana Rakel?

3. Laban okwa li a ningi shike sho ethimbo lya li lya thikana opo Jakob a hokane Rakel?

4. Jakob okwa li a zimine okuninga shike opo Rakel a ninge omukiintu gwe?

Omapulo ga gwedhwa po:

1. Lesha Genesis 29:1-30.

(a) Jakob oku ulike ngiini kutya ye oku shi okusimanekwa, nokuli nonando Laban okwa li e mu ningi iineya, noshike tatu vulu okwiilonga mwaashika? (Gen. 29:26-28; Mat. 5:37)

(b) Ongiini oshiholelwa shaJakob tashi ulike eyooloko pokati kohole yashili nokukala owala wa fuukila omuntu? (Gen. 29:18, 20, 30; Ondjimb. 8:6)

(c) Aakiintu yane yeni ya li ya ningi aanegumbo lyaJakob nokonima yethimbo oye mu valele aanona aamati? (Gen. 29:23, 24, 28, 29)

1. Omadhina goyanamati yahamano yaJakob mboka a li a mono nomukulukadhi gwe gwotango Lea, ogeni?

2. Aamati yaali yeni omudhike gwaLea, Silpa a li a valele Jakob?

3. Omadhina goyanamati yaali yomudhike gwaRakel, Bilha mboka a valele Jakob oga li geni?

4. Rakel okwa vala aamati yaali yeni, ihe oshike sha li sha ningwa po sho omumati omutiyali a valwa?

5. Pafano ndika, aamati yangapi Jakob a li e na, nomuyo omwa li mwa zi oshigwana shini?

Omapulo ga gwedhwa po:

1. Lesha Genesis 29:32-35; 30:1-26; nosho wo 35:16-19.

Ngaashi shu ulikwa moshinima shoyanamati yaJakob 12, olundji aamati Aaheberi oya li haya lukwa ngiini methimbo lyonale?

2. Lesha Genesis 37:35.

Nonando Dina oye owala a li a tumbulwa mOmbimbeli, otu shi shi ngiini kutya Jakob okwa li e na oyanakadhona ye vule pugumwe? (Gen. 37:34, 35)

1. Omolwashike Abraham naIsaak ya li inaaya hala aanona yawo ya hokane naantu yokoshilongo shaKanaan?

2. Mbela Jakob okwa li e shi hokwa sho omwana a ningi uukuume naakadhona yokuKanaan?

3. Omulumentu ngoka ta tala kuDina mefano moka oye lye, noshinima oshiiwinayi shini a li a ningi?

4. Aamwayinamati yaDina, Simeon naLevi, oya li ya ningi shike sho yu uvu shoka sha ningwa po?

5. Mbela Jakob okwa li e uvitile ombili shoka sha ningwa kuSimeon naLevi?

6. Uudhigu owa li wa tameke ngiini muukwanegumbo we?

Omapulo ga gwedhwa po:

1. Lesha Genesis 34:1-31.

(a) Omolwashike Dina naye a li e na okupewa ondjo molwokukanitha uukadhona we? (Gal. 6:7)

(b) Ongiini aagundjuka nena tayu ulike kutya oyu uva ko oshiholelwa shaDina tashi londodha? (Omayel. 13:20; 1 Kor. 15:33; 1 Joh. 5:19)

1. Omolwashike aamwahe yaJosef ya li ye mu tsila ondumbo, noshike ya li ya ningi?

2. Aamwahe yaJosef oya li ya hala ye mu ningile shike, ihe Ruben okwa ti shike?

3. Oshike sha li sha ningwa po sho aalandithi Aaismael ya li ye ya po?

4. Aamwahe yaJosef oya li ya ningi shike opo ya dhiladhilithe he kutya Josef okwa sa?

Omapulo ga gwedhwa po:

1. Lesha Genesis 37:1-35.

(a) Aakriste otaya vulu ngiini okulandula oshiholelwa shaJosef mokutseyithila egongalo omapuko ngoka ga ningwa? (Gen. 37:2; Lev. 5:1; 1 Kor. 1:11)

(b) Oshike sha li sha ningitha aamwahe yaJosef ye mu kotokele? (Gen. 37:11, 18; Omayel. 27:4, NW; Jak. 3:14-16, OB-1986)

(c) Molwokunika oluhodhi Jakob okwa li a ningi shike shoka shi li paunshitwe? (Gen. 37:35)

1. Oshike sha li sha ningilwa Farao ongulohi yimwe?

2. Omolwashike omupindi lwahugunina a li a dhimbulukwa Josef?

3. Ngaashi shu ulikwa mefano moka, oondjodhi mbali dhini Farao a li a yaguma?

4. Josef okwa li a ti kutya oondjodhi otadhi ti shike?

5. Josef okwa li a ningi ngiini omulumentu a simana noonkondo muEgipiti a landula Farao?

6. Omolwashike aamwahe yaJosef ya li ye ya kuEgipiti, nomolwashike inaaye mu dhimbulula?

7. Ondjodhi yini Josef a li a dhimbulukwa, noya li ye mu kwathele okuuva ko shike?

Omapulo ga gwedhwa po:

1. Lesha Genesis 41:1-57.

(a) Josef okwa li u ukitha ngiini eitulomo kuJehova, nomomukalo guni Aakriste nena taya vulu okulandula oshiholelwa she? (Gen. 41:16, 25, 28; Mat. 5:16; 1 Pet. 2:12)

(b) Ongiini omimvo dheloolo muEgipiti ndhoka dha li dha landulwa komimvo dhondjala tadhi ulike lelalela ekondjithathano pokati konkalo yopambepo yoshigwana shaJehova nena naandjoka yUukwakriste? (Gen. 41:29, 30; Amos 8:11, 12)

2. Lesha Genesis 42:1-8 nosho wo 50:20.

Mbela osha puka kaalongeli yaJehova okutsila omuntu oongolo moku mu simaneka nosho wo okusimaneka ondondo ye ngele osho omukalondjigilile gwoshilongo shawo? (Gen. 42:6)

1. Omolwashike Josef a li u ula aamwahe kutya oyo oondaadhi?

2. Omolwashike Jakob a li e etha omwanamati onkelo, Benjamin a ye kuEgipiti?

3. Osha li she ende ngiini opo oshitenga shaJosef shoshisiliveli shi ye mompunda yaBenjamin?

4. Juda okwa li a ningi po shike opo Benjamin a mangululwe?

5. Aamwahe yaJosef oya li ya lunduluka ngiini?

Omapulo ga gwedhwa po:

1. Lesha Genesis 42:9-38.

Oohapu dhaJosef muGenesis 42:18 odhi li ngiini edhimbulukitho ewanawa kwaamboka ye na iinakugwanithwa mehangano lyaJehova nena? (Neh. 5:15; 2 Kor. 7:1, 2)

2. Lesha Genesis 43:1-34.

(a) Nonando Ruben oye a li osheeli, oshi iwetikile ngiini kutya Juda oye a li omupopikalelipo gwaamwahe? (Gen. 43:3, 8, 9; 44:14, 18; 1 Ondjal. 5:2)

(b) Osha yela kutya Josef okwa li a makele ngiini aamwahe, nomolwashike? (Gen. 43:33, 34)

3. Lesha Genesis 44:1-34.

(a) Opo aamwahe kaaye mu dhimbulule kutya oye lye, Josef okwa li i imonikitha a fa lye? (Gen. 44:5, 15; Lev. 19:26)

(b) Aamwahe yaJosef oya li yu ulike ngiini kutya iikala yondumbo ndjoka ya li ye nine nale omumwahe kayi po we? (Gen. 44:13, 33, 34)

1. Oshike sha li sha ningwa po sho Josef ta lombwele aamwahe kutya oye lye?

2. Josef okwa li a yelithile nombili aamwahe shike?

3. Farao okwa li a ti shike sho u uvu kombinga yaamwahe yaJosef?

4. Uukwanegumbo waJakob owa li uunene u thike peni sho wa tembukile kuEgipiti?

5. Uukwanegumbo waJakob owa li wi ithanwa ngiini, nomolwashike?

Omapulo ga gwedhwa po:

1. Lesha Genesis 45:1-28.

Ehokololo lyomOmbimbeli lyaJosef otali ulike ngiini kutya Jehova ota vulu okuningulula shoka sha li sha dhiladhililwa okweehameka aapiya ye shi kale shi na oshizemo oshiwanawa? (Gen. 45:5-8; Jes. 8:10; Fil. 1:12-14)

2. Lesha Genesis 46:1-27.

Eshilipalekululo lini Jehova a li a pe Jakob mondjila ye okuya kuEgipiti? (Gen. 46:1-4)

1. Job okwa li lye?

2. Satana okwa li a kambadhala okuninga shike, ihe mbela okwa li ngaa e shi pondola?

3. Jehova okwa li a pe Satana epitikilo a ninge shike, nomolwashike?

4. Omolwashike Job omukiintu gwe a li e mu lombwele kutya ‘na tuke Kalunga a se’? (Tala kefano.)

5. Ngaashi to vulu okumona mefano etiyali, Jehova okwa li a laleke nuuyamba Job ngiini, nomolwashike?

6. Ngele otwa kala aadhiginini kuJehova ngaashi Job, otatu ka mona omalaleko nuuyamba geni?

Omapulo ga gwedhwa po:

1. Lesha Job 1:1-22.

Mbela ongiini nena Aakriste taya vulu okuholela Job? (Job 1:1; Fil. 2:15; 2 Pet. 3:14)

2. Lesha Job 2:1-13.

Omomikalo mbali dhini tadhi kondjithathana Job nomukulukadhi gwe ya li yi inyenge kokuhepekwa kuSatana? (Job 2:9, 10; Omayel. 19:3; Mika 7:7; Mal. 3:14)

3. Lesha Job 42:10-17.

(a) Omafaathano geni ga li ge li pokati kondjambi ndjoka Job a li a pewa molwuudhiginini we naandjoka Jesus a li a pewa? (Job 42:12; Fil. 2:9-11)

(b) Mbela ongiini tatu ladhipikwa komalaleko nuuyamba ngoka Job a li a pewa molwokukakatela uudhiginini kwe kuKalunga? (Job 42:10, 12; Heb. 6:10; Jak. 1:2-4, 12; 5:11)

1. Omulumentu ngoka e na ongola mefano moka oye lye, nota dhenge lye?

2. Sho Josef a si, oshike sha li sha ningilwa Aaisrael?

3. Omolwashike Aaegipiti ya li ya tila Aaisrael?

4. Oshipango shini Farao a li a pe aakiintu mboka ya li ya kwathele okuvalitha aakiintu Aaisrael?

Omapulo ga gwedhwa po:

1. Lesha Eksodus 1:6-22.

(a) Omomukalo guni Jehova a li a tameke okugwanithila Abraham euvaneko lye? (Eks. 1:7; Gen. 12:2; Iil. 7:17)

(b) Aavalithi Aaheberi oya li yu ulike ngiini kutya oya simaneka uuyapuki womwenyo? (Eks. 1:17; Gen. 9:6)

(c) Aavalithi oya li ya pewa ngiini ondjambi molwuudhiginini wawo kuJehova? (Eks. 1:20, 21; Omayel. 19:17)

(d) Satana okwa kambadhala ngiini okuya moshipala elalakano lyaJehova li na ko nasha nOluvalo lwaAbraham lwu uvanekwa? (Eks. 1:22; Mat. 2:16)

1. Okahanona hoka ke li mefano moka oko lye, noka kwata omunwe gwalye?

2. Yina yaMoses okwa li a ningi shike opo e mu hupithe kaa dhipagwe?

3. Okakadhona hoka ke li mefano moka oko lye, noka ninga shike?

4. Sho omwanakadhona gwaFarao a li a mono okanona, Miriam okwa ti shike?

5. Omuna gwokombanda okwa li a lombwele shike yina yaMoses?

Epulo lya gwedhwa po:

1. Lesha Eksodus 2:1-10.

Yina yaMoses okwa li e na ompito yini okuputudha nokulonga Moses okuza kuunona, noshiholelwa shini shika tashi pe aavali nena? (Eks. 2:9, 10; Deut. 6:6-9; Omayel. 22:6; Ef. 6:4; 2 Tim. 3:15)

1. Moses okwa kokele peni, ihe okwa li e shi shike kombinga yaakuluntu ye?

2. Moses okwa li a ningi shike sho e na oomvula 40?

3. Oshike Moses a li a lombwele omulumentu Omwiisrael ngoka a li ta dhenge omukwawo, nomulumentu okwa li a yamukula ngiini?

4. Omolwashike Moses a li a yi ontuku kuEgipiti?

5. Openi Moses a li a yi ontuku, nolye a li a tsakaneke hono?

6. Moses okwa li a ningi shike sho a li e na oomvula 40 konima sho a thigi po Egipiti?

Omapulo ga gwedhwa po:

1. Lesha Eksodus 2:11-25.

Moses okwa li u ulike ngiini uudhiginini kuJehova nokoshigwana she, nonando okwa kala uule woomvula ta longwa uunongo wAaegipiti? (Eks. 2:11, 12; Heb. 11:24)

2. Lesha Iilonga 7:22-29.

Oshiilongomwa shini tatu vulu okwiilonga mokukambadhala kwaMoses okuhupitha oye awike Aaisrael muupika wAaegipiti? (Iil. 7:23-25; 1 Pet. 5:6, 10)

1. Mokulongitha omafano ngoka gu ulikwa mpoka, hokolola omageelo gotango gatatu ngoka Jehova a li e etele Egipiti.

2. Eyooloko olini lya li pokati komageelo gotango gatatu nomageelo galwe?

3. Oshike sha li egeelo etine, etitano netihamano?

4. Hokolola egeelo etiheyali, etihetatu netimugoyi.

5. Jehova okwa li a lombwele Aaisrael ya ninge shike manga egeelo etimulongo inaali ya?

6. Egeelo etimulongo olya li shike, noshike sha li sha ningwa po konima yalyo?

Omapulo ga gwedhwa po:

1. Lesha Eksodus 7:19–8:23.

(a) Nokuli nonando aasaaseri oompulile Aaegipiti oya li wo taya vulu okuninga omageelo ga fa ngoka gaali gotango gaJehova, oya li ye na okuzimina shike konima yegeelo etitatu? (Eks. 8:14, 15 [8:18, 19, OB-1986]; Mat. 12:24-28)

(b) Egeelo etine olya li lyu ulike ngiini okuvula kwaJehova okugamena oshigwana she, noku shi tseya otaku ningi oshigwana shaKalunga shi kale shi uvite ngiini ngele sha taalelwa ‘kuuwehame’ nenge kuudhigu uunene mboka wa hunganekwa? (Eks. 8:18, 19 [8:22, 23, OB-1986]; Eh. 7:13, 14; 2 Ondjal. 16:9)

2. Lesha Eksodus 8:20 (8:24, OB-1986); 9:3, 6, 10, 11, 14, 16, 23-25; nosho wo 10:13-15, 21-23.

(a) Omageelo Omulongo oga li ga tula pomutenya oongundu mbali dhini, notashi gumu ngiini etaloko lyetu okutala ko oongundu ndhoka nena? (Eks. 8:6, 14, 15 [8:10, 18, 19, OB-1986]; 9:14)

(b) Eksodus 9:16 ote tu kwathele ngiini okuuva ko kutya omolwashike Jehova e etha Satana a kale po sigo ongashingeyi? (Rom. 9:21, 22)

3. Lesha Eksodus 12:21-32.

Opaasa oya ningi ngiini ehupitho tali wapa kaantu oyendji, nOpaasa oya li tayi thaneke shike? (Eks. 12:21-23; Joh. 1:29; Rom. 5:18, 19, 21; 1 Kor. 5:7)

1. Aalumentu Aaisrael yangapi, pamwe naakiintu naanona, ya li ya zi muEgipiti, noolye ya li ya yi pamwe nayo?

2. Farao okwa li e uvite ngiini konima sho e etha Aaisrael ya ye, noshike a li a ningi po?

3. Jehova okwa li a ningi shike opo Aaegipiti kaaya ponokele oshigwana she?

4. Oshike sha li sha ningwa po sho Moses a ganeke ondhimbo ye kombanda yEfuta Etiligane, nAaisrael oya li ya ningi shike?

5. Oshike sha li sha ningwa po sho Aaegipiti ya matukile mefuta ya landula Aaisrael?

6. Aaisrael oya li yu ulike ngiini kutya oya nyanyukwa noya pandula Jehova sho a li e ya hupitha?

Omapulo ga gwedhwa po:

1. Lesha Eksodus 12:33-36.

Jehova okwa li a si ngiini oshimpwiyu opo a futile po oomvula adhihe ndhoka oshigwana she sha kala muupika wAaegipiti? (Eks. 3:21, 22; 12:35, 36)

2. Lesha Eksodus 14:1-31.

Oohapu dhaMoses dha nyolwa muEksodus 14:13, 14 odhi na oshizemo shini kaapiya yaJehova nena mboka ya taalela olugodhi talu ya lwaHarmagedon? (2 Ondjal. 20:17; Eps. 91:8)

3. Lesha Eksodus 15:1-8, 20, 21.

(a) Omolwashike aapiya yaJehova ye na oku mu imbila omahambelelo? (Eks. 15:1, 2; Eps. 105:2, 3; Eh. 15:3, 4)

(b) Oshiholelwa shini shokuhambelela Jehova Miriam naakiintu mboka ya li pEfuta Etiligane ya tulile po aakiintu Aakriste nena? (Eks. 15:20, 21; Eps. 68:12, KB)

1. Aantu otaya toola shike pevi mefano moka, nohashi ithanwa shike?

2. Moses okwa li a lombwele shike oshigwana shi na ko nasha nokutoola omanna?

3. Jehova okwa li a lombwele oshigwana shi ninge shike mesiku etihamano, nomolwashike?

4. Oshikumithalonga shini Jehova a li ha longo ngele omanna ga pungulwa sigo omesiku etiheyali?

5. Uule wethimbo li thike peni Jehova a li a palutha aantu nomanna?

Omapulo ga gwedhwa po:

1. Lesha Eksodus 16:1-36 nosho wo Numeri 11:7-9.

(a) Eksodus 16:8 otu ulike shike shi na ko nasha nompumbwe yetu yokusimaneka iilonga yopauteokratika megongalo lyopaKriste? (Heb. 13:17)

(b) Aaisrael oya li ya dhimbulukithwa ngiini esiku kehe mombuga kutya oya li ya pumbwa Jehova? (Eks. 16:14-16, 35; Deut. 8:2, 3)

(c) Eityo lyopathaneko lini Jesus a gandja li na ko nasha nomanna, nongiini tatu mono uuwanawa ‘moshikwiila shomegulu’ shoka? (Joh. 6:31-35, 40)

2. Lesha Josua 5:10-12.

Aaisrael oya li ya li omanna uule woomvula dhi thike peni, ongiini shika sha li emakelo kuyo, noshike tatu vulu okwiilonga mehokololo ndyoka? (Eks. 16:35; Num. 11:4-6, OB-1986; 1 Kor. 10:10, 11)

1. Oomwedhi mbali lwaampono konima yokuza muEgipiti, openi Aaisrael ya li yu ungu oontanda?

2. Jehova okwa li a popi shike osho a hala oshigwana she shi ninge, nosha li sha yamukula ngiini?

3. Omolwashike Jehova a li a pe Moses omayambi gomamanya gaali?

4. Kakele kIipango Omulongo, oompango dhilwe dhini Jehova a li a pe Aaisrael?

5. Iipango iyali yini Jesus Kristus a li a ti kutya oyo iinenenene?

Omapulo ga gwedhwa po:

1. Lesha Eksodus 19:1-25; 20:1-21; 24:12-18; nosho wo 31:18.

Ongiini oohapu dha nyolwa muEksodus 19:8 tadhi tu kwathele tu uve ko shoka sha kwatelwa mokukala Omukriste i igandja? (Mat. 16:24; 1 Pet. 4:1-3)

2. Lesha Deuteronomium 6:4-6; Levitikus 19:18; nosho wo Mateus 22:36-40.

Aakriste ohayu ulike ngiini ohole yawo yokuhola Kalunga naantu ooyakwawo? (Mark. 6:34; Iil. 4:20; Rom. 15:2)

1. Aantu mboka otaya ningi shike mefano moka, nomolwashike?

2. Omolwashike Jehova a li a geya, noshike Moses a li a ningi sho a mono shoka aantu taya ningi?

3. Moses okwa li a lombwele yamwe yomaalumentu ya ninge shike?

4. Ehokololo ndika oli na oku tu longa oshiilongomwa shini?

Omapulo ga gwedhwa po:

1. Lesha Eksodus 32:1-35.

(a) Ehokololo ndika otali ulike ngiini iikala yaJehova shi na ko nasha nokutula mumwe elongelokalunga lyiifundja naandyoka lyoshili? (Eks. 32:4-6, 10; 1 Kor. 10:7, 11)

(b) Aakriste oye na okukala ya kotokela shike mokuhogolola kwawo omainyanyudho, ngaashi okwiimba nokundanisa? (Eks. 32:18, 19; Ef. 5:15, 16; 1 Joh. 2:15-17)

(c) Ezimo lyAalevi olya tula po ngiini oshiholelwa oshiwanawa mokuyambidhidha uuyuuki? (Eks. 32:25-28; Eps. 18:26)

1. Etungo ndyoka tali tungwa mefano moka ohali ithanwa ngiini, nohali longithwa shike?

2. Omolwashike Jehova a li a lombwele Moses a ninge etsali ndyoka hali vulu okukuthwa kumwe nuupu?

3. Oshiketha shoka shi li mokala okashona kehulilo lyetsali oshashike, nomoshiketha omu na shike?

4. Jehova okwa li a hogolola lye oye a kale omusaaseri omukuluntu, noshike omusaaseri omukuluntu a li ha ningi?

5. Tumbula iinima itatu mbyoka yi li mela enene lyetsali.

6. Iinima iyali yini yi li molugumbo lwetsalihangano, noya li hayi longithwa shike?

Omapulo ga gwedhwa po:

1. Lesha Eksodus 25:8-40; 26:1-37; 27:1-8; nosho wo 28:1.

Aakerubi mboka ye li “kompungulilo yompango” oya li ye lile po shike? (Eks. 25:20, 22; Num. 7:89; 2 Aak. 19:15)

2. Lesha Eksodus 30:1-10, 17-21; 34:1, 2; nosho wo Aaheberi 9:1-5.

(a) Omolwashike Jehova a li a tsu omuthindo esimano lyokudhiginina uuyogoki wopalutu waasaaseri mboka ya li taya longo metsalihangano, noshi na oku tu guma ngiini nena? (Eks. 30:18-21, OB-1986; 40:30, 31, OB-1986; Heb. 10:22)

(b) Omuyapostoli Paulus oku ulike ngiini kutya etsalihangano nehangano lyOmpango kaya li tayi longo we pethimbo a nyolele Aakriste Aaheberi ontumwafo ye? (Heb. 9:1, 9; 10:1)

1. Ou wete shike kombinga yehila lyomandjembele mefano moka, nopeni lya li lya zi?

2. Omolwashike Moses a li a tumu oondaadhi 12 koshilongo shaKanaan?

3. Oondaadhi omulongo odha li dha lombwele Moses shike sho dha galuka?

4. Oondaadhi mbali odha li dhu ulike ngiini einekelo kuJehova, nomadhina gadho ogeni?

5. Omolwashike Jehova a li a geya, noshike a li a lombwele Moses?

Omapulo ga gwedhwa po:

1. Lesha Numeri 13:1-33.

(a) Oolye ya li ya hogololwa ya ka ndaadhe oshilongo, nompito ombwanawa yini ya li ye na? (Num. 13:2, 3, 18-20)

(b) Omolwashike Josua naKaleb ya li ye na etaloko inaali fa lyoondaadhi dhilwe, noshike shoka tashi tu longo? (Num. 13:28-30; Mat. 17:20; 2 Kor. 5:7)

2. Lesha Numeri 14:1-38.

(a) Elondodho lini li na ko nasha nokungongotola aakalelipo yaJehova yokombanda yevi tu na okupulakena kulyo? (Num. 14:2, 3, 27; Mat. 25:40, 45; 1 Kor. 10:10)

(b) Numeri 14:24 otu ulike ngiini kutya Jehova oku na ohokwe paumwene mukehe gumwe gwomaapiya ye? (1 Aak. 19:18; Omayel. 15:3, OB-1986)

1. Oolye ya li ya tsu ondumbo nepangelo lyaMoses naAaron, noshike ya li ya lombwele Moses?

2. Moses okwa li a lombwele Korah naalanduli ye 250 ya ninge shike?

3. Moses okwa li a lombwele oshigwana shike, noshike sha li sha ningwa po nziya sho a mana okupopya?

4. Oshike sha li sha ningilwa Korah naalanduli ye 250?

5. Eleasar, omwanamati gwaAaron okwa li a ningi shike niitsininitho yaalumentu mboka ya sa, nomolwashike?

6. Omolwashike Jehova a li a menitha oongala kondhimbo yaAaron? (Tala kefano.)

Omapulo ga gwedhwa po:

1. Lesha Numeri 16:1-49.

(a) Korah naalanduli ye oya li ya ningi shike, nomolwashike sha li oshilonga shokuningila Jehova oshipotha? (Num. 16:9, 10, 18; Lev. 10:1, 2; Omayel. 11:2)

(b) Etaloko lya puka lini Korah “naalumentu yegongalo” 250 ya li ye na? (Num. 16:1-3; Omayel. 15:33; Jes. 49:7)

2. Lesha Numeri 17:1-11 nosho wo 26:10.

(a) Okumena oongala kwondhimbo yaAaron okwa li ku ulike shike, nomolwashike Jehova a li a ti kutya nayi pungulwe metsalihangano? (Num. 17:20, 23, 25 [17:5, 8, 10, OB-1986])

(b) Oshiilongomwa shini sha simanenena tatu vulu okwiilonga mendhindhiliko lyokondhimbo yaAaron? (Num. 17:25 [17:10, OB-1986]; Iil. 20:28; Fil. 2:14; Heb. 13:17)

1. Balak oye lye, nomolwashike a li a tumitha Bileam e ye kuye?

2. Omolwashike okasino kaBileam ka li ka lala mondjila?

3. Bileam okwa li u uvu okasino taka popi shike?

4. Omuyengeli okwa li a ti shike kuBileam?

5. Oshike sha li sha ningwa po sho Bileam a li a kambadhala okuthinga Aaisrael?

Omapulo ga gwedhwa po:

1. Lesha Numeri 21:21-35.

Omolwashike Israel a li a sindi omukwaniilwa Sihon gwaAayamor nosho wo omukwaniilwa Og gwaBasan? (Num. 21:21, 23, 33, 34)

2. Lesha Numeri 22:1-40.

Einyengotompelo lyaBileam olya li shike mokukambadhala okuthinga Aaisrael, niiyilongomwa yini tatu vulu okwiilonga mwaashika? (Num. 22:16, 17; Omayel. 6:16, 18; 2 Pet. 2:15; Jud. 11)

3. Lesha Numeri 23:1-30.

Nonando Bileam okwa li a popi a fa e li omulongeli gwaJehova, iilonga ye oya li yu ulike ngiini kutya ke li omulongeli gwe? (Num. 23:3, 11-14; 1 Sam. 15:22)

4. Lesha Numeri 24:1-25.

Ehokololo ndika lyOmbimbeli otali koleke ngiini eitaalo lyetu mokugwanithwa kwelalakano lyaJehova? (Num. 24:10; Jes. 54:17)

1. Aalumentu mboka yaali ya thikama puMoses mefano moka oyo oolye?

2. Jehova okwa li a lombwele Josua shike?

3. Omolwashike Moses a li a londo kondungu yOndundu yaNebo, noshike Jehova a li e mu lombwele?

4. Moses okwa li e na oomvula ngapi sho a si?

5. Omolwashike aantu ya li ya yemata, ihe omolwetompelo lini ya li taya vulu okunyanyukwa?

Omapulo ga gwedhwa po:

1. Lesha Numeri 27:12-23.

Oshilonga sha simana shini Josua a li a pewa kuJehova, nongiini okusila oshimpwiyu kwaJehova oshigwana she taku ulikwa nena? (Num. 27:15-19; Iil. 20:28; Heb. 13:7)

2. Lesha Deuteronomium 3:23-29.

Omolwashike Jehova a li inee etha Moses naAaron ya ye mevi lyeuvaneko, noshiilongomwa shini tatu vulu okwiilonga mwaashika? (Deut. 3:25-27; Num. 20:12, 13)

3. Lesha Deuteronomium 31:1-8, 14-23.

Oohapu dhaMoses dhokulaleka Aaisrael odhu ulike ngiini kutya okwa taamba ko neifupipiko epukululo lyaJehova? (Deut. 31:6-8, 23)

4. Lesha Deuteronomium 32:45-52.

Oohapu dhaKalunga odhi na okuguma ngiini onkalamwenyo yetu? (Deut. 32:47; Lev. 18:5; Heb. 4:12)

5. Lesha Deuteronomium 34:1-12.

Nonando Moses ka li a mona nando Jehova mwene, Deuteronomium 34:10 otu ulike shike shi na ko nasha nekwatathano lye naJehova? (Eks. 33:11, 20; Num. 12:8)

1. Rahab okwa li ha kala peni?

2. Aalumentu yaali mboka ye li mefano moka oyo oolye, nomolwashike ye li muJeriko?

3. Omukwaniilwa gwaJeriko okwa li a tumu aalumentu ya lombwele Rahab a ninge shike, na Rahab okwa li e mu yamukula ngiini?

4. Rahab okwa li a kwathele ngiini aalumentu mboka yaali, nokwa li e ya pula ye mu ningile shike?

5. Euvaneko lini oondaadhi mbali dha li dhu uvanekele Rahab?

Omapulo ga gwedhwa po:

1. Lesha Josua 2:1-24.

Euvaneko lyaJehova lya nyolwa muEksodus 23:27 olya li lya gwanithwa ngiini sho Aaisrael ya ponokele Jeriko? (Jos. 2:9-11)

2. Lesha Aaheberi 11:31.

Oshiholelwa shaRahab oshu ulike ngiini nkene eitaalo lya simana? (Rom. 1:17; Heb. 10:39; Jak. 2:25)

1. Oshikumithalonga shini Jehova a li a longo opo Aaisrael ya vule okutaaguluka Omulonga gwaJordan?

2. Iilonga tayi ulike eitaalo yini Aaisrael ya li ye na okulonga opo ya taaguluke Omulonga gwaJordan?

3. Omolwashike Jehova a li a lombwele Josua a gongele omamanya omanene ge li 12 mokati komulonga?

4. Oshike sha li sha ningwa po nziya sho aasaaseri taya londo taya zi muJordan?

Omapulo ga gwedhwa po:

1. Lesha Josua 3:1-17.

(a) Ngaashi shu ulikwa kehokololo ndika, oshike twa pumbwa okuninga opo tu mone ekwatho lyaJehova nokulalekwa nuuyamba kuye? (Jos. 3:13, 15; Omayel. 3:5; Jak. 2:22, 26)

(b) Onkalo yOmulonga gwaJordan oya li ngiini sho Aaisrael ya li taye gu taaguluka okuya mEvi lyeuvaneko, nongiini shoka sha li sha simanekitha edhina lyaJehova? (Jos. 3:15; 4:18; Eps. 66:5-7)

2. Lesha Josua 4:1-18.

Omamanya 12 ngoka ga li ga kuthwa kuJordan noga tulwa muGilgal oga li ge na elalakano lyashike? (Jos. 4:4-7)

1. Jehova okwa li a lombwele aalumentu mboka ya li taya kondjo nosho wo aasaaseri ya ninge shike uule womasiku gahamano?

2. Aalumentu mboka oya li ye na okuninga shike mesiku etiheyali?

3. Ngaashi u wete mefano moka, oshike sha li tashi ningilwa omankolokuma gaJeriko?

4. Omolwashike ongodhi ontiligane ye endjelela pekende?

5. Josua okwa li a lombwele aalumentu mboka ya li taya kondjo ya ningile shike oshigwana noshilando, ihe ongiini kombinga yoshisiliveli, oshingoli, oshiyela oshikushu noshiyela oshiluudhe?

6. Oondaadhi mbali odha li dha lombwelwa dhi ninge shike?

Omapulo ga gwedhwa po:

1. Lesha Josua 6:1-25.

(a) Okumaatshinga kwAaisrael taya dhingoloka Jeriko mesiku etiheyali okwa faathana ngiini niilonga yokuuvitha yOonzapo dhaJehova momasiku ngaka gahugunina? (Jos. 6:15, 16; Jes. 60:22; Mat. 24:14; 1 Kor. 9:16)

(b) Ongiini ehunganeko lya nyolwa muJosua 6:26 lya li lya gwanithwa pwa pita oomvula 500 lwaampono, noshike shoka tashi tu longo kombinga yoohapu dhaJehova? (1 Aak. 16:34; Jes. 55:11)

1. Omulumentu ngoka ta fumvike eliko ndyoka lya kuthwa muJeriko mefano moka oye lye, noolye mboka ya li taye mu kwathele?

2. Omolwashike iilonga yaAkan nuukwanegumbo we ya li ya kwata miiti noonkondo?

3. Jehova okwa ti shike sho Josua a li e mu pula kutya omolwashike Aaisrael ya sindika molugodhi lwopuAi?

4. Sho Akan nuukwanegumbo we ya li ye etwa kuJosua, oya li ya ningilwa shike?

5. Oshiilongomwa shini sha simana okupangulwa kwaAkan taku tu longo?

Omapulo ga gwedhwa po:

1. Lesha Josua 7:1-26.

(a) Omagalikano gaJosua oga li gu ulike shike kombinga yekwatathano lye nOmushiti gwe? (Jos. 7:7-9; Eps. 119:145; 1 Joh. 5:14)

(b) Oshiholelwa shaAkan osha li tashi ulike shike, nongiini shoka shi li elondodho kutse? (Jos. 7:11, 14, 15; Omayel. 15:3; 1 Tim. 5:24; Heb. 4:13)

2. Lesha Josua 8:1-29.

Oshinakugwanithwa shopaumwene shini tu na shi na ko nasha negongalo lyopaKriste nena? (Jos. 7:13; Lev. 5:1; Omayel. 28:13)

1. Ongiini Aagibeon ya li ya yooloka ko kAakanaan yomiilando yopopepi?

2. Ngaashi shu ulikwa mefano moka, Aagibeon oya li taya ningi shike, nomolwashike?

3. Euvaneko lini Josua naawiliki Aaisrael ya li ya ningile Aagibeon, ihe konima yomasiku gatatu oshike ya li ya mono mo?

4. Oshike sha li sha ningwa po sho aakwaniilwa miilando yilwe ya li yu uvu kutya Aagibeon oya ninga ombili nAaisrael?

Omapulo ga gwedhwa po:

1. Lesha Josua 9:1-27.

(a) Molwaashoka Jehova okwa li a lombwele oshigwana shaIsrael ‘okukomba po oomvalele dhomoshilongo,’ omaukwatya geni a li u ulike sho a hupitha Aagibeon? (Jos. 9:22, 24; Mat. 9:13; Iil. 10:34, 35; 2 Pet. 3:9)

(b) Mokukala a dhiginina ondjuvanena ndjoka a li a ningi nAagibeon, Josua okwa tulile po ngiini Aakriste nena oshiholelwa oshiwanawa? (Jos. 9:18, 19; Mat. 5:37; Ef. 4:25)

2. Lesha Josua 10:1-5.

Ongundu onene nena otayi holele ngiini Aagibeon, noshe ya ningitha iiyodhekwa yashike? (Jos. 10:4; Sak. 8:23; Mat. 25:35-40; Eh. 12:17)

1. Josua okwa li ta popi shike mefano moka, nomolwashike?

2. Jehova okwa li a kwathele ngiini Josua naakwiita ye?

3. Aakwaniilwa yangapi ya li aatondi Josua a li a sindi, nosha li sha kutha uule wethimbo li thike peni?

4. Omolwashike Josua a li a topola oshilongo shaKanaan?

5. Josua okwa li e na oomvula ngapi sho a si, noshike sha li sha ningilwa oshigwana konima yaashoka?

Omapulo ga gwedhwa po:

1. Lesha Josua 10:6-15.

Molwaashoka otu shi kutya Jehova oye a li a ningitha etango nomwedhi yi thikame thilu omolwAaisrael, einekelo lini nena tu na? (Jos. 10:8, 10, 12, 13; Eps. 18:4 [18:3, OB-1986]; Omayel. 18:10)

2. Lesha Josua 12:7-24.

Olye a li lela a dhengithitha aakwaniilwa 31 muKaanan, nomolwashike shika sha simana kutse nena? (Jos. 12:7; 24:11-13; Deut. 31:8; Luk. 21:9, 25-28)

3. Lesha Josua 14:1-5.

Oshilongo osha li sha topolelwa ngiini omazimo gAaisrael, notashi ulike shike shi na ko nasha nokutopolwa kwevi mOparadisa? (Jos. 14:2; Jes. 65:21; Hes. 47:21-23; 1 Kor. 14:33)

4. Lesha Aatokolihapu 2:8-13.

Ngaashi Josua muIsrael, oolye taya kondjitha nena eshunomonima? (Aatok. 2:8, 10, 11; Mat. 24:45-47; 2 Tes. 2:3-6; Tit. 1:7-9; Eh. 1:1; 2:1, 2)

1. Aatokolihapu oyo oolye, nomadhina gayamwe yomuyo ogeni?

2. Debora okwa li e na uuthemba wi ikalekelwa washike, naashika osha li sha kwatela mo shike?

3. Sho Aaisrael ya li ya tilithwa kOmukwaniilwa Jabin nelenga lye lyiita, Sisera, etumwalaka lini lya li lya zi kuJehova Debora a li a pe Omutokolihapu Barak, nokwa li a ti kutya olye ta ka pewa esimano?

4. Jael okwa li u ulike ngiini kutya ye omukiintu ependa?

5. Oshike sha li sha ningwa po konima yeso lyOmukwaniilwa Jabin?

Omapulo ga gwedhwa po:

1. Lesha Aatokolihapu 2:14-22.

Aaisrael oya li ya ningi shike shoka sha li she ya geyithitha kuJehova, noshiilongomwa shini tatu vulu okwiilonga mwaashika? (Aatok. 2:20; Omayel. 3:1, 2; Hes. 18:21-23)

2. Lesha Aatokolihapu 4:1-24.

Iiyilongomwa yini yi na ko nasha neitaalo nosho wo nuupenda aakiintu Aakriste taya vulu okwiilonga miiholelwa yaDebora naJael? (Aatok. 4:4, 8, 9, 14, 21, 22; Omayel. 31:30; 1 Kor. 16:13)

3. Lesha Aatokolihapu 5:1-31.

Ongiini eimbilo lyesindano lyaBarak naDebora tali vulu okulongithwa li li egalikano li na ko nasha niita mbyoka tayi ya puHarmagedon? (Aatok. 5:3, 31; 1 Ondjal. 16:8-10; Eh. 7:9, 10; 16:16; 19:19-21)

1. Omolwashike Naemi a li moshilongo shaMoab?

2. Rut naOrpa oyo oolye?

3. Rut naOrpa kehe gumwe okwa li i inyenge ngiini sho Naemi e ya lombwele ya shune koyaandjawo?

4. Boas oye lye, nongiini a li a kwathele Rut naNaemi?

5. Edhina lyokanona hoka ka li ka valelwa Boas kuRut olyo lye, nomolwashike tu na oku ka dhimbulukwa?

Omapulo ga gwedhwa po:

1. Lesha Rut 1:1-17.

(a) Oohapu oombwanawa dhini tadhi ulike ohole yi na uudhiginini Rut a li a popi? (Rut 1:16, 17)

(b) Iikala yopamadhiladhilo yaRut oyu ulike ngiini nawa iikala ‘yoonzi dhilwe’ yi na ko nasha naagwayekwa mboka ye li kombanda yevi nena? (Joh. 10:16; Sak. 8:23)

2. Lesha Rut 2:1-23.

Rut okwa tulile po ngiini aakiintu aagundjuka oshiholelwa oshiwanawa nena? (Rut 2:17, 18; Omayel. 23:22; 31:15)

3. Lesha Rut 3:5-13.

(a) Boas okwa li a tala ko ngiini ehalo lyaRut okuhokanwa kuye pehala lyokuhokanwa komulumentu omugundjuka?

(b) Iikala yaRut otayi tu longo shike kombinga yohole yi na uudhiginini? (Rut 3:10; 1 Kor. 13:4, 5)

4. Lesha Rut 4:7-17.

Ongiini aalumentu Aakriste nena taya vulu okukala ya fa Boas? (Rut 4:9, 10; 1 Tim. 3:1, 12, 13; 5:8)

1. Ongiini nomolwashike Aaisrael ya li ye na uupyakadhi oundji?

2. Omolwashike Jehova a li a lombwele Gideon kutya oku na aalumentu oyendji metanga lye?

3. Aalumentu yangapi ya li ya kala po konima sho Gideon a li a lombwele aalumentu aambanda ya shune kegumbo?

4. Longitha efano ndyoka e to yelitha nkene Jehova a li a shonopeke omwaalu gwetanga lyaGideon li kale owala li na aalumentu 300.

5. Gideon okwa li u unganeke ngiini aalumentu ye 300, nongiini Aaisrael ya li ya sindana molugodhi?

Omapulo ga gwedhwa po:

1. Lesha Aatokolihapu 6:36-40.

(a) Gibeon okwa li a shilipaleke ngiini ehalo lyaJehova?

(b) Ongiini nena tatu mono kutya ehalo lyaJehova olini? (Omayel. 2:3-6; Mat. 7:7-11; 2 Tim. 3:16, 17)

2. Lesha Aatokolihapu 7:1-25.

(a) Oshiilongomwa shini tatu vulu okwiilonga kwaamboka 300 ya kala ya tonata mekondjithathano naamboka yu ulike okwaanakonasha? (Aatok. 7:3, 6; Rom. 13:11, 12; Ef. 5:15-17)

(b) Ngaashi naanaa mboka 300 ya li yi ilongo sha mokutala kuGideon, ongiini tatu ilongo sha mokutala kuGideon Omunene, Jesus Kristus? (Aatok. 7:17; Mat. 11:29, 30; 28:19, 20; 1 Pet. 2:21)

(c) Aatokolihapu 7:21 otaye tu kwathele ngiini tu kale tu uvitile ombili okulonga mpoka twa pewa tu longe kehangano lyaJehova? (1 Kor. 4:2; 12:14-18; Jak. 4:10)

3. Lesha Aatokolihapu 8:1-3.

Shi na ko nasha nokuungaunga nomayooloko gopaumwene gaamwatate nenge gaamwameme, oshike tatu vulu okwiilonga momukalo moka Gideon a li a kandula po oompata nAaefraim? (Omayel. 15:1; Mat. 5:23, 24; Luk. 9:48)

1. Jefta oye lye, nopethimbo lini a li ko?

2. Jefta okwa li u uvanekele Jehova shike?

3. Omolwashike Jefta a li a nika oluhodhi sho a galukile kegumbo okuza kesindano okusinda Aayamoni?

4. Omwanakadhona gwaJefta okwa ti shike sho a li u uvu euvaneko lyahe?

5. Omolwashike aantu ya li ye hole omwanakadhona gwaJefta?

Omapulo ga gwedhwa po:

1. Lesha Aatokolihapu 10:6-18.

Elondodho lini tu na okupulakena kulyo mondjokonona yAaisrael yi na ko nasha nokwaahe na uudhiginini kwawo kuJehova? (Aatok. 10:6, 15, 16; Rom. 15:4; Eh. 2:10)

2. Lesha Aatokolihapu 11:1-11, 29-40.

(a) Otu shi shi ngiini kutya okugandja kwaJefta omwanakadhona e li “efikiloyambo” kakwa li taku ti oku mu yamba po momulilo e li eyambo lyopantu? (Aatok. 11:31, OB-1986; Lev. 16:24; Deut. 18:10, 12)

(b) Okomukalo guni Jefta a li a yamba po omwanakadhona eyambo?

(c) Oshike tatu vulu okwiilonga miikala yaJefta yi na ko nasha negano lye kuJehova? (Aatok. 11:35, 39; Omuuv. 5:3, 4 [5:4, 5, OB-1986]; Mat. 16:24)

(d) Omwanakadhona gwaJefta oku li ngiini oshiholelwa oshiwanawa kaagundjuka Aakriste mokulalakanena iilonga yethimbo lyu udha? (Aatok. 11:36; Mat. 6:33; Fil. 3:8)

1. Omulumentu omunankondonkondo ngoka a li ko oye lye, nolye a li e mu pe oonkondo?

2. Simson okwa li a ningile shike onime onene polumwe, ngaashi to vulu oku shi mona mefano moka?

3. Oshiholekwa shini Simson ta lombwele Delila mefano moka, nongiini shoka she mu falitha mokukwatwa po kAafilisti?

4. Simson okwa li a dhipaga ngiini aatondi Aafilisti ye li 3 000 mesiku ndyoka a sa?

Omapulo ga gwedhwa po:

1. Lesha Aatokolihapu 13:1-14.

Manoah nomukiintu gwe oya tulile po ngiini aavali oshiholelwa oshiwanawa mokuputudha aanona yawo? (Aatok. 13:8; Eps. 127:3; Ef. 6:4)

2. Lesha Aatokolihapu 14:5-9 nosho wo 15:9-16.

(a) Mbela ehokololo lyokudhipaga kwaSimson onime, lyokutokola kwe oongodhi oompe ndhoka dha li dhe mu manga nolyokulongitha kwe oluyego lwokasino okalumentu okudhipaga aantu 1 000 otali ulike ngiini okulonga kwombepo ondjapuki yaJehova?

(b) Ombepo ondjapuki ohayi tu kwathele ngiini nena? (Aatok. 14:6; 15:14; Sak. 4:6; Iil. 4:31)

3. Lesha Aatokolihapu 16:18-31.

Simson okwa li a nwethwa mo ngiini komaendathano omawinayi, noshike tatu vulu okwiilonga mwaashika? (Aatok. 16:18, 19; 1 Kor. 15:33)

1. Okamati okashona hoka ke li mefano moka edhina lyako olye, naamboka ye li puko oyo oolye?

2. Hanna okwa li a galikana egalikano lini esiku limwe sho a li e ya ketsalihangano lyaJehova, nongiini Jehova a li e mu yamukula?

3. Samuel okwa li e na oomvula ngapi sho a falwa a ka longe metsali lyaJehova, nayina okwa li he mu ningile shike omvula kehe?

4. Omadhina goyanamati yaEli ogeni, noya li aalumentu ya tya ngiini?

5. Jehova okwa li i ithana ngiini Samuel, netumwalaka lini Jehova a li e mu pe?

6. Samuel sho a koko okwa ningi shike, noshike sha li sha ningwa po sho a kulupa?

Omapulo ga gwedhwa po:

1. Lesha 1 Samuel 1:1-28.

(a) Oshiholelwa oshiwanawa shini Elkana a li a tulile po omitse dhomaukwanegumbo mokukwatela komeho melongelokalunga lyashili? (1 Sam. 1:3, 21; Mat. 6:33; Fil. 1:10)

(b) Oshiilongomwa shini tatu vulu okwiilonga moshiholelwa shaHanna mokuungaunga nuupyakadhi uyemateka? (1 Sam. 1:10, 11; Eps. 55:23 [55:22, OB-1986]; Rom. 12:12)

2. Lesha 1 Samuel 2:11-36.

Eli okwa li a simaneke ngiini oyanamati shi vulithe puJehova, nongiini shika tashi vulu okukala elondodho kutse? (1 Sam. 2:22-24, 27, 29; Deut. 21:18-21; Mat. 10:36, 37)

3. Lesha 1 Samuel 4:16-18.

Omatumwalaka gopane geni goyaye ga li ga zi kolugodhi, nongiini ga li ga gumu Eli?

4. Lesha 1 Samuel 8:4-9.

Aaisrael oya li ya geyitha ngiini noonkondo Jehova, nongiini tatu vulu okuyambidhidha nuulaadhi Uukwaniilwa we nena? (1 Sam. 8:5, 7; Joh. 17:16; Jak. 4:4)

1. Samuel ota ningi shike mefano moka, nomolwashike?

2. Omolwashike Jehova a li a hokwa Saul, nokwa li omulumentu a tya ngiini?

3. Omwanamati gwaSaul okwa li lye, noshike omumati ngoka ta ningi?

4. Omolwashike Saul a li a ningi omafikiloyambo pehala lyokutegelela Samuel e ga ninge?

5. Iiyilongomwa yini tatu vulu okwiilonga mehokololo kombinga yaSaul?

Omapulo ga gwedhwa po:

1. Lesha 1 Samuel 9:15-21 nosho wo 10:17-27.

Ongiini Saul iikala ye yokwiifupipika ya li ye mu kwathele a yande okukatuka oonkatu dhe endelela sho aalumentu yontumba ya popi nokwaahe na esimaneko kombinga ye? (1 Sam. 9:21; 10:21, 22, 27; Omayel. 17:27)

2. Lesha 1 Samuel 13:5-14.

Uulunde washike Saul a li a longo puGilgal? (1 Sam. 10:8; 13:8, 9, 13)

3. Lesha 1 Samuel 15:1-35.

(a) Eyono lini lya kwata miiti Saul a li a yono shi na ko nasha naAgag, omukwaniilwa gwAayamaleki? (1 Sam. 15:2, 3, 8, 9, 22)

(b) Ongiini Saul a li a kambadhala okuyukipalitha iilonga ye nokupa yalwe ondjo? (1 Sam. 15:24)

(c) Elondodho lini tu na okupulakena kulyo nena ngele tatu pewa omayele? (1 Sam. 15:19-21; Eps. 141:5; Omayel. 9:8, 9; 11:2)

1. Okamati hoka ke li mefano moka oko lye, nongiini twa tseya kutya oka li okapenda?

2. David okwa li a kala peni, nedhina lyahe nolyahekulu olini?

3. Omolwashike Jehova a li a lombwele Samuel a ye kegumbo lyaIsai kuBethlehem?

4. Oshike sha li sha ningwa po sho Isai a li e eta oyana yaheyali kuSamuel?

5. Sho David a li e etwa mo, Jehova okwa li a lombwele Samuel shike?

Omapulo ga gwedhwa po:

1. Lesha 1 Samuel 17:34, 35.

Iiningwanima mbyoka oya tsu ngiini omuthindo uulaadhi waDavid nokwiinekela Jehova? (1 Sam. 17:37)

2. Lesha 1 Samuel 16:1-14.

(a) Oohapu dhaJehova muSamuel gwotango 16:7 otadhi tu kwathele ngiini tu kale kaatu na ontondo nokuyanda okukala tu na okatongotongo mokutala olupe lwokombanda? (Iil. 10:34, 35; 1 Tim. 2:4)

(b) Ongiini oshiholelwa shaSaul shu ulike kutya ngele Jehova a kutha po ombepo ye ondjapuki pomuntu, ehala lyayo ohali udhithwa kombepo ombwinayi, nenge kehalo lyomeni lyokulonga shoka sha puka? (1 Sam. 16:14; Mat. 12:43-45; Gal. 5:16)

1. Eshongo lini Goliat a li a shongo nalyo etanga lyAaisrael?

2. Goliat okwa li e na uule u thike peni, nondjambi yini omukwaniilwa Saul a li u uvanekele omulumentu ngoka ta dhipaga Goliat?

3. David okwa li a ti shike sho Saul e mu lombwele kutya ita vulu okukondjitha Goliat molwaashoka oye okamatyona kowala?

4. Mokuyamukula kwe Goliat, ongiini David a li u ulike kutya okwi inekela Jehova?

5. Ngaashi to vulu okumona mefano moka, oshike David a li a longitha okudhipaga Goliat, noshike sha li sha ningilwa Aafilisti konima yaashono?

Omapulo ga gwedhwa po:

1. Lesha 1 Samuel 17:1-54.

(a) Oshike sha li oshiholekwa shokwaahe na uumbanda kwaDavid, nongiini tatu vulu okuholela uulaadhi we? (1 Sam. 17:37, 45; Ef. 6:10, 11)

(b) Omolwashike Aakriste ye na okuyanda ombepo yethigathano ya fa ndjoka yaGoliat ngele taya kutha ombinga momaudhano nenge momainyanyudho? (1 Sam. 17:8; Gal. 5:26; 1 Tim. 4:8)

(c) Oohapu dhaDavid odha li dhu ulike ngiini kutya okwi inekela mokukwathelwa kuKalunga? (1 Sam. 17:45-47; 2 Ondjal. 20:15)

(d) Pehala lyokuhokolola owala ethigathano pokati komatanga gaali ngoka taga kondjithathana, ehokololo ndika otali ulike ngiini kutya olugodhi olwa li lela pokati kiikalunga naKalunga kashili, Jehova? (1 Samuel 17:43, 46, 47)

(e) Oshihupe shomugwayekwa otashi landula ngiini oshiholelwa shaDavid shokwiinekela Jehova? (1 Sam. 17:37; Jer. 1:17-19; Eh. 12:17)

1. Omolwashike Saul a li a sile David efupa, ihe ongiini omwanamati gwaSaul Jonatan a li e na iikala inaayi fa yahe?

2. Oshike sha ningwa po esiku limwe sho David a li ta hikile Saul okahumba?

3. Saul okwa ti kutya David oku na okuninga shike opo a pewe omwanakadhona gwaSaul, Mikal a ninge omukiintu gwe, nomolwashike Saul e shi popile?

4. Manga David a li ta hikile Saul okahumba, oshike sha li sha ningwa po oshikando oshititatu, ngaashi tashi ulikwa mefano moka?

5. Mikal okwa li a kwathele ngiini okuhupitha omwenyo gwaDavid, noshike nduno David a li e na okuninga uule woomvula heyali?

Omapulo ga gwedhwa po:

1. Lesha 1 Samuel 18:1-30.

(a) Ongiini ohole ihaayi tengauka yaJonatan yokuhola David tayi ulike ohole yokuholathana ndjoka yi li pokati ‘koonzi dhilwe’ nosho wo ‘noshigunda oshishona’? (1 Sam. 18:1; Joh. 10:16; Luk. 12:32; Sak. 8:23)

(b) Mokutala koshili kutya Jonatan okwa li ta ka kala lela omuthigululi gwaSaul, 1 Samuel 18:4 otu ulike ngiini evuliko lyaJonatan lya tongomana okuvulika kwaangoka a li a hogololwa a ninge omukwaniilwa?

(c) Ongiini oshiholelwa shaSaul tashi ulike kutya efupa otali vulu okufala meyono enene, nelondodho lini shika shi tu nine? (1 Sam. 18:7-9, 25; Jak. 3:14-16, OB-1986)

2. Lesha 1 Samuel 19:1-17.

Jonatan okwa li a tula ngiini omwenyo gwe moshiponga sho a li a ka popya naSaul? (1 Sam. 19:1, 4-6; Omayel. 16:14)

1. Omukiintu ngoka te ya okutsakaneka David mefano moka oye lye, nokwa li omuntu a tya ngiini?

2. Nabal oye lye?

3. Omolwashike David a li a tumu yamwe yomaalumentu ye ya ka pule Nabal e mu sile ohenda?

4. Nabal okwa li a lombwele shike aalumentu yaDavid, nongiini David a li i inyenge?

5. Abigail okwa li u ulike ngiini kutya ye omukiintu omunandunge?

Omapulo ga gwedhwa po:

1. Lesha 1 Samuel 22:1-4.

Ongiini uukwanegumbo waDavid wa li wa tula po oshiholelwa oshiwanawa shankene tu na okuyambidhidhathana muumwayinathana wopaKriste? (Omayel. 17:17; 1 Tes. 5:14)

2. Lesha 1 Samuel 25:1-43.

(a) Omolwashike Nabal a li a hokololwa nondhino onene? (1 Sam. 25:2-5, 10, 14, 21, 25)

(b) Aakiintu Aakriste otaya vulu okwiilonga shike nena moshiholelwa shaAbigail? (1 Sam. 25:32, 33; Omayel. 31:26; Ef. 5:24)

(c) Abigail okwa li i indike David a ninge iinima iyali iiwinayi yini? (1 Sam. 25:31, 33; Rom. 12:19; Ef. 4:26)

(d) Ongiini einyengo lyaDavid koohapu dhaAbigail tali kwathele nena aalumentu ya kale ya tala ko aakiintu ngaashi Jehova he ya tala ko? (Iil. 21:8, 9; Rom. 2:11; 1 Pet. 3:7)

1. Oshike David naAbisai ya li ya ningi manga Saul a li a kotha montanda ye?

2. Omapulo geni David a li a pula Saul?

3. David okwa yile peni konima sho a zi puSaul?

4. Oshike sha li sha yemateke unene David, opo a nyole eimbilo ewanawa?

5. David okwa li e na oomvula ngapi sho a ningi omukwaniilwa muHebron, noyamwe yomoyanamati oya li oolye?

6. Hugunina David okwa li a pangele peni e li omukwaniilwa?

Omapulo ga gwedhwa po:

1. Lesha 1 Samuel 26:1-25.

(a) Oohapu dhaDavid dha nyolwa muSamuel gwotango 26:11 otadhi holola iikala yini kombinga yelandulathano lyopauteokratika? (Eps. 37:7; Rom. 13:2)

(b) Ngele tatu kambadhala twa mana mo okuulika uuwanawahenda, ihe oonkambadhala dhetu itadhi pandulwa, ongiini oohapu dhomuSamuel gwotango 26:23 tadhi tu kwathele tu kale tu na etaloko lyu uka? (1 Aak. 8:32; Eps. 18:21 [18:20, OB-1986])

2. Lesha 2 Samuel 1:26.

Ongiini Aakriste nena taya vulu okukala ye na ‘ohole yokuholathana ya kola’ ya faathana naandjoka David naJonatan ya li ye ninathane? (1 Pet. 4:8; Kol. 3:14; 1 Joh. 4:12)

3. Lesha 2 Samuel 5:1-10.

(a) Oomvula ngapi David a li a kala omukwaniilwa, nongiini ethimbo ndyono lya topolwa? (2 Sam. 5:4, 5)

(b) Omolwashike taku vulu okutiwa kutya David okwa li omuntu a simana, nongiini shika shi li edhimbulukitho kutse nena? (2 Sam. 5:10; 1 Sam. 16:13; 1 Kor. 1:31; Fil. 4:13)

1. Kekwatho lyaJehova, oshike sha li sha ningilwa hugunina oshilongo shaKanaan?

2. Oshike sha ningilwe po ongulohi yimwe manga David a li kombanda yondunda yuuwa we?

3. Omolwashike Jehova a li a geyela David noonkondo?

4. Mefano moka, Jehova okwa li a tumu lye a ka lombwele David shi na ko nasha nomayono ge, noshike omulumentu ngoka a popi tashi ka ningilwa David?

5. Uupyakadhi washike David a li e na?

6. Olye a li a ningi omukwaniilwa gwaIsrael a landula David?

Omapulo ga gwedhwa po:

1. Lesha 2 Samuel 11:1-27.

(a) Ongiini okukala twi ipyakidhila miilonga yaJehova ku li egameno kutse?

(b) Oshe ende ngiini opo David a yone, nelondodho lini shoka tashi pe aapiya yaJehova nena? (2 Sam. 11:2; Mat. 5:27-29; 1 Kor. 10:12; Jak. 1:14, 15)

2. Lesha 2 Samuel 12:1-18.

(a) Oshiilongomwa shini aakuluntugongalo naavali taya vulu okwiilonga momukalo ngoka Natan a li a yi kuDavid oku ke mu pa omayele? (2 Sam. 12:1-4; Omayel. 12:18; Mat. 13:34)

(b) Omolwashike Jehova a li u ulikile David ohenda? (2 Sam. 12:13; Eps. 32:5; 2 Kor. 7:9, 10)

1. Jehova okwa li a pula Salomo shike, nokwe mu yamukula ngiini?

2. Molwaashoka Jehova okwa li a hokwa shoka shi indilwa kuSalomo, okwa li u uvaneke oku mu pa shike?

3. Uupyakadhi uunene washike aakiintu yaali ya li ye eta kuSalomo?

4. Ngaashi to vulu okumona mefano moka, Salomo okwa li a kandula po ngiini uupyakadhi mboka?

5. Salomo okwa li a lele ngiini, nomolwashike?

Omapulo ga gwedhwa po:

1. Lesha 1 Aakwaniilwa 3:3-28.

(a) Oshike aalumentu mboka haya pewa iinakugwanithwa mehangano lyaJehova nena tayi ilongo moohapu tadhi zi komutima dhaSalomo dhi li mAakwaniilwa yotango 3:7? (Eps. 119:105; Omayel. 3:5, 6)

(b) Ongiini eindilo lyaSalomo li li oshiholelwa oshiwanawa shoshinima shu uka shoka tu na okugalikana kombinga yasho? (1 Aak. 3:9, 11; Omayel. 30:8, 9; 1 Joh. 5:14)

(c) Einekelo lini okukandula po oompata kwaSalomo pokati kaakiintu yaali taku tu pe shi na ko nasha nepangelo lyomonakuyiwa lyaSalomo Omunene, Jesus Kristus? (1 Aak. 3:28; Jes. 9:5, 6 [9:6, 7, OB-1986]; 11:2-4)

2. Lesha 1 Aakwaniilwa 5:9-14 (4:29-34, OB-1986).

(a) Jehova okwa li a yamukula ngiini okwiindila kwaSalomo omwenyo gu na oondunge? (1 Aak. 5:9 [4:29, OB-1986])

(b) Mokutala koonkambadhala dha li dha ningwa kaantu okupulakena kuunongo waSalomo, iikala yetu oyi na okukala ngiini shi na ko nasha nekonakono lyOohapu dhaKalunga? (1 Aak. 5:9, 14 [4:29, 34, OB-1986]; Joh. 17:3; 2 Tim. 3:16)

1. Osha li sha pula uule wethimbo li thike peni opo Salomo a mane okutunga otempeli yaJehova, nomolwashike sha li sha kotha iimaliwa oyindji noonkondo?

2. Otempeli oya li yi na omala gangapi omanene, noshike sha li sha tulwa mela lyomeni?

3. Salomo okwa popi shike megalikano lye sho a li a mana otempeli?

4. Jehova oku ulike ngiini kutya okwa li a hokwa egalikano lyaSalomo?

5. Aakiintu yaSalomo oya li ye mu ningitha shike, noshike sha li sha ningilwa Salomo?

6. Omolwashike Jehova a li a geyele Salomo, noshike Jehova a li e mu lombwele?

Omapulo ga gwedhwa po:

1. Lesha 1 Ondjalulahokololo 28:9, 10.

Mokutala koohapu dhaDavid dha nyolwa mAatokolihapu yotango 28:9, 10, oshike tu na okukambadhala okuninga monkalamwenyo yetu yesiku kehe? (Eps. 19:15 [19:14, OB-1986]; Fil. 4:8, 9)

2. Lesha 2 Ondjalulahokololo 6:12-21, 32-42.

(a) Salomo okwa li u ulike ngiini kutya Kalunga Omukombandambanda iha kala mehala lya tungwa kaantu? (2 Ondjalul. 6:18; Iil. 17:24, 25)

(b) Oohapu dhaSalomo tadhi adhika mAatokolihapu aatiyali 6:32, 33 otadhi ulike shike shi na ko nasha naJehova? (Iil. 10:34, 35; Gal. 2:6)

3. Lesha 2 Ondjalulahokololo 7:1-5.

Ngaashi naanaa oyanamati yaIsrael ya li yi inyengithwa okupandula Jehova sho ya mono eadhimo lye, tse nena otu na okugumwa ngiini ngele tatu tedhatedha nkene Jehova ha laleke nuuyamba oshigwana she? (2 Ondjal. 7:3; Eps. 22:23 [22:22, OB-1986]; 34:2 [34:1, OB-1986]; 96:2)

4. Lesha 1 Aakwaniilwa 11:9-13.

Onkalamwenyo yaSalomo oyu ulike ngiini esimano lyokukala omudhiginini sigo ehulilo? (1 Aak. 11:4, 9; Mat. 10:22; Eh. 2:10)

1. Aalumentu yaali mboka u wete mefano moka oyo oolye, noye lile po shike?

2. Ahia okwa li a ningi shike nonguwo ndjono a li a zala, naashoka otashi ti shike?

3. Salomo okwa li a kambadhala a ningile shike Jerobeam?

4. Omolwashike aantu ya li ya ningi Jerobeam omukwaniilwa gwomazimo omulongo?

5. Omolwashike Jerobeam a li a ningi oontana dhoshingoli mbali, noshike sha li sha ningilwa oshilongo nziya konima yaashono?

6. Oshike sha li sha ningilwa uukwaniilwa womazimo gaali nosho wo otempeli yaJehova muJerusalem?

Omapulo ga gwedhwa po:

1. Lesha 1 Aakwaniilwa 11:26-43.

Jerobeam okwa li omuntu a tya ngiini, noshike Jehova a li e mu uvanekele ngele okwa dhiginine oompango dhaKalunga? (1 Aak. 11:28, 38)

2. Lesha 1 Aakwaniilwa 12:1-33.

(a) Okutala koshiholelwa oshiwinayi shaRehabeam, oshike aavali naakuluntugongalo taya vulu okwiilonga shi na ko nasha nokulongitha nayi oonkondopangelo? (1 Aak. 12:13; Omuuv. 7:7; 1 Pet. 5:2, 3)

(b) Okulye aagundjuka nena ye na okukonga ekwatho li shi okwiinekelwa ngele taya ningi omatokolo ga kwata miiti monkalamwenyo? (1 Aak. 12:6, 7; Omayel. 1:8, 9; 2 Tim. 3:16, 17; Heb. 13:7)

(c) Oshike sha li shi inyengitha Jerobeam opo a dhike po omahala gaali gokugalikanena ontana, noshu ulike ngiini okwaahe na eitaalo okunene okwiitaala Jehova? (1 Aak. 11:37; 12:26-28)

(d) Olye a li a ningitha aantu yuukwaniilwa womazimo omulongo ya ningile elongelokalunga lyashili oshipotha? (1 Aak. 12:32, 33)

1. Isebel oye lye?

2. Omolwashike Omukwaniilwa Ahab a li a ninga omwenyo omwiinayi esiku limwe?

3. Isebel okwa li a ningi shike opo a monene omusamane gwe Ahab oshilonda shomiviinu shaNabot?

4. Jehova okwa li a tumu lye a ka geyele Isebel?

5. Ngaashi to vulu okumona mefano moka, oshike sha li sha ningwa po sho Jehu a li a thiki kuuwa waIsebel?

Omapulo ga gwedhwa po:

1. Lesha 1 Aakwaniilwa 16:29-33 nosho wo 18:3, 4.

Oonkalo odha li oombwinayi ngiini muIsrael pethimbo lyOmukwaniilwa Ahab? (1 Aak. 16:33)

2. Lesha 1 Aakwaniilwa 21:1-16.

(a) Nabot okwa li u ulike ngiini uulaadhi nuudhiginini kuJehova? (1 Aak. 21:1-3; Lev. 25:23-28)

(b) Moshiholelwa shaAhab, oshike tatu vulu okwiilonga kombinga yokusinda okuyemata? (1 Aak. 21:4; Rom. 5:3-5)

3. Lesha 2 Aakwaniilwa 9:30-37.

Oshike tatu vulu okwiilonga muulaadhi waJehu mokulonga ehalo lyaJehova? (2 Aak. 9:4-10; 2 Kor. 9:1, 2; 2 Tim. 4:2)

1. Josafat oye lye, nokwa li ko ethimbo lini?

2. Omolwashike Aaisrael ya li ya tila, noshike oyendji yomuyo ya li ya ningi?

3. Jehova okwa li a yamukula ngiini egalikano lyaJosafat?

4. Jehova okwa li a ningitha po shike manga olugodhi inaalu tameka?

5. Oshiilongomwa shini tatu vulu okwiilonga kuJosafat?

Omapulo ga gwedhwa po:

1. Lesha 2 Ondjalulahokololo 20:1-30.

(a) Josafat okwa li u ulike ngiini shoka aapiya aadhiginini yaKalunga ye na okuninga ngele ya taalelwa koonkalo oontilithi? (2 Ondjal. 20:12; Eps. 25:15; 62:2 [62:1, OB-1986])

(b) Molwaashoka Jehova okwa kala ha longitha aluhe uupitilo wokupopya noshigwana she, mbela uupitilo uni ha longitha nena? (2 Ondjal. 20:14, 15; Mat. 24:45-47; Joh. 15:15)

(c) Ngele Kalunga a tameke okuhinga ‘iita mesiku enene lye, e li omupangeli gwaayihe,’ ongiini mbela onkalo yetu tayi ka kala ya faathana naandjoka yaJosafat? (2 Ondjal. 20:15, 17; 32:8; Eh. 16:14, 16)

(d) Mokuholela Aalevi, aakokolindjila naatumwa ohaya yambidhidha ngiini iilonga yeuvitho nena muuyuni auhe? (2 Ondjal. 20:19; Rom. 10:13-15; 2 Tim. 4:2)

1. Aantu yatatu mboka ye li mefano moka oyo oolye, noshike tashi ningilwa okamatyona hoka?

2. Elia okwa li a galikana shike shi na ko nasha nokamati, nokonima yaashoka oshike sha li sha ningwa po?

3. Omukwathi gwaElia edhina lye olye?

4. Omolwashike Elisa a li i ithanwa kegumbo lyomukiintu muSunem?

5. Elisa okwa li a ningi shike, noshike sha li sha ningilwa okanona hoka ka li ka sa?

6. Jehova oku na oonkondo dhokuninga shike, ngaashi sha li shu ulikwa okupitila muElia naElisa?

Omapulo ga gwedhwa po:

1. Lesha 1 Aakwaniilwa 17:8-24.

(a) Evuliko neitaalo lyaElia olya li lya makelwa ngiini? (1 Aak. 17:9; 19:1-4, 10)

(b) Omolwashike eitaalo lyomuselekadhi gwokuSarepta lya li lya tongomana? (1 Aak. 17:12-16; Luk. 4:25, 26)

(c) Oshinima shoka sha li sha ningilwa omuselekadhi gwokuSarepta oshu ulike ngiini oshili yoohapu dhaJesus dha nyolwa muMateus 10:41, 42? (1 Aak. 17:10-12, 17, 23, 24)

2. Lesha 2 Aakwaniilwa 4:8-37.

(a) Omukiintu gwokuSunem ote tu longo shike kombinga yokuyakula aayenda? (2 Aak. 4:8; Luk. 6:38; Rom. 12:13; 1 Joh. 3:17)

(b) Mbela okomikalo dhini tatu vulu okulonga iilonga mbyoka tayi kwathele aapiya yaKalunga nena? (Iil. 20:35; 28:1, 2; Gal. 6:9, 10; Heb. 6:10)

1. Jona oye lye, noshike Jehova a li e mu lombwele a ninge?

2. Molwaashoka ka li a hala okuya hoka Jehova a li e mu lombwela a ye, Jona okwa li a ningi po shike?

3. Jona okwa li a lombwele aaendifuta ya ninge shike opo oshikungulu shi lote?

4. Ngaashi to vulu okumona mefano moka, oshike sha li sha ningwa po sho Jona a li a ningine kohi yomeya?

5. Jona okwa kala uule wethimbo li thike peni mela lyohi, noshike a li ta ningi moka?

6. Openi Jona a li a yi konima sho a zi mela lyohi onene, naashika otashi tu longo shike?

Omapulo ga gwedhwa po:

1. Lesha Jona 1:1-17.

Osha yela kutya Jona okwa li e uvitile ngiini oshinakugwanithwa she shokuuvithila Aaninive? (Jona 1:2, 3; Omayel. 3:7; Omuuv. 8:12)

2. Lesha Jona 2:1, 2, 10.

Ongiini oshimoniwa shaJona tashi tu pe einekelo kutya Jehova ota ka yamukula omagalikano getu? (Eps. 22:25 [22:24, OB-1986]; 34:7 [34:6, OB-1986]; 1 Joh. 5:14)

3. Lesha Jona 3:1-10.

(a) Eladhipiko lini tatu mono muushili kutya Jehova okwa li a tsikile okulongitha Jona nonando okwa li inaa gwanitha oshinakugwanithwa she? (Eps. 103:14; 1 Pet. 5:10)

(b) Oshimoniwa shaJona shi na ko nasha nAaninive otashi tu longo shike kombinga yokupangula aantu moshitopolwa shetu? (Jona 3:6-9; Omuuv. 11:6; Iil. 13:48)

1. Jesaja okwa li lye, okwa li ko uunake, noshike Jehova a li e mu ulukile?

2. Oshitya “oparadisa” otashi ti shike, notashi ku dhimbulukitha shike?

3. Jehova okwa li a lombwele Jesaja a nyole shike kombinga yOparadisa ompe?

4. Omolwashike Adam naEva ya kanitha ehala lyawo ewanawa?

5. Jehova oku uvanekela shike mboka ye mu hole?

Omapulo ga gwedhwa po:

1. Lesha Jesaja 11:6-9.

(a) Oohapu dhaKalunga otadhi ulike ngiini ombili ndjoka tayi ka kala pokati kiinamwenyo naantu muuyuni uupe? (Eps. 148:10, 13; Jes. 65:25; Hes. 34:25)

(b) Egwanitho lini lyopambepo lyoohapu dhaJesaja tali ningwa nena mokati koshigwana shaJehova? (Rom. 12:2; Ef. 4:23, 24)

(c) Mbela olye a gwana okupandulilwa elunduluko ndyoka tali ningwa momaukwatya gaantu ngashingeyi nomuuyuni uupe? (Jes. 48:17, 18; Gal. 5:22, 23; Fil. 4:7)

2. Lesha Ehololo 21:3, 4.

(a) Omanyolo otagu ulike ngiini kutya okukala kwaKalunga paantu kombanda yevi otaku ti kutya ye oku li ko pathaneko, ke li ko palutu? (Lev. 26:11, 12; 2 Ondjal. 6:18; Jes. 66:1; Eh. 21:2, 3, 22-24)

(b) Omahodhi nuuwehame uni tau ka kala kaau po we? (Luk. 8:49-52; Rom. 8:21, 22; Eh. 21:4)

1. Omulumentu ngoka e li mefano moka oye lye, nomolwashike e li muupyakadhi uunene?

2. Oombilive ndhoka Hiskia a tula koshipala shaKalunga odhashike, noshike Hiskia a li ta galikana kombinga yasho?

3. Hiskia omukwanilwa a tya ngiini, netumwalaka lini Jehova a li e mu tumine okupitila momuprofeti Jesaja?

4. Omuyengeli gwaJehova okwa li a ningile shike Aayassur, ngaashi shu ulikwa mefano moka?

5. Nonando uukwaniilwa womazimo gaali owa li wa kala u na ombili uule wokathimbo, oshike sha li sha ningwa po konima yokusa kwaHiskia?

Omapulo ga gwedhwa po:

1. Lesha 2 Aakwaniilwa 18:1-36.

(a) Omupopikalelipo gwaAssur Rabsake okwa li a lalakanene ngiini okunkundipaleka eitaalo lyAaisrael? (2 Aak. 18:19, 21; Eks. 5:2; Eps. 64:4 [64:3, OB-1986])

(b) Ngele Oonzapo dhaJehova tadhi ungaunga naapataneki yadho, ohadhi vulika ngiini koshiholelwa shaHiskia? (2 Aak. 18:36; Eps. 39:2 [39:1, OB-1986]; Omayel. 26:4; 2 Tim. 2:24)

2. Lesha 2 Aakwaniilwa 19:1-37.

(a) Oshigwana shaJehova nena ohashi holele ngiini Hiskia momathimbo guudhigu? (2 Aak. 19:1, 2; Omayel. 3:5, 6; Heb. 10:24, 25; Jak. 5:14, 15)

(b) Okusindwa kwopatatu kuni omukwaniilwa Sanherib a li a sindwa nako, nota thaneke lye pahunganeko? (2 Aak. 19:32, 35, 37; Eh. 20:2, 3)

3. Lesha 2 Aakwaniilwa 21:1-6, 16.

Omolwashike taku vulu okutiwa kutya Manasse okwa li gumwe gwomaakwaniilwa aakolokoshi unene noonkondo mboka ya li ya pangele muJerusalem? (2 Ondjal. 33:4-6, 9)

1. Josia okwa li e na oomvula ngapi sho a ningi omukwaniilwa, noshike a li a tameke okuninga sho a kala omukwaniilwa uule woomvula heyali?

2. Oshike u wete Josia ta ningi mefano lyotango?

3. Omusaaseri omukuluntu okwa li a mono shike manga aalumentu ya li tayo opalekulula otempeli?

4. Omolwashike Josia a li a tuula oonguwo dhe?

5. Etumwalaka lini lya zi kuJehova omuprofeti omukiintu Hulda a li a pe Josia?

Omapulo ga gwedhwa po:

1. Lesha 2 Ondjalulahokololo 34:1-28.

(a) Oshiholelwa shini Josia a tulile po mboka tashi vulika ya li yi idhidhimikile ethimbo edhigu lyokuunona wawo? (2 Ondjal. 33:21-25; 34:1, 2; Eps. 27:10)

(b) Oonkatu dhini Josia a li a katuka opo a humithe komeho elongelokalunga lyashili pethimbo lyomumvo omuti-8, omuti-12 nomuti-18 gwelelo lye? (2 Ondjal. 34:3, 8)

(c) Iiyilongomwa yini yokukaleka omahala getu gelongelokalunga ga yela tatu vulu okwiilonga miiholelwa yomukwaniilwa Josia nomusaaseri omukuluntu Hilkia? (2 Ondjal. 34:9-13; Omayel. 11:14; 1 Kor. 10:31)

1. Omulumentu omugundjuka ngoka e li mefano moka oye lye?

2. Jeremia okwa li ta dhiladhila shike kombinga yokuningwa kwe omuprofeti, ihe oshike Jehova a li e mu lombwele?

3. Etumwalaka lyashike Jeremia a li a tsikile okulombwela aantu?

4. Aasaaseri oya li ya kambadhala ngiini okumweneka Jeremia, ihe ongiini a li u ulike kutya ina tila?

5. Oshike sha li sha ningwa po sho Aaisrael inaaya lundulula omikalo dhawo omiwinayi?

Omapulo ga gwedhwa po:

1. Lesha Jeremia 1:1-8.

(a) Ngaashi oshiholelwa shaJeremia tashi ulike, oshike tashi ningi omuntu a kale a gwana okulonga iilonga yaJehova? (2 Kor. 3:5, 6)

(b) Eladhipiko lini oshiholelwa shaJeremia sha tulile po aagundjuka Aakriste nena? (Omuuv. 12:1; 1 Tim. 4:12)

2. Lesha Jeremia 10:1-5.

Ethaneko lini li na oonkondo Jeremia a li a longitha okuulika nkene okwiinekela iikalunga kwaahe na oshilonga? (Jer. 10:5; Jes. 46:7; Hab. 2:19)

3. Lesha Jeremia 26:1-16.

(a) Ngele oshihupe shaagwayekwa tashi gandja etumwalaka lyelondodho nena, ongiini hashi pulakene elombwelo lyaJehova tali ti kutya ‘ino thiga po nando ohapu’? (Jer. 26:2, OB-1986; Deut. 4:2; Iil. 20:27)

(b) Oshiholelwa oshiwanawa shini Jeremia a tulile po Oonzapo dhaJehova nena mokuuvithila iigwana elondodho lyaJehova? (Jer. 26:8, 12, 14, 15; 2 Tim. 4:1-5)

4. Lesha 2 Aakwaniilwa 24:1-17.

Iilanduliko iiwinayi yini ya li ya zi mokwaahe na uudhiginini kuJehova kwaJuda? (2 Aak. 24:2-4, 14)

1. Aamati yane mboka ye li mefano moka oyo oolye, nomolwashike ye li muBabilon?

2. Omadhiladhilo geni Nebukadnesar a li e nine aamati yane, nomalombwelo geni a li a lombwele aapiya ye?

3. Eindilo lini Daniel a li a ningi li na ko nasha niikulya nosho wo nokunwa kwe nookuume ke yatatu?

4. Konima yokulya iikwamboga uule womasiku omulongo, Daniel nookuume ke yatatu oya li ngiini moku ya yelekanitha naalumentu aagundjuka yalwe?

5. Daniel nookuume ke yatatu oya li ye ya ngiini muuwa womukwaniilwa, nongiini ya li ye li nawa ye vule aasaaseri nosho wo aalumentu aanongo?

Omapulo ga gwedhwa po:

1. Lesha Daniel 1:1-21.

(a) Onkambadhala yini ya pumbiwa ngele otwa hala okukondjitha omamakelo nokusinda uunkundi wetu? (Dan. 1:8; Gen. 39:7, 10; Gal. 6:9)

(b) Omomikalo dhini tashi vulika aagundjuka nena ya makelwe nenge ya thininikwe opo yi iyethele mwaashoka yamwe ya tala ko shi li ‘oondja dhokoshililo shomukwaniilwa’? (Dan. 1:8; Omayel. 20:1; 2 Kor. 6:17–7:1)

(c) Ehokololo lyOmbimbeli lyaagundjuka yane Aaheberi otali tu kwatha tu uve ko shike shi na ko nasha nokumona ontseyo? (Dan. 1:20; Jes. 54:13; 1 Kor. 3:18-20)

1. Oshike tashi ningilwa Jerusalem nosho wo Aaisrael shoka tashi ulikwa mefano moka?

2. Hesekiel oye lye, niinima iitilithi yini Jehova a li e mu ulukile?

3. Molwaashoka Aaisrael oya li ihaaya simaneke nando Jehova, oshike a li e yu uvanekele?

4. Omukwaniilwa Nebukadnesar okwa ningi shike konima sho Aaisrael ya li ye mu tukuluthile oshipotha?

5. Omolwashike Jehova a li e etha ehanagulo ndyoka etilithi li ningilwe Aaisrael?

6. Ongiini oshilongo shaIsrael sha li sha thigwa kaashi na aantu, nuule wethimbo li thike peni sha li sha kala kaashi na aantu?

Omapulo ga gwedhwa po:

1. Lesha 2 Aakwaniilwa 25:1-26.

(a) Sedekia okwa li lye, oshike sha li she mu ningilwa, nongiini shika sha li sha gwanitha ehunganeko ndika lyOmbimbeli? (2 Aak. 25:5-7; Hes. 12:13-15)

(b) Olye Jehova a li a pe ombedhi yi na ko nasha nookwaahenuudhiginini akuhe kwaIsrael? (2 Aak. 25:9, 11, 12, 18, 19; 2 Ondjal. 36:14, 17)

2. Lesha Hesekiel 8:1-18.

Ongiini Uukriste wiifundja wa li wa holele Aaisrael aashunimonima aagalikani yetango? (Hes. 8:16; Jes. 5:20, 21; Joh. 3:19-21; 2 Tim. 4:3)

1. Elombwelo lini Nebukadnesar, omukwaniilwa gwaBabilon a li a pe aantu?

2. Omolwashike ookuume kaDaniel yatatu inaayi isizimikila oshiyelekela shoshingoli?

3. Aaheberi yatatu oyu ulike ngiini kutya oyi inekela Jehova sho Nebukadnesar a li e ya pe ompito yilwe yi isizimike?

4. Nebukadnesar okwa li a lombwele aalumentu ye ya ninge ngiini Sadrak, Meshak naAbednego?

5. Nebukadnesar okwa mono shike sho a li a tala meziko lyomulilo?

6. Omolwashike omukwaniilwa a li a pandula Kalunga kaSadrak, Meshak naAbednego, noshiholelwa shini ye tu tulile po?

Omapulo ga gwedhwa po:

1. Lesha Daniel 3:1-30.

(a) Iikala yini ya li yu ulikwa kaagundjuka Aaheberi aapiya yaKalunga ayehe ye na okulandula ngele ya taalela omamakelo ge na ko nasha nuudhiginini? (Dan. 3:17, 18; Mat. 10:28; Rom. 14:7, 8)

(b) Oshiilongomwa sha simana shini Jehova Kalunga a longo Nebukadnesar? (Dan. 3:28, 29; 4:31, 32 [4:34, 35, OB-1986])

1. Oshike sha li sha ningwa po sho omukwaniilwa gwaBabilon a li e na oshituthi oshinene nokulongitha omakopi niiyaha mbyoka ya li ya kuthwa motempeli yaJehova muJerusalem?

2. Belsasar okwa li a lombwele aalumentu ye aanongo shike, ihe oshike ya li itaaya vulu okuninga?

3. Omukwaniilwa okwa li a lombwelwa kuyina a ninge shike?

4. Ngaashi Daniel a li a lombwele omukwaniilwa, omolwashike Kalunga a li a tumu oshikaha shi nyole kekuma?

5. Daniel okwa li a fatulula ngiini shoka oohapu dhokekuma tadhi ti?

6. Oshike sha li sha ningwa po manga Daniel a li ta popi natango?

Omapulo ga gwedhwa po:

1. Lesha Daniel 5:1-31.

(a) Hokolola eyooloko pokati ketilo lyopakalunga netilo ndyoka Belsasar a li e na sho a mono enyolo lyokekuma. (Dan. 5:6, 7; Eps. 19:10 [19:9, OB-1986]; Rom. 8:35-39)

(b) Daniel okwa li u ulike ngiini uulaadhi uunene sho a li ta popi naBelsasar nosho wo nomalenga ge? (Dan. 5:17, 18, 22, 26-28; Iil. 4:29)

(c) Omomukalo guni Daniel ontopolwa 5 tayi tsu omuthindo uunamapangelo weshito alihe lyaJehova? (Dan. 4:14, 22 [4:17, 25, OB-1986]; 5:21)

1. Darius (Darejaves) oye lye, nokwa li a tala ko ngiini Daniel?

2. Aalumentu yamwe ye na ondumbo oya li ya ningitha Darius a ninge shike?

3. Daniel okwa li a ningi shike sho u uvu ompango ompe?

4. Omolwashike Darius a li a nika uuthigwa noonkondo e ta kala itaa vulu okukotha, noshike a li a ningi ongula yesiku lya landula ko?

5. Daniel okwa li a yamukula ngiini Darius?

6. Oshike sha li sha ningwa po naalumentu ye li nayi mboka ya li ya kambadhala okudhipaga Daniel, noshike Darius a li a nyolele aantu ayehe yomuukwaniilwa we?

Omapulo ga gwedhwa po:

1. Lesha Daniel 6:1-28, faathanitha OB-1986.

(a) Ompangela yomeholamo tayi pataneke Daniel otayi tu dhimbulukitha ngiini shoka aapataneki ya ningi opo ya kambadhale okuthininika Oonzapo dhaJehova methimbo lyonena? (Dan. 6:7; Eps. 94:20, KB; Jes. 10:1, OB-1986; Rom. 8:31)

(b) Ongiini aapiya yaKalunga taya vulu okuholela Daniel nena mokukala haya vulika ‘kaapangeli mboka haye ya pangele’? (Dan. 6:5, 10; Rom. 13:1; Iil. 5:29)

(c) Ongiini tatu vulu okuholela oshiholelwa shaDaniel shokulongela Jehova “aluhe”? (Dan. 6:16, 20; Fil. 3:16, OB-1986; Eh. 7:15)

1. Ngaashi tashi ulikwa mefano moka, Aaisrael otaya ningi shike?

2. Kores okwa li a gwanitha ngiini ehunganeko lyaJehova okupitila muJesaja?

3. Kores okwa li a lombwele shike Aaisrael mboka ya li itaaya vulu okushuna kuJerusalem?

4. Kores okwa li a pe shike oshigwana shi shi faalele kuJerusalem?

5. Osha li sha pula Aaisrael uule wethimbo li thike peni okushuna kuJerusalem?

6. Oomvula ngapi dha li dha piti po okuza sho oshilongo sha li kaashi na nando aantu?

Omapulo ga gwedhwa po:

1. Lesha Jesaja 44:28 nosho wo 45:1-4.

(a) Ongiini Jehova a tsu omuthindo uushili wegwanitho lyehunganeko li na ko nasha naKores? (Jes. 55:10, 11; Rom. 4:17)

(b) Ehunganeko lyaJesaja li na ko nasha naKores otali ulike shike kombinga yoonkondo dhaJehova Kalunga okuhunganeka shi na ko nasha naashoka tashi ka ningwa monakuyiwa? (Jes. 42:9; 45:21; 46:10, 11; 2 Pet. 1:20)

2. Lesha Esra 1:1-11.

Mokulandula oshiholelwa shaamboka ya li itaaya vulu okushuna kuJerusalem, mbela ongiini tatu vulu nena ‘okukwatha’ mboka taya vulu okuya miilonga yethimbo lyu udha? (Esra 1:4, 6; Rom. 12:13; Kol. 4:12)

1. Aantu yangapi ya li ya yi molweendo olule okuza muBabilon okuya kuJerusalem, ihe oshike ya li ya adha ko sho ya thiki hoka?

2. Oshike Aaisrael ya li ya tameke okutunga konima sho ya thiki hoka, ihe oshike aatondi yawo ya li ya ningi?

3. Haggai naSakaria oyo oolye, noshike ya li ya lombwele oshigwana?

4. Omolwashike Tattenai a li a tumu ombilive kuBabilon, neyamukulo lini a li a pewa?

5. Esra okwa li a ningi shike sho u uvu kutya otempeli yaKalunga oyi na okwoopalekululwa?

6. Okombinga yashike Esra ta galikana mefano moka, egalikano lye olya li lya yamukulwa ngiini, noshike mbela shika tashi tu longo?

Omapulo ga gwedhwa po:

1. Lesha Esra 3:1-13.

Ngele tu li moshitopolwa moka kaamu na egongalo lyoshigwana shaKalunga, oshike tu na okutsikila okuninga? (Esra 3:3, 6; Iil. 17:16, 17; Heb. 13:15)

2. Lesha Esra 4:1-7.

Oshiholelwa shini Serubabel a li a tulile po oshigwana shaJehova shi na ko nasha nokwaaimbwanga mumwe kwomaitaalo? (Eks. 34:12; 1 Kor. 15:33; 2 Kor. 6:14-17)

3. Lesha Esra 5:1-5, 17 nosho wo 6:1-22.

(a) Omolwashike aapataneki ya li itaaya vulu okumweneka iilonga yokutunga otempeli? (Esra 5:5; Jes. 54:17)

(b) Iilonga yaalumentu aakuluntu yAajuda otayi ladhipike ngiini aakuluntugongalo Aakriste ya konge ewiliko lyaJehova uuna taya patanekwa? (Esra 6:14; Eps. 32:8; Rom. 8:31; Jak. 1:5)

4. Lesha Esra 8:21-23, 28-36.

Manga inaatu katuka oonkatu dhontumba, oshiholelwa shini shaEsra tashi ka kala oshiwanawa kutse okulandula? (Esra 8:23; Eps. 127:1; Omayel. 10:22; Jak. 4:13-15)

1. Mordokai naEster oyo oolye?

2. Omolwashike omukwaniilwa Ahasveros a li a hala omukiintu omupe, nolye a li a hogolola?

3. Haman oye lye, noshike sha li she mu geyitha noonkondo?

4. Ompango yini ya li ya ningwa po, noshike Ester a li a ningi konima yokutaamba etumwalaka lya za kuMordokai?

5. Oshike sha li sha ningilwa Haman, noshike sha li sha ningilwa Mordokai?

6. Aaisrael oya li ya hupithwa ngiini miikaha yaatondi yawo?

Omapulo ga gwedhwa po:

1. Lesha Ester 2:12-18.

Ester okwa li u ulike ngiini ongushu yokukala ‘nombepo yombili noyeimweneno’? (Ester 2:15; 1 Pet. 3:1-5)

2. Lesha Ester 4:1-17.

Ngaashi naanaa Ester a li a pewa ompito a katuke molwelongelokalunga lyashili, ompito yini twa pewa nena okuulika kutya otwi igandja kuJehova notwa dhiginina kuye? (Ester 4:13, 14; Mat. 5:14-16; 24:14)

3. Lesha Ester 7:1-6.

Ongiini oyendji yomoshigwana shaKalunga nena nayo wo ya tula oomwenyo dhawo moshiponga shokuhepekwa ngaashi Ester a li a ningi? (Ester 7:4; Mat. 10:16-22; 1 Pet. 2:12)

1. Aaisrael oya li yu uvite ngiini shi na ko nasha nokukala kaaye na omankolokuma ga dhingoloka oshilando shaJerusalem?

2. Nehemia oye lye?

3. Nehemia okwa li ha longo shike, nomolwashike sha li sha simana?

4. Onkundana yini ya li ya yemateke Nehemia, noshike a li a ningi?

5. Omukwaniilwa Artahsasta okwa li u ulike ngiini uunambili kuNehemia?

6. Nehemia okwa li a longekidha ngiini iilonga yetungo opo aatondi yAaisrael kaaya vule oku yi kankeka?

Omapulo ga gwedhwa po:

1. Lesha Nehemia 1:4-6 nosho wo 2:1-20.

Nehemia okwa li a kongo ngiini ewiliko lyaJehova? (Neh. 2:4, 5; Rom. 12:12; 1 Pet. 4:7)

2. Lesha Nehemia 3:3-5.

Aakuluntugongalo naayakuligongalo otaya vulu okwiilonga shike mekondjithathano pokati kAatekoa ‘naayamba yawo’? (Neh. 3:5, 27; 2 Tes. 3:7-10; 1 Pet. 5:5)

3. Lesha Nehemia 4:1-23.

(a) Oshike sha li shi inyengitha Aaisrael ya tsikile okutunga nonando opwa li omapataneko gonyanya? (Neh. 3:38; 4:2, 3 [4:6, 8, 9, OB-1986]; Eps. 50:15; Jes. 65:13, 14)

(b) Okomukalo guni oshiholelwa shAaisrael tashi tu ladhipike nena?

4. Lesha Nehemia 6:15.

Oshili kutya omankolokuma gaJerusalem oga li ga pu okutungwa muule woomwedhi mbali otayi ulike shike shi na ko nasha noonkondo dheitaalo? (Eps. 56:4, 5 [56:3, 4, OB-1986]; Mat. 17:20; 19:26)

1. Omukiintu ngoka e li mefano moka oye lye?

2. Gabriel okwa li a lombwele shike Maria?

3. Gabriel okwa li a yelithile ngiini Maria kutya ota ka mona okanona nokuli nonando ina kala pamwe nomulumentu?

4. Oshike sha li sha ningwa po sho Maria a li ta talele po omupambele gwe Elisabet?

5. Josef okwa li ta dhiladhila shike sho u uvu kutya Maria ota ka mona okanona, ihe omolwashike a li a lundulula omadhiladhilo ge?

Omapulo ga gwedhwa po:

1. Lesha Lukas 1:26-56.

(a) Lukas 1:35 oku ulike shike shi na ko nasha nokwaagwanenena kehe kwopaAdam meyi lyoluvalo lyaMaria sho omwenyo gwOmwana gwaKalunga gwa li gwa lundululwa okuza mehala moka hamu kala iishitwa yopambepo? (Hag. 2:11-13; Joh. 6:69; Heb. 7:26; 10:5)

(b) Jesus okwa li a simanekwa ngiini nokuli nomanga a li inaa valwa? (Luk. 1:41-43)

(c) Oshiholelwa oshiwanawa shini Maria a tulile po Aakriste nena mboka haya pewa omauthembahenda giilonga gi ikalekelwa? (Luk. 1:38, 46-49; 17:10; Omayel. 11:2)

2. Lesha Mateus 1:18-25.

Nonando Jesus ka li a lukwa edhina Immanuel, ongiini onkandangala ndjoka a dhana e li omuntu ya gwanitha eityo lyayo? (Mat. 1:22, 23; Joh. 14:8-10; Heb. 1:1-3)

1. Okamatyona hoka ke li mefano moka oko lye, nopeni Maria te ka langeke?

2. Omolwashike Jesus a valelwa moshigunda shiimuna?

3. Mefano moka, omulumentu ngoka ta yi moshigunda oye lye, nomuyengeli okwa li e mu lombwele shike?

4. Omolwashike Jesus e li omuntu i ikalekelwa?

5. Omolwashike Jesus ta vulu okwiithanwa Omwana gwaKalunga?

Omapulo ga gwedhwa po:

1. Lesha Lukas 2:1-20.

(a) Omukeesali Augustus okwa li a dhana onkandangala yini megwanitho lyehunganeko li na ko nasha nokuvalwa kwaJesus? (Luk. 2:1-4; Mika 5:1 [5:2, OB-1986])

(b) Ongiini omuntu ta vulu okukwatelwa mokati kaamboka tayi ithanwa ‘aantu e ya hokwa’? (Luk. 2:14; Mat. 16:24; Joh. 17:3; Iil. 3:19; Heb. 11:6)

(c) Ngele aasita yiimuna Aajuda mboka aaifupipiki oya li ye na etompelo lyokunyanyukilwa okuvalwa kwOmuhupithi, mbela nena aapiya yaKalunga oye na etompelo enene lini lyokunyanyukwa? (Luk. 2:10, 11; Ef. 3:8, 9; Eh. 11:15; 14:6)

1. Aalumentu mboka ye li mefano moka oyo oolye, nomolwashike gumwe gwomuyo tu ulike konyothi ndjoka tayi adhima?

2. Omolwashike Omukwaniilwa Herodes a li u uvite nayi, noshike a li a ningi?

3. Openi onyothi tayi adhima ya li yu ukitha aalumentu, ihe omolwashike ya li ya shuna koshilongo shawo nondjila yilwe?

4. Herodes okwa li a gandja elombwelo lini, nomolwashike?

5. Jehova okwa li a lombwele Josef a ninge shike?

6. Olye a li a ningitha onyothi ompe yi adhime, nomolwashike?

Epulo lya gwedhwa po:

1. Lesha Mateus 2:1-23.

Jesus okwa li e na oomvula ngapi, nopeni a li a kala sho aayanekelinyothi ya li ye mu talele po? (Mat. 2:1, 11, 16)

1. Jesus mefano moka oku li mo e na oomvula ngapi, nopeni e li?

2. Josef okwa li ha ningi shike pamwe nuukwanegumbo we omvula kehe?

3. Konima yesiku limwe molweendo lwokushuna kegumbo, omolwashike Josef naMaria ya li ya shuna kuJerusalem?

4. Openi Josef naMaria ya li ya adha Jesus, nomolwashike aantu yaahoka ya li ya kumwa?

5. Jesus okwa li a lombwele yina Maria shike?

6. Ongiini tatu vulu okukala twa fa Jesus mokwiilonga kombinga yaKalunga?

Omapulo ga gwedhwa po:

1. Lesha Lukas 2:41-52.

(a) Nokuli nonando Ompango oya li tayi pula aalumentu oyo owala ya kale piituthi yokomumvo, oshiholelwa oshiwanawa shini Josef naMaria ya tulile po aavali nena? (Luk. 2:41; Deut. 16:16; 31:12; Omayel. 22:6)

(b) Oshiholelwa shini oshiwanawa Jesus a tulile po aagundjuka nena okukala haya vulika kaakuluntu yawo? (Luk. 2:51; Deut. 5:16; Omayel. 23:22; Kol. 3:20)

2. Lesha Mateus 13:53-56.

Omadhina gaamwayina yane yaJesus yopanyama yeni ga tumbulwa mOmbimbeli, nongiini yaali yomuyo konima yethimbo ya li ya longithwa megongalo lyopaKriste? (Mat. 13:55; Iil. 12:17; 15:6, 13; 21:18; Gal. 1:19; Jak. 1:1; Jud. 1)

1. Aalumentu yaali mboka ye li mefano moka oyo oolye?

2. Omuntu oha ninginithwa ngiini?

3. Shito Johannes oha ninginitha oolye?

4. Omolwetompelo lyi ikalekelwa lini Jesus a li a pula Johannes e mu ninginithe?

5. Kalunga oku ulike ngiini kutya okwa hokwa okuninginithwa kwaJesus?

6. Oshike sha li sha ningwa po sho Jesus a yile a ka kale kehala lyi ikalela uule womasiku 40?

7. Yamwe yomaalanduli nenge aalongwa yotango yaJesus oyo oolye, noshike sha li oshikumithalonga she shotango?

Omapulo ga gwedhwa po:

1. Lesha Mateus 3:13-17.

Oshiholelwa shini sheninginitho Jesus a li a tulile po aalongwa ye? (Eps. 40:8, 9 [40:7, 8, OB-1986]; Mat. 28:19, 20; Luk. 3:21, 22)

2. Lesha Mateus 4:1-11.

Ongiini owino waJesus okulongitha Omanyolo tau tu ladhipike tu konakone Ombimbeli kehe esiku? (Mat. 4:5-7; 2 Pet. 3:17, 18; 1 Joh. 4:1)

3. Lesha Johannes 1:29-51.

Johannes Omuninginithi okwa li u ukitha eitulomo lyaalongwa ye kulye, nongiini tatu vulu oku mu holela nena? (Joh. 1:29, 35, 36; 3:30; Mat. 23:10)

4. Lesha Johannes 2:1-12.

Ongiini oshikumithalonga shotango shaJesus tashi ulike kutya Jehova iha tindile sha oshiwanawa aapiya Ye? (Joh. 2:9, 10; Eps. 84:12 [84:11, OB-1986]; Jak. 1:17)

1. Omolwashike iinamwenyo ya li tayi landithwa motempeli?

2. Oshike sha li sha geyitha Jesus?

3. Ngaashi to vulu okumona mefano moka, Jesus ota ningi shike, noshike a li a lombwele aalumentu mboka ya li taya landitha oonguti?

4. Sho aalanduli yaJesus ya li ya mono shoka a ningi, osha li she ya dhimbulukitha shike?

5. Omoshitopolwa shini Jesus a li a piti mondjila ye yokushuna kuGalilea?

Epulo lya gwedhwa po:

1. Lesha Johannes 2:13-25.

Okutala kongeyo yaJesus okugeyela aalandakanithi yiimaliwa motempeli, etaloko lini li li mondjila okutala ko omaipyakidhilo gokulanditha mOshinyanga shUukwaniilwa? (Joh. 2:15, 16; 1 Kor. 10:24, 31-33)

1. Omolwashike Jesus a li a fudha po pomuthima muSamaria, nokwa li a popi shike nomukiintu mpoka?

2. Omolwashike omukiintu a li a kumwa, Jesus okwa li e mu lombwele shike, nomolwashike?

3. Mbela omukiintu okwa li a dhiladhila kutya Jesus ota popi omeya goludhi luni, ihe omeya geni a li naanaa a dhiladhila?

4. Omolwashike omukiintu a li a kuminwa shoka Jesus e shi kombinga ye, nongiini a li a mono uuyelele mboka?

5. Iiyilongomwa yini tatu vulu okwiilonga mehokololo lyomukiintu pomuthima?

Omapulo ga gwedhwa po:

1. Lesha Johannes 4:5-43.

(a) Mokulandula oshiholelwa shaJesus, iikala yini tu na okuulikila aantu yomihoko dhilwe nenge yomaputuko galwe? (Joh. 4:9; 1 Kor. 9:22; 1 Tim. 2:3, 4; Tit. 2:11)

(b) Omauwanawa gopambepo geni omuntu ngoka a ninga omulongwa gwaJesus ha mono? (Joh. 4:14; Jes. 58:11; 2 Kor. 4:16)

(c) Ongiini tatu vulu okuulika olupandu lwetu lwa fa ndoka lwomukiintu Omusamaria, ngoka a li a halelela okulombwela yalwe shoka u uva? (Joh. 4:7, 28; Mat. 6:33; Luk. 10:40-42)

1. Mefano moka, Jesus ota longo aantu e li peni, noolye mboka ya kuutumba popepi naye?

2. Omadhina gaayapostoli 12 ogeni?

3. Uukwaniilwa mboka Jesus a kala tu uvitha kombinga yawo owo shike?

4. Jesus okwa longo aantu ya galikane kombinga yashike?

5. Jesus okwa popi shike kombinga yankene aantu ye na okuningilathana?

Omapulo ga gwedhwa po:

1. Lesha Mateus 5:1-12.

Omomikalo dhini tatu vulu okuulika kutya otwa tseya ompumbwe yetu yopambepo? (Mat. 5:3, NW; Rom. 10:13-15; 1 Tim. 4:13, 15, 16)

2. Lesha Mateus 5:21-26.

Ongiini Mateus 5:23, 24 ta tsu omuthindo kutya ekwatathano lyetu naamwatate otali gumu ekwatathano lyetu naJehova? (Mat. 6:14, 15; Eps. 133:1; Kol. 3:13; 1 Joh. 4:20)

3. Lesha Mateus 6:1-8.

Oombinga dhimwe dhini dhokwiishi uuyuuki Aakriste ye na okuyanda? (Luk. 18:11, 12; 1 Kor. 4:6, 7; 2 Kor. 9:7)

4. Lesha Mateus 6:25-34.

Jesus okwa longo aantu shike shi na ko nasha nompumbwe yokwiinekela Jehova e tu sile oshimpwiyu painiwe? (Eks. 16:4; Eps. 37:25; Fil. 4:6)

5. Lesha Mateus 7:1-11.

Eudhi ewanawa tali adhika muMateus 7:5 otali tu longo shike? (Omayel. 26:12; Rom. 2:1; 14:10; Jak. 4:11, 12)

1. Olye he yokakadhona hoka ke li mefano moka, nomolwashike he nayina ya li ya nika oluhodhi noonkondo?

2. Jairus okwa li a ningi shike sho a mono Jesus?

3. Oshike sha li sha ningwa po sho Jesus a yi kegumbo lyaJairus, netumwalaka lini Jairus a li a pewa mondjila?

4. Omolwashike aantu mboka ya li megumbo lyaJairus ya li taya yolo Jesus?

5. Konima sho a fala aayapostoli yatatu nahe yokakadhona nosho wo yina mondunda yokakadhona, Jesus okwa li a ningi shike?

6. Olye ishewe a li a yumudhwa kuJesus, noshike shoka tashi ulike?

Omapulo ga gwedhwa po:

1. Lesha Lukas 8:40-56.

Jesus okwa li u ulike ngiini olukeno neyaalelo komukiintu ngoka a li e na oluziyo lwombinzi, noshike aakuluntugongalo yonena tayi ilongo mo? (Luk. 8:43, 44, 47, 48; Lev. 15:25-27; Mat. 9:12, 13; Kol. 3:12-14)

2. Lesha Lukas 7:11-17.

Omolwashike mboka ya silwa aaholike yawo taya vulu okumona ehekeleko enene meyamukulo lyaJesus okuyamukula omuselekadhi gwokuNain? (Luk. 7:13; 2 Kor. 1:3, 4; Heb. 4:15)

3. Lesha Johannes 11:17-44.

Jesus oku ulike ngiini kutya oshi li paunshitwe okunikila oluhodhi eso lyomuholike gwoye? (Joh. 11:33-36, 38; 2 Sam. 19:1 [18:33, OB-1986]; 19:2-5 [19:1-4, OB-1986])

1. Oshinima oshitilithi shini sha li sha ningilwa Johannes Omuninginithi, nosha li shu uvitha Jesus ngiini?

2. Jesus okwa li a palutha ngiini omangathithi gaantu mboka ya li ye mu landula, niikulya yi thike peni ya li ya hupu ko?

3. Omolwashike aalongwa ya li ya tila uusiku, noshike sha li sha ningilwa Petrus?

4. Jesus okwa li a palutha ngiini aantu omayuvi oshikando oshitiyali?

5. Omolwashike tashi ka kala oshiwanawa ngele Jesus ta pangele evi e li Omukwaniilwa a tulwa po kuKalunga?

Omapulo ga gwedhwa po:

1. Lesha Mateus 14:1-32.

(a) Ehokololo muMateus 14:23-32 otali tu kwathele ngiini tu uve ko nawa uuntu waPetrus?

(b) Ongiini ehokololo lyopamanyolo tali ulike kutya Petrus okwa ninga omukuluntu nokwa li a pondola iikala ye yokweendelela? (Mat. 14:27-30; Joh. 18:10; 21:7; Iil. 2:14, 37-40; 1 Pet. 5:6, 10)

2. Lesha Mateus 15:29-38.

Jesus okwa li u ulike ngiini esimaneko okusimaneka omasiloshimpwiyu gopainiwe okuza kuHe? (Mat. 15:37; Joh. 6:12; Kol. 3:15)

3. Lesha Johannes 6:1-21.

Aakriste nena ohaya landula ngiini oshiholelwa shaJesus shokusimaneka epangelo? (Joh. 6:15; Mat. 22:21; Rom. 12:2; 13:1-4)

1. Aayapostoli oya li taya patathana kombinga yashike mondjila yokugaluka molweendo lwawo olule?

2. Omolwashike Jesus a li i ithana okanona okashona e te ka thikameke mokati kaayapostoli?

3. Omomukalo guni aayapostoli ya li ye na okwiilonga okukala ya fa aanona?

4. Konima yoomwedhi dhontumba, Jesus okwa li u ulike ngiini kutya oku hole aanona?

Omapulo ga gwedhwa po:

1. Lesha Mateus 18:1-4.

Omolwashike Jesus a li a longitha omaudhi okulonga aantu? (Mat. 13:34, 36; Mark. 4:33, 34)

2. Lesha Mateus 19:13-15.

Omaukwatya geni gaanona aashona tu na okukala tatu holele ngele otwa hala okumona omalalekonuuyamba gomUukwaniilwa? (Eps. 25:9, OB-1986; 138:6; 1 Kor. 14:20)

3. Lesha Markus 9:33-37.

Jesus okwa li a longo aalongwa ye shike kombinga yokukala ya hala oondondo dhopombanda? (Mark. 9:35; Mat. 20:25, 26; Gal. 6:3; Fil. 2:5-8)

4. Lesha Markus 10:13-16.

Ongiini Jesus kuye kwa li haku vulu okuyiwa nuupu, noshike aakuluntugongalo Aakriste taya vulu okwiilonga moshiholelwa she? (Mark. 6:30-34; Fil. 2:1-4; 1 Tim. 4:12)

1. Epulo lini omulumentu a li a pula Jesus, nomolwashike?

2. Jesus omathimbo gamwe okwa li a longitha shike okulonga aantu, noshike twi ilonga nale kombinga yAajuda nAasamaria?

3. Mehokololo ndyoka Jesus a hokolola, oshike sha li sha ningilwa Omujuda ngoka a li te ende nondjila u uka kuJeriko?

4. Oshike sha li sha ningwa po sho omusaaseri Omujuda nOmulevi ya tsakanene mondjila?

5. Mefano moka, olye ta kwathele Omujuda ngoka e ehamekwa?

6. Konima sho Jesus a mana okuhokolola ehokololo ndika, epulo lini a li a pula, nomulumentu okwa li a yamukula ngiini?

Omapulo ga gwedhwa po:

1. Lesha Lukas 10:25-37.

(a) Pehala lyokugandja eyamukulo lyu ukilila, ongiini Jesus a li a kwathele omulumentu ngoka e shi nawa Ompango i itompe mwene kombinga yoshinima shika? (Luk. 10:26; Mat. 16:13-16)

(b) Jesus okwa li a longitha ngiini omaudhi okusinda okatongotongo kaapulakeni ye? (Luk. 10:36, 37; 18:9-14; Tit. 1:9)

1. Jesus okwa li a ningi shike sho a li te endaenda noshilongo?

2. Oomvula ndatu lwaampono konima sho Jesus a ninginithwa, okwa li a lombwele aayapostoli ye shike?

3. Aantu mboka ye li mefano moka oyo oolye, noshike Jesus a li a ningile omukiintu?

4. Omolwashike eyamukulo lyaJesus li na ko nasha nomanyenyeto gaawiliki yelongelokalunga lya li lye ya sitha ohoni?

5. Sho Jesus naayapostoli ye ya li popepi naJeriko, oshike Jesus a li a ningile aakwanaluhepo yaali aaposi?

6. Omolwashike Jesus a li a longo iikumithalonga?

Omapulo ga gwedhwa po:

1. Lesha Mateus 15:30, 31.

Euliko lyoonkondo dhaJehova lini ekumithi lya hololwa okupitila muJesus, nongiini li na okunwetha mo euvoko lyetu lyaashoka Jehova u uvaneka omolwuuyuni uupe? (Eps. 37:29; Jes. 33:24)

2. Lesha Lukas 13:10-17.

Ongiini oshili kutya Jesus okwa li a longo yimwe yomiikumithalonga ye ya simana noonkondo mEsabati tayi ulike epepelelo lyoludhi ndoka te ke etela aantu pethimbo lyEpangelo lye lyOomvula Eyuvi? (Luk. 13:10-13; Eps. 46:10 [46:9, OB-1986]; Mat. 12:8; Kol. 2:16, 17; Eh. 21:1-4)

3. Lesha Mateus 20:29-34.

Ongiini ehokololo ndyoka tali ulike kutya Jesus ka li nando i ipyakidhila noonkondo e ta kala itaa kwathele aantu, noshike tatu vulu okwiilonga mwaashika? (Deut. 15:7; Jak. 2:15, 16; 1 Joh. 3:17)

1. Mefano moka, omulumentu guni oye Jesus, noolye mboka ye li pamwe naye?

2. Aasaaseri oya li ya kambadhala okuningila Jesus shike motempeli, noshike a li e ya lombwele?

3. Aayapostoli oya li ya pula Jesus shike?

4. Omolwashike Jesus a li a lombwele aayapostoli ye yimwe yomiinima mbyoka tayi ka ningwa kombanda yevi ngele ta pangele e li Omukwaniilwa gwomegulu?

5. Jesus okwa ti kutya otapu ka ningwa shike manga inaa hulitha po uuwinayi auhe kombanda yevi?

Omapulo ga gwedhwa po:

1. Lesha Mateus 23:1-39.

(a) Nonando Omanyolo otagu ulike kutya okulongitha omadhinasimaneko guuyuni otashi vulika ku kale kwe eleka, oohapu dhaJesus muMateus 23:8-11 otadhi ulike shike shi na ko nasha nokulongitha omadhinasimaneko gokambweenga megongalo lyopaKriste? (Iil. 26:25; Rom. 13:7; 1 Pet. 2:13, 14)

(b) Oshike Aafarisayi ya li ya longitha okukambadhala okukeelela aantu ya ninge Aakriste, nongiini aawiliki yomalongelokalunga taya longitha omikalo dha faathana methimbo lyonena? (Mat. 23:13; Luk. 11:52; Joh. 9:22; 12:42; 1 Tes. 2:16)

2. Lesha Mateus 24:1-14.

(a) Ongiini esimano li na ko nasha neidhidhimiko lya tsuwa omuthindo muMateus 24:13?

(b) Uutumbulilo womuMateus 24:13 “ehulilo” otau ti shike? (Mat. 16:27; Rom. 14:10-12; 2 Kor. 5:10)

3. Lesha Markus 13:3-10.

Uutumbulilo uni womuMarkus 13:10 tau ulike nkene okuuvitha evaangeli nenge onkundana ombwanawa kwe endelela, nongiini oohapu dhaJesus tadhi tu nwetha mo? (Rom. 13:11, 12; 1 Kor. 7:29-31; 2 Tim. 4:2)

1. Ngaashi shu ulikwa mefano moka, omolwashike Jesus naayapostoli ye 12 ya li ye li moshinyanga oshinene shopombanda?

2. Omulumentu ngono ta zi mo oye lye, noshike ta ka ninga?

3. Uulalelo wi ikalekela uni Jesus a li a tameke konima sho uulalelo wOpaasa wa pu?

4. Opaasa oya li ya dhimbulukitha Aaisrael oshiningwanima shini, noshike uulalelo mboka wi ikalekelwa wa li wa dhimbulukitha aalanduli yaJesus?

5. Konima yUulalelo wOmuwa, Jesus okwa li a lombwele shike aalanduli ye, noshike ya li ya ningi?

Omapulo ga gwedhwa po:

1. Lesha Mateus 26:14-30.

(a) Mateus 26:15 otu ulike ngiini kutya Judas okwa li a gwaaleke Jesus owina?

(b) Okutika kwombinzi yaJesus oku na omalalakano gopaali geni? (Mat. 26:27, 28; Jer. 31:31-33; Ef. 1:7; Heb. 9:19, 20)

2. Lesha Lukas 22:1-39.

Omondunge yini Satana a li a yi muJudas? (Luk. 22:3; Joh. 13:2; Iil. 1:24, 25)

3. Lesha Johannes 13:1-20.

(a) Mokutala kehokololo lyomuJohannes 13:2, mbela Judas ota vulu okupewa ondjo mwaashoka a li a ningi, noshiilongomwa shini aapiya yaKalunga taya vulu okwiilonga mwaashoka? (Gen. 4:7; 2 Kor. 2:11; Gal. 6:1; Jak. 1:13, 14)

(b) Oshiilongomwa shini shi na oshilonga Jesus a li a gandja? (Joh. 13:15; Mat. 23:11; 1 Pet. 2:21)

4. Lesha Johannes 17:1-26.

Omondunge yini Jesus a li a galikana omolwaalanduli ye ya “ninge gumwe”? (Joh. 17:11, 21-23; Rom. 13:8; 14:19; Kol. 3:14)

1. Openi Jesus naayapostoli ye ya li ya yi konima yokuza mondjugo yopombanda, noshike a li e ya lombwele ya ninge?

2. Jesus okwa li a adha aayapostoli ye taya ningi shike sho a galukile mpoka ya li, niikando ingapi shoka sha li sha ningwa?

3. Olye te ya moshikunino, noshike Judas Iskariot ta ningi, ngaashi tashi ulikwa mefano moka?

4. Omolwashike Judas a li a thipi Jesus komilungu, noshike Petrus a li a ningi?

5. Oshike Jesus a li a lombwele Petrus, ihe omolwashike Jesus a li inaa pula Kalunga a tume aayengeli?

Omapulo ga gwedhwa po:

1. Lesha Mateus 26:36-56.

(a) Omukalo moka Jesus a li a pe aalongwa ye omayele ogu li ngiini oshiholelwa oshiwanawa kaakuluntugongalo Aakriste nena? (Mat. 20:25-28; 26:40, 41; Gal. 5:17; Ef. 4:29, 31, 32)

(b) Jesus okwa tala ko ngiini okulongitha iikondjitho okukondjitha aantu ooyakwetu? (Mat. 26:52; Luk. 6:27, 28; Joh. 18:36)

2. Lesha Lukas 22:39-53.

Sho omuyengeli a li a holokele Jesus moshikunino shaGetsemane oku mu nkondopaleka, mbela shoka osha li shu ulike kutya Jesus okwa li ta tengauka meitaalo? Shi yelitha. (Luk. 22:41-43; Jes. 49:8; Mat. 4:10, 11; Heb. 5:7)

3. Lesha Johannes 18:1-12.

Jesus okwa li a gamene ngiini aalongwa ye kaapataneki ye, noshike tatu vulu okwiilonga moshiholelwa shoka? (Joh. 10:11, 12; 18:1, 6-9; Heb. 13:6; Jak. 2:25)

1. Olye unene tuu a li e etitha eso lyaJesus?

2. Aayapostoli oya li ya ningi shike sho Jesus a falwa kaawiliki yomalongelokalunga?

3. Oshike sha li sha ningwa po megumbo lyaKaifas, omusaaseri omukuluntu?

4. Omolwashike Petrus a li a zi po e ta lili?

5. Konima sho Jesus a li a galulilwa kuPilatus, aasaaseri aakuluntu oya li yi igidha taya ti shike?

6. Oshike sha ningililwe Jesus omutenya mEtitano, neuvaneko lini a li a ningile omukolokoshi ngoka a li a alelwa komuti gwomahepeko pamwe naye?

7. Oparadisa ndjoka Jesus a li a popi otayi ka kala peni?

Omapulo ga gwedhwa po:

1. Lesha Mateus 26:57-75.

Omomukalo guni iilyo yompangu yopombanda yOshijuda ya li yu ulike kutya omitima dhayo odha li omiwinayi? (Mat. 26:59, 67, 68)

2. Lesha Mateus 27:1-50.

Omolwashike tatu vulu okutya kutya Judas ka li e uvite shili nayi kwaashoka a ningi? (Mat. 27:3, 4; Mark. 3:29; 14:21; 2 Kor. 7:10, 11)

3. Lesha Lukas 22:54-71.

Oshiilongomwa shini tatu vulu okwiilonga mokwiidhimbika kwaPetrus Jesus uusiku wokugwaalekwa nokukwatwa kwe? (Luk. 22:60-62; Mat. 26:31-35; 1 Kor. 10:12)

4. Lesha Lukas 23:1-49.

Jesus okwa li i inyenge ngiini kokwaahe na uuyuuki hoka a li a ningilwa, noshiilongomwa shini tatu vulu okwiilonga mwaashika? (Luk. 23:33, 34; Rom. 12:17-19; 1 Pet. 2:23)

5. Lesha Johannes 18:12-40.

Otashi ulike shike sho Petrus, nonando okwa li a sa onkumamuthika uule wokathimbo omolwuumbanda wokutila aantu, uumbanda owa li we mu etha e ta ningi omuyapostoli a dhenga mbanda? (Joh. 18:25-27; 1 Kor. 4:2; 1 Pet. 3:14, 15; 5:8, 9)

6. Lesha Johannes 19:1-30.

(a) Jesus okwa li e na etaloko li li pandjele lini lyokutala ko omaliko? (Joh. 2:1, 2, 9, 10; 19:23, 24; Mat. 6:31, 32; 8:20)

(b) Ongiini oohapu dhaJesus e dhi popya sho e li pokusa dha li etseyitho kutya okwa sindana mokudhiginina uunamapangelo waJehova? (Joh. 16:33; 19:30; 2 Pet. 3:14; 1 Joh. 5:4)

1. Omukiintu ngoka e li mefano moka oye lye, aalumentu mboka yaali oyo oolye, noye li peni?

2. Omolwashike Pilatus a li a lombwele aasaaseri ya tume aakwiita ya tonatele ombila yaJesus?

3. Omuyengeli okwa li a ningi shike ongula onene yesiku etitatu konima yeso lyaJesus, ihe oshike aasaaseri ya li ya ningi?

4. Omolwashike aakiintu yamwe ya li ya kumwa sho ya talele po ombila yaJesus?

5. Omolwashike Petrus naJohannes ya li ya matukile kombila yaJesus, noshike ya li ya adha ko?

6. Oshike sha li sha ningwa nolutu lwaJesus, ihe oshike a li a ningi okuulikila aalongwa kutya oku na omwenyo?

Omapulo ga gwedhwa po:

1. Lesha Mateus 27:62-66 nosho wo 28:1-15.

Peyumuko lyaJesus, aasaaseri aakuluntu, Aafarisayi naakuluntu oya li ya yono ngiini kombepo ondjapuki? (Mat. 12:24, 31, 32; 28:11-15)

2. Lesha Lukas 24:1-12.

Ehokololo lyeyumuko lyaJesus otali ulike ngiini kutya Jehova okwa tala ko aakiintu ye li oonzapo dhi shi okwiinekelwa? (Luk. 24:4, 9, 10; Mat. 28:1-7)

3. Lesha Johannes 20:1-12.

Johannes 20:8, 9 ote tu kwatha ngiini okumona kutya otwa pumbwa okukala tu na eidhidhimiko ngele katu uvite ko nawa egwanitho lyehunganeko lyontumba lyOmbimbeli? (Omayel. 4:18; Mat. 17:22, 23; Luk. 24:5-8; Joh. 16:12)

1. Maria okwa li a lombwele shike omulumentu ngoka a li ta dhiladhila kutya oku li omukeeleli gweyana, ihe oshike sha li she mu ningitha a mone kutya oye shili Jesus?

2. Oshike sha li sha ningilwa aalongwa yaali mboka ya li taye ende momukunda Emaus?

3. Oshinima oshikumithi shini sha li sha ningwa po sho aalongwa yaali ya lombwele aayapostoli kutya oya mona Jesus?

4. Iikando ingapi Jesus a li i ihololele aalanduli ye?

5. Tomas okwa ti shike sho a li u uvu kutya aalongwa oya mona Omuwa, ihe oshike sha li sha ningwa po konima yomasiku gahetatu?

Omapulo ga gwedhwa po:

1. Lesha Johannes 20:11-29.

Mbela Jesus muJohannes 20:23 okwa li ta ti kutya aantu oye na oonkondo dhokudhima po oondjo? Shi yelitha. (Eps. 49:3, 8 [49:2, 7, OB-1986]; Jes. 55:7; 1 Tim. 2:5, 6; 1 Joh. 2:1, 2)

2. Lesha Lukas 24:13-43.

Otatu vulu ngiini okulongekidha omitima dhetu opo dhi taambe ko oshili yOmbimbeli? (Luk. 24:32, 33; Esra 7:10; Mat. 5:3, NW; Iil. 16:14; Heb. 5:11-14)

1. Aalongwa yangapi ya li ya mono Jesus oshikando shimwe, noshike a li a popi nayo?

2. Uukwaniilwa waKalunga oshike, nonkalamwenyo kombanda yevi otayi ka kala ya tya ngiini ngele Jesus ta pangele e li Omukwaniilwa uule woomvula eyuvi?

3. Omasiku gangapi Jesus a li i ihololele aalongwa ye, ihe kuye olya li ethimbo lyokuninga shike?

4. Manga owala Jesus a li inaa za po paalongwa ye, okwa li e ya lombwele ya ninge shike?

5. Oshike tashi ningwa mefano moka, nomolwashike Jesus ya li kaaye mu wete we?

Omapulo ga gwedhwa po:

1. Lesha 1 Aakorinto 15:3-8.

Omolwashike omuyapostoli Paulus a li a vulu okupopya e na einekelo shi na ko nasha neyumuko lyaJesus, nokombinga yiinima yini Aakriste nena taya vulu okupopya ye na einekelo? (1 Kor. 15:4, 7, 8; Jes. 2:2, 3; Mat. 24:14; 2 Tim. 3:1-5)

2. Lesha Iilonga 1:1-11.

Iilonga yeuvitho oya tamunuka mo ngiini, ngaashi sha hunganekwa mIilonga 1:8? (Iil. 6:7; 9:31; 11:19-21; Kol. 1:23)

1. Ngaashi tashi ulikwa mefano moka, oshike sha li sha ningilwa aalanduli yaJesus mboka ya li ya tegelela muJerusalem?

2. Aatalelipo muJerusalem oya li ya kumwa koshike?

3. Petrus okwa li a yelithile aantu shike?

4. Aantu oya li ye uvite ngiini konima yokupulakena kuPetrus, noshike a li e ya lombwele ya ninge?

5. Aantu yangapi ya li ya ninginithwa mesiku ndyoka lyaPentekoste, 33 E.N.?

Omapulo ga gwedhwa po:

1. Lesha Iilonga 2:1-47.

(a) Oohapu dhaPetrus tadhi adhika mIilonga 2:23, 36 otadhi ulike ngiini kutya oshigwana ashihe shAajuda oshi na ondjo yi na ko nasha nedhipago lyaJesus? (1 Tes. 2:14, 15)

(b) Petrus okwa tula po ngiini oshiholelwa oshiwanawa shokutompathana okuza mOmanyolo? (Iil. 2:16, 17, 29, 31, 36, 39; Kol. 4:6)

(c) Petrus okwa li a longitha ngiini “iipatululo yuukwaniilwa wokegulu,” mbyoka Jesus a li u uvaneke oku mu pa? (Iil. 2:14, 22-24, 37, 38; Mat. 16:19, KB)

1. Oshike sha li sha ningilwa Petrus naJohannes omutenya gumwe sho ya li taya yi kotempeli?

2. Petrus okwa li a lombwele shike omulumentu oshilema, noshike Petrus a li e mu pe shi na ongushu onene yi vule yiimaliwa?

3. Omolwashike aawiliki yelongelokalunga ya li ya geya, noshike ya li ya ningile Petrus naJohannes?

4. Petrus okwa li a lombwele shike aawiliki yelongelokalunga, nelondodho lini aayapostoli ya li ya pewa?

5. Omolwashike aawiliki yelongelokalunga ya li ya sa efupa, ihe oshike sha li sha ningwa po sho aayapostoli ya li ya tulwa mondholongo oshikando oshitiyali?

6. Aayapostoli oya yamukulile ngiini sho ya li ye etwa moshinyanga shoSanhedrin?

Omapulo ga gwedhwa po:

1. Lesha Iilonga 3:1-10.

Nonando katu na oonkondo dhokulonga iikumithalonga nena, ongiini oohapu dhaPetrus dha nyolwa mIilonga 3:6 tadhi tu kwathele okuuva ko ongushu yetumwalaka lyUukwaniilwa? (Joh. 17:3; 2 Kor. 5:18-20; Fil. 3:8)

2. Lesha Iilonga 4:1-31.

Ngele twa taalela omapataneko muukalele, omomukalo guni tu na okuholela aamwatate Aakriste yomethelemimvo lyotango? (Iil. 4:29, 31; Ef. 6:18-20; 1 Tes. 2:2)

3. Lesha Iilonga 5:17-42.

Ongiini yamwe mboka kaaye shi Oonzapo yonale noyongashingeyi yu ulike ondjaalela shi na ko nasha niilonga yeuvitho? (Iil. 5:34-39)

1. Stefanus oye lye, na Kalunga okwa li e mu kwatha a ninge shike?

2. Stefanus okwa li a popi shike shoka sha li sha geyitha noonkondo aawiliki yelongelokalunga?

3. Sho aalumentu ya li ya kokololele Stefanus pondje yoshilando, oye mu ningile shike?

4. Mefano moka, omulumentu omugundjuka ngoka a thikama poondjatha oye lye?

5. Manga Stefanus inaa sa, okwa li a galikana shike kuJehova?

6. Mokuholela Stefanus, oshike tu na okuninga ngele gumwe te tu ningile sha oshiwinayi?

Omapulo ga gwedhwa po:

1. Lesha Iilonga 6:8-15.

Omikalo omipukithi dhini aawiliki yomalongelokalunga ya li ya longitha mokukambadhala okuya moshipala iilonga yokuuvitha yOonzapo dhaJehova? (Iil. 6:9, 11, 13)

2. Lesha Iilonga 7:1-60.

(a) Oshike sha li sha kwathele Stefanus oku shi pondola mokupopila onkundana ombwanawa koshipala shoSanhedrin, noshike tatu vulu okwiilonga moshiholelwa she? (Iil. 7:51-53; Rom. 15:4; 2 Tim. 3:14-17; 1 Pet. 3:15)

(b) Iikala yini tu na okukala tu na shi na ko nasha naapataneki yiilonga yetu? (Iil. 7:58-60; Mat. 5:44; Luk. 23:33, 34)

1. Saulus okwa li a ningi shike konima sho Stefanus a dhipagwa?

2. Sho Saulus a li mondjila yokuya kuDamasko, oshinima oshikumithi shini sha li sha ningwa po?

3. Jesus okwa li a lombwele Saulus a ninge shike?

4. Omalombwelo geni Jesus a li a pe Ananias, nongiini Saulus a li a vulu okumona ko ishewe?

5. Saulus okwa li a tseyika nedhina lini, nongiini a li a longithwa?

Omapulo ga gwedhwa po:

1. Lesha Iilonga 8:1-4.

Ongiini omahepeko omanene ngoka ga li ga adha egongalo lyopaKriste ndyoka lya li opo lya totwa po, ga li ga ningitha eitaalo lyopaKriste li taandele, noshinima sha faathana shini sha ningwa methimbo lyonena? (Iil. 8:4; Jes. 54:17)

2. Lesha Iilonga 9:1-20.

Iilonga yetumo yopatatu yini Jesus a li a ti kutya oku nine Saulus? (Iil. 9:15; 13:5; 26:1; 27:24; Rom. 11:13)

3. Lesha Iilonga 22:6-16.

Ongiini tatu vulu okukala twa fa Ananias, nomolwashike shoka sha simana? (Iil. 22:12; 1 Tim. 3:7; 1 Pet. 1:14-16; 2:12)

4. Lesha Iilonga 26:8-20.

Ongiini okwiitedhulula kwaSaulus a ninge Omukriste ku li eladhipiko kwaamboka ye na nena ookuume kopandjokana kaaye shi ooitaali? (Iil. 26:11; 1 Tim. 1:14-16; 2 Tim. 4:2; 1 Pet. 3:1-3)

1. Omulumentu ngoka ta tsu oongolo mefano moka oye lye?

2. Omuyengeli okwa li a lombwele Kornelius shike?

3. Kalunga okwa monitha Petrus shike manga a li e li kombanda yongulu yegumbo lyaSimon muJoppe?

4. Omolwashike Petrus a li a lombwele Kornelius kutya ke na okutsa oongolo e mu galikane?

5. Omolwashike aalongwa Aajuda mboka ya li pamwe naPetrus ya li ya kumwa?

6. Oshiilongomwa shini sha simana tu na okwiilonga mokutalela po kwaPetrus Kornelius?

Omapulo ga gwedhwa po:

1. Lesha Iilonga 10:1-48.

Oohapu dhaPetrus tadhi adhika mIilonga 10:42 otadhi ulike shike kombinga yiilonga yokuuvitha onkundana ombwanawa yUukwaniilwa? (Mat. 28:19; Mark. 13:10; Iil. 1:8)

2. Lesha Iilonga 11:1-18.

Iikala yini Petrus a li u ulike sho ewiliko lyaJehova li na ko nasha naamboka kaaye shi Aajuda lya li lyi iwetikile, nongiini tatu vulu okuholela oshiholelwa she? (Iil. 11:17, 18; 2 Kor. 10:5; Ef. 5:17)

1. Omulumentu omugundjuka ngoka e li mefano moka oye lye, nedhina lyayina nolyayinakulu olini?

2. Timoteus okwa li a popi shike sho Paulus a li e mu pula ngele okwa hala okuya pamwe naSilas naPaulus ye ku uvithile aantu yokokule?

3. Openi aalanduli yaJesus ya li yi ithanwa lwotango Aakriste?

4. Konima sho Paulus, Silas naTimoteus ya zi muListra, iilando yimwe yini ya li ya talele po?

5. Timoteus okwa li a kwathele ngiini Paulus, nepulo lini aagundjuka ye na okwiipula nena?

Omapulo ga gwedhwa po:

1. Lesha Iilonga 9:19-30.

Ongiini omuyapostoli Paulus a li u ulike oondunge dhokuyoolola sho a li a taalelwa komapataneko ge na ko nasha nonkundana ombwanawa? (Iil. 9:22-25, 29, 30; Mat. 10:16)

2. Lesha Iilonga 11:19-26.

Ehokololo lya nyolwa mIilonga 11:19-21, 26 otali ulike ngiini kutya ombepo yaJehova ohayi kwatele komeho nohayi wilike iilonga yeuvitho?

3. Lesha Iilonga 13:13-16, 42-52.

Iilonga 13:51, 52 otayi ulike ngiini kutya aalongwa kaya li ye etha omapataneko ge ya teye omukumo? (Mat. 10:14; Iil. 18:6; 1 Pet. 4:14)

4. Lesha Iilonga 14:1-6, 19-28.

Uutumbulilo “oye ya gandja kOmuwa” otau tu kwathele ngiini tu manguluke ko kiimpwiyu kehe inaayi pumbiwa ngele tatu kwathele mboka aape? (Iil. 14:21-23; 20:32; Joh. 6:44)

5. Lesha Iilonga 16:1-5.

Ongiini ehalo lyaTimoteus okufukalekwa lya tsu omuthindo esimano lyokuninga ‘ayihe omolwevaangeli?’ (Iil. 16:3; 1 Kor. 9:23; 1 Tes. 2:8)

6. Lesha Iilonga 18:1-11, 18-22.

Iilonga 18:9, 10 otayi ulike shike shi na ko nasha nokukutha ombinga kwaJesus paumwene mokuwilika iilonga yeuvitho, neinekelo lini shoka tashi tu pe? (Mat. 28:20)

1. Omumati ngoka a lala pevi mefano moka oye lye, noshike sha li she mu ningilwa?

2. Paulus okwa li a ningi shike sho a mono kutya omumati okwa sa?

3. Openi Paulus, Timoteus naamboka ya li taye ende pamwe nayo ya li taya yi, noshike sha li sha ningwa po sho ya tula muMileto?

4. Elondodho lini omuprofeti Agabus a li a pe Paulus, nongiini sha li sha ningwa naanaa ngaashi omuprofeti a li e shi popi?

Omapulo ga gwedhwa po:

1. Lesha Iilonga 20:7-38.

(a) Ongiini tatu vulu okukala ‘kaatu na oondjo dhombinzi nando oyomuntu,’ paohapu dhaPaulus dha nyolwa mIilonga 20:26, 27? (Hes. 33:8; Iil. 18:6, 7)

(b) Omolwashike aakuluntugongalo ye na ‘okudhiginina oohapu ndhoka dhi shi okwiinekelwa” ngele taya longo aantu? (Iil. 20:17, 29, 30; Tit. 1:7-9; 2 Tim. 1:13)

2. Lesha Iilonga 26:24-32.

Ongiini Paulus a li a longitha uukwashigwana we waRoma okugwanitha po oshilonga she shokuuvitha shoka a pewa kuJesus? (Iil. 9:15; 16:37, 38; 25:11, 12; 26:32; Luk. 21:12, 13)

1. Oshike sha li sha ningilwa osikepa ndjoka mwa li Paulus manga tayi ende popepi nontuntu yaKreta?

2. Paulus okwa li a lombwele shike mboka ye li mosikepa?

3. Omolwashike osikepa ya li ya tekauka?

4. Omalombwelo geni omukuluntu gwetanga lyaakwiita a li a gandja, naantu yangapi ya li ya thiki komunkulo gwefuta ya gamenwa?

5. Okontuntu yedhina lini ya li ya helukile, noshike sha li sha ningilwa Paulus sho ombepo ya kodha?

Omapulo ga gwedhwa po:

1. Lesha Iilonga 27:1-44.

Ongiini einekelo lyetu mokwiinekela kutya Ombimbeli oyo oshili tali kolekwa ngele tatu lesha ehokololo lyolweendofuta lwaPaulus okuya kuRoma? (Iil. 27:16-19, 27-32; Luk. 1:3; 2 Tim. 3:16, 17)

2. Lesha Iilonga 28:1-14.

Ngele aapagani mboka ya kala muMelite oya yakulile “nombili onene yuukuume” omuyapostoli Paulus naaendipamwe naye mosikepa ndjoka ya tekauka, Aakriste oye na okwiinyengithwa yu ulike uukwatya uni noye na oku shi ninga unene tuu ngiini? (Iil. 28:1, 2; Heb. 13:1, 2; 1 Pet. 4:9)

1. Paulus okwa li u uvithile oolye sho a li mondholongo muRoma?

2. Omutalelipo ngoka e li poshitaafula mefano moka oye lye, nota ningile shike Paulus?

3. Epafroditus oye lye, noshike a li e ya nasho sho a galuka kuFilippi?

4. Omolwashike Paulus a li a nyolele ontumwafo kukuume ke kopothingo Filemon?

5. Oshike Paulus a li a ningi sho a mangululwa, noshike sha li she mu ningilwa konima yethimbo?

6. Olye Jehova a li a longitha okunyola omambo gahugunina gOmbimbeli, noshike embo lyEhololo tali hokolola?

Omapulo ga gwedhwa po:

1. Lesha Iilonga 28:16-31 nAafilippi 1:13.

Paulus okwa li a longitha ngiini ethimbo lye manga a li mondholongo muRoma, noshizemo shini eitaalo lye lya kola lya li li na kegongalo lyopaKriste? (Iil. 28:23, 30; Fil. 1:14)

2. Lesha Aafilippi 2:19-30.

Oohapu dholupandu dhini Paulus a li a popi shi na ko nasha naTimoteus naEpafroditus, nongiini tatu vulu okulandula oshiholelwa shaPaulus? (Fil. 2:20, 22, 25, 29, 30; 1 Kor. 16:18; 1 Tes. 5:12, 13)

3. Lesha Filemon 1-25.

(a) Okekankameno lini Paulus a li a ladhipike Filemon a ninge shoka shu uka, nongiini shoka shi li oshiholelwa kaakuluntugongalo nena? (Filem. 9; 2 Kor. 8:8; Gal. 5:13)

(b) Ongiini oohapu dhaPaulus tadhi adhika muFilemon 13, 14 tadhi ulike kutya okwa li a simaneka omaiyuvo gayalwe megongalo? (1 Kor. 8:7, 13; 10:31-33)

4. Lesha 2 Timoteus 4:7-9.

Ngaashi omuyapostoli Paulus, ongiini tatu vulu okukala neinekelo kutya Jehova ote ke tu pa ondjambi ngele tatu kala aadhiginini sigo ehulilo? (Mat. 24:13; Heb. 6:10)

1. Omolwashike Ombimbeli tayi popi uukambe womegulu?

2. Iita yaKalunga yokukondjitha aantu aawinayi kombanda yevi ohayi ithanwa ngiini, niita mbyoka elalakano lyayo olyashike?

3. Mefano moka, olye Ngoka ta yi a ka kwatele komeho olugodhi, omolwashike a zala oshishani, negongamwele lye otali ti shike?

4. Okutala kEhokololo eti-10, eti-15 neti-33, omolwashike kaatu na okukala twa kumwa sho Kalunga ta ka hanagula po aantu aawinayi?

5. Ongiini Ehokololo eti-36 neti-76 tali ulike kutya Kalunga ota ka hanagula po aantu aawinayi nokuli nonando otaya ti otaye mu longele?

Omapulo ga gwedhwa po:

1. Lesha Ehololo 19:11-16.

(a) Omanyolo otage shi yelitha ngiini kutya Jesus Kristus oye a londa kokakambe okatokele? (Eh. 1:5; 3:14; 19:11; Jes. 11:4)

(b) Ongiini ombinzi ndjoka ya shashaminwa konguwo yaJesus yokombanda tayi koleke kutya ota ka sindana thiluthilu? (Eh. 14:18-20; 19:13; Jes. 63:1-6)

(c) Osha yela kutya oolye taya ka kala ya kwatelwa maakwiita mboka ya landula Jesus e li kokakambe ke okatokele? (Eh. 12:7; 19:14; Mat. 25:31, 32)

1. Oonkalo dhini Ombimbeli tayi popi tatu ka nyanyukilwa mOparadisa kombanda yevi?

2. Ombimbeli otayi uvanekele shike mboka taya ka kala mOparadisa?

3. Uunake Jesus ta ka sa oshimpwiyu opo elunduluko ndyoka ekumithi li ningwe?

4. Sho Jesus a li kombanda yevi, oshike a li a ningi opo u ulike shoka ta ka ninga e li Omukwaniilwa gwUukwaniilwa waKalunga?

5. Jesus naapangeli ooyakwawo yomegulu otaya ka shilipaleka shi na ko nasha nashike ngele taya pangele ombanda yevi okuza megulu?

Omapulo ga gwedhwa po:

1. Lesha Ehololo 5:9, 10, NW.

Omolwashike tatu vulu okukala neinekelo kutya mboka taya ka pangela kombanda yevi pethimbo lyEpangelo lyOomvula Eyuvi otaya ka kala aakwaniilwa naapristeli ye na olukeno noye na ohenda? (Ef. 4:20-24; 1 Pet. 1:7; 3:8; 5:6-10)

2. Lesha Ehololo 14:1-3.

Otashi ulike shike sho edhina lyaHe nedhina lyOnzigona ga nyolwa miipala yaamboka 144 000? (1 Kor. 3:23; 2 Tim. 2:19; Eh. 3:12)

1. Otwa pumbwa okukala tu shi shike ngele otwa hala okukala nomwenyo sigo aluhe?

2. Ongiini tatu vulu okwiilonga kombinga yaJehova Kalunga naJesus, ngaashi tashi ulikwa mefano moka kokakadhona nookuume kako?

3. Embo limwe lini u wete mefano moka, nomolwashike tu na oku li lesha aluhe?

4. Kakele kokwiilonga kombinga yaJehova naJesus, oshike ishewe twa pumbwa opo tu mone omwenyo gwaaluhe?

5. Oshiilongomwa shini tatu ilongo mEhokololo eti-69?

6. Oshiholelwa oshiwanawa shokamati Samuel mEhokololo eti-55 otashi ulike shike?

7. Ongiini tatu vulu okulandula oshiholelwa shaJesus Kristus, nongele tatu shi ningi, oshike tatu ka kala tatu vulu okuninga monakuyiwa?