TALA nkene evi tali monika mpaka! Alikana ayihe iiwanawa ngiini! Tala komwiidhi nomiti, oongala nokiinamwenyo ayihe. Mbela ngoye oto vulu ngaa okumona ondjamba noonkoshi?

Ongiini oshikunino shika oshiwanawa she ya po? Natu tale ano nkene Kalunga e tu longekidhile evi.

Tango, Kalunga okwa shiti omwiidhi gwa ziza okusiikila evi. Nokwa shiti omaludhi gi ili nogi ili giimeno iishona niihwa nomiti. Iinima mbika iimeni otayi kwathele okuninga evi ewanawa. Ihe otayi longo oshindji shi vulithe shoka. Oyindji yomuyo otayi gandja wo iipalutha kutse mbyoka yi na omulyo omutoye noonkondo.

Konima Kalunga okwa shiti oohi okuyoga momeya nuudhila okutuka mewangandjo. Ye okwa shiti oombwa nuumbishi noonkambe; iinamwenyo iinene niinamwenyo iishona. Iinamwenyo yini po ya kala popepi negumbo lyeni? Mbela tse inatu pumbwa nando okukala twa nyanyukwa molwashoka Kalunga e tu shitile iinima ayihe mbika?

Lwahugunina, Kalunga okwa shiti oshitopolwa shimwe shevi ehala li ili unene. Ehala ndika ye okwe li ithana oshikunino shaEden. Osha li sha gwanenena. Kehe oshinima musho osha li oshiwanawa. Na Kalunga okwa halele evi alihe li ninge owala oshikunino oshiwanawa sha fa shika ye a shiti.

Ihe tala ishewe kefano lyoshikunino shika. Owa tseya tuu shoka Kalunga a mono osho sha li shaa mo? Natu tale.