OSHILESHWA 33
Uukwaniilwa waKalunga otawu ka gwanitha po shike?
Uukwaniilwa waKalunga otawu pangele nale megulu. Masiku otawu ka eta omalunduluko omanene kombanda yevi. Natu ka tale komauwanawa gamwe ngoka tatu vulu oku ka mona mUukwaniilwa waKalunga.
1. Uukwaniilwa waKalunga otawu ka eta ngiini ombili nuuyuuki kombanda yevi?
Jesus, Omukwaniilwa gwUukwaniilwa waKalunga, ota ka hanagula po aakolokoshi nomapangelo agehe piita yaArmagedon. (Ehololo 16:14, 16) Pethimbo ndyoka, ehunganeko ndika lyOmbiimbeli otali ka gwanithwa: “Aadhudhu otaa ka kana po mbala.” (Episalomi 37:10) Jesus ota ka longitha Uukwaniilwa waKalunga a shilipaleke kutya kombanda yevi oku na ombili notaku longwa uuyuuki. — Lesha Jesaja 11:4.
2. Onkalamwenyo otayi ka kala ya tya ngiini, sho ehalo lyaKalunga tali ka gwanithwa kombanda yevi?
Kohi yUukwaniilwa waKalunga “aayuuki otaa ka thigulula evi e taa kala mo sigo aluhe.” (Episalomi 37:29) Dhiladhila owala wu li muuyuni mu na aantu ayehe aayuuki, ye hole Jehova noye holathane! Kapu na ngoka te ke ehama, nakehe gumwe ota ka kala nomwenyo sigo aluhe.
3. Uukwaniilwa waKalunga otawu ka gwanitha po shike, ngele aakolokoshi ya hanagulwa po?
Konima ngele aakolokoshi ya hanagulwa po, Jesus ota ka pangela e li Omukwaniilwa, uule womimvo 1 000. Pethimbo ndyono, Jesus naantu 144 000, otaya ka kwathela aantu kombanda yevi, ya kale ya gwanenena. Pehulilo lyomimvo ndhono, evi alihe otali ka ninga oparadisa notali ka kala lyu udha aantu ya nyanyukwa, molwaashoka ohaya vulika koompango dhaJehova. Konima yaashono, Jesus ota ka shunitha Uukwaniilwa kuHe, Jehova. Edhina lyaJehova otali ‘ka yapulwa’ inaashi monika nando onale. (Mateus 6:9, 10) Edhina ndyoka otali ku ulika kutya Jehova Omupangeli omwaanawa ngoka e na ko nasha naalelwa ye. Opo nduno, Jehova ota ka hanagula po Satana noompwidhuli dhe nakehe ngoka e li ompinge nepangelo Lye. (Ehololo 20:7-10) Oonkalo oombwanawa ndhoka tadhi ke etwa kUukwaniilwa waKalunga, otadhi ka kala sigo aluhe.
ILONGA OSHINDJI
Tala kutya omolwashike tatu vulu okukala twi inekela kutya monakuyiwa Kalunga ota ka longitha Uukwaniilwa we a gwanithe po omauvaneko ngoka ge li mOmbiimbeli.
4. Uukwaniilwa waKalunga otawu ka hulitha po omapangelo gopantu
Ombiimbeli otayi ti: “Omuntu gumwe ta dhiladhilile mukwawo oshiponga,” nenge tu tye, ta pangele mukwawo nonyanya. (Omuuvithi 8:9) Jehova ota ka longitha Uukwaniilwa we a hulithe po uupyakadhi mboka.
Lesha Daniel 2:44 nosho wo 2 Aatessalonika 1:6-8, e tamu kundathana omapulo taga landula:
-
Jehova nOmwana, Jesus, otaya ka ningila shike aapangeli yopantu nosho wo aayambidhidhi yawo?
-
Shoka wi ilongo kombinga yaJehova naJesus, oshe ku tompa ngiini kutya otaya ka katuka pauyuuki?
5. Jesus Omukwaniilwa e li nawa kaaku na we
E li Omukwaniilwa gwUukwaniilwa waKalunga, Jesus ota ka kwathela aantu kombanda yevi momikalo odhindji. Dhana OKAVIDIO wu mone kutya Jesus okwa kala nale e na ehalo lyokukwathela aantu noku na oonkondo dhoku shi ninga, e dhi pewa kuKalunga.
Sho Jesus a li kombanda yevi, okwa li a ningi iinima mbyono tayi ka gwanithwa po monakuyiwa kUukwaniilwa. Omayambeko geni ga tumbulwa mpaka wa halelela oku ka mona? Lesha omanyolo taga landula ngoka tage tu kwathele tu tseye omayambeko ngoka.
|
SHO JESUS A LI KOMBANDA YEVI . . . |
SHO E LI MEGULU . . . |
|---|---|
|
|
|
|
|
|
|
|
6. Uukwaniilwa waKalunga otawu ka eta onakuyiwa ombwanawa
Uukwaniilwa waKalunga otawu ka etela aantu onkalamwenyo ombwanawa ndjoka Jehova a li e ya halela petameko. Otaya ka kala nomwenyo sigo aluhe moparadisa kombanda yevi. Dhana OKAVIDIO wu mone nkene Jehova ta longitha Omwana, Jesus, a gwanithe po elalakano Lye.
Lesha Episalomi 145:16, e tamu kundathana epulo tali landula:
-
Oho kala wu uvite ngiini, sho wu shi shi kutya Jehova ota ka “kutitha iinamwenyo ayihe”?
AANTU YAMWE OHAYA TI: “Ngele atuheni otwa longele kumwe, otatu ka kandula po omaupyakadhi muuyuni.”
-
Omaupyakadhi geni Uukwaniilwa waKalunga tawu ka kandula po, ngoka itaaga vulu okukandulwa po komapangelo gopantu?
OWI ILONGO SHIKE?
Uukwaniilwa waKalunga otawu ka gwanitha po ehalo lyaKalunga. Otawu ka ninga evi alihe oparadisa, notali ka udha aantu aayuuki, taya ka longela Jehova sigo aluhe.
Omapulo geendululo
-
Uukwaniilwa waKalunga otawu ka yapulitha ngiini edhina lyaJehova?
-
Omolwashike tatu vulu okukala neinekelo kutya Uukwaniilwa otawu ka gwanitha po omauvaneko agehe gomOmbiimbeli?
-
Miinima mbyoka tayi ka etwa kUukwaniilwa, oshinipo wa halelela oku ka mona?
UUYELELE WA GWEDHWA PO
Lesha wu uve kutya Armagedon oshike.
“Iita yaArmagedon oshike?” (Oshitopolwa shi li kepandja lyetu lyokointaneta)
Lesha kombinga yaashoka tashi ka ningwa pethimbo nokonima yomimvo 1 000, sho Jesus ta ka pangela e li Omukwaniilwa.
“Oshike tashi ka ningwa mEsiku lyEpangulo?” (Oshungolangelo, 1 Kotoba 2012)
Tala nkene aanegumbo taya vulu okutedhatedha kiinima mbyoka taya ka mona moparadisa.
Lesha wu uve nkene omulumentu gumwe ngoka a li ompinge nopolotika a mono omayamukulo gaashoka a li ta kongo.
“Ombiimbeli ohayi lundulula onkalamwenyo yaantu” (Oshungolangelo, 1 Januali 2012)
Opu na ishewe uuyelele mbuka
OMAPULO NGOKA HAGA PULWA OLUNDJI KOMBINGA YOONZAPO DHAJEHOVA
Ekonakonombiimbeli ndyoka hali ningwa kOonzapo dhaJehova oshike?
Oto vulu okulongitha Ombiimbeli kehe mootundi dhopaMbiimbeli dhoshali, ndhoka hadhi ningwa kOonzapo dhaJehova. Oto vulu okuhiya aantu yaandjeni nenge ookuume koye.
