Oshike hashi tu inyengitha tu landule Jesus? Omuyapostoli Paulus okwa yamukula a ti: ‘Ohole yaKristus otayi tu pangele.’ (2 Aakorinto 5:14) Moshitopolwa shika otatu ka konakona nkene Jesus e hole Jehova, aantu nosho wo nkene e tu hole pauhandimwe. Osha simana tu konakone shi na ko nasha nohole yaJesus. Otashi ka guma omitima dhetu notashi ke tu inyengitha tu landule oshiholelwa she.