KONIMA sho David a dhipaga Goliat, mwene gwetanga lyaakwiita lyaIsrael Abner ote mu eta kuSaul. Saul okwa panda David noonkondo. Ote mu ningi mwene gwetanga lye lyaakwiita note mu etha a kale muuwa.

Konima sho etanga lyaakwiita tali galuka kolugodhi lwokukondjitha Aafilisti, aakiintu otayi imbi: ‘Saul okwa dhenge omayuvi, ihe David omayuvi omulongo.’ Shika otashi sitha Saul efupa, oshoka yo otaa gandja esimano olindji kuDavid shi vulithe kuSaul. Ihe omwanamati gwaSaul Jonatan ye ina sa efupa. Ye oku hole David noonkondo, David naye wo oku hole Jonatan. Ano mbaka yaali otayi iyu-vanekele kutya yo otaa ka kala ookuumethane aluhe.

David oha hiki oka-humba nawa unene noo-nkondo, na Saul oku hole oomusika ndhoka ye ha hiki. Ihe esiku limwe efupa lyaSaul olye mu ningitha sha oshitilithi. Manga David ta hiki okahumba, Saul ota kutha egonga lye nota dhaadhiga omanga ye ta ti: ‘Otandi ululile David kekuma!’ Ihe David ota yanda, negonga otali mu palutha. Konima Saul ota dhaadhiga ishewe David, negonga lye otali palutha. Ngashingeyi David oku shi shi kutya ye oku na okukala a kotoka noonkondo.

Oto dhimbulukwa mbela euvaneko ndyono Saul a ningi? Ye oku uvaneke okugandja omwanakadhona komu-lumentu ngoka ta dhipaga Goliat. Lwahugunina Saul ota ti kuDavid kutya ye ota vulu okumona omwanakadhona Mikal, ihe ye oku na tango okudhipaga aatondi Aafilisti 100. Dhiladhila kwaashino! Muushili wo wene Saul okwi inekela kutya Aafilisti otaa ka dhipaga David. Ihe itashi ningwa, ano Saul ota gandja omwanakadhona kuDavid a kale omukiintu gwe.

Esiku limwe Saul ota ti kuJonatan nokaapiya ye ayehe kutya ye okwa hala okudhipaga David. Ihe Jonatan ota ti kuhe: ‘Ino ningila David sha. Ye ina yona nando kungoye. Ashihe shoka ye a ningi, osha li owala ekwatho enene kungoye. Ye okwa li a hupula omwenyo gwe sho ye a dhipaga Goliat, naashono we shi mono, owa li wa nyanyukwa.’

Saul ota pulakene komwana, notu uvaneke okwaaningila David sha. David ota galulwa, nota longele Saul megumbo lye ngaashi naanaa shito. Ihe manga David ta dhana omusika, Saul ota dhaadhiga ishewe egonga kuDavid. David ota yanda, negonga otali tsu mekuma. Shika oshikando oshititatu! Ngashingeyi David oku shi shi kutya ye oku na okuya ontuku!

Uusiku owo tuu mbo-ka David ota yi kegumbo lye. Ihe Saul ota tumu aalumentu oku ke mu dhipaga. Mikal oku shi shoka he ta dhiladhila. Ano ota ti komulumentu gwe: ‘Ngele ngoye ito yi ontuku uusiku wonena, ongula oto si.’ Uusiku mbono Mikal ota kwatha David okufadhuka po ta pitile mekende. Konyala uule woo-mvula heyali David e na oku-holama okuza pehala limwe nokuya kulilwe opo Saul kaa vule oku mu mona.