Ngele omuntu okwa pula epulo molwaashoka a hala shili okuuva nawa nenge a limbililwa kusha, nena natu tsikile oonkundathana nomuntu ngoka. Otwa hala okupopya naantu mboka ya halelela shili “ya ka mone omwenyo gwaaluhe.”—Iil. 13:48.

Ongiini ngele omuntu okwa geya, a hala okunyenyeta nenge inaa hala okupopya natse pompito ndjoka? Hulitha po oonkundathana naye to shi ningi wa ngungumana nomomukalo gwombili. (Omayel. 17:14) Mu thiga po nombili nosho wo momukalo gwesimaneko, opo shi kale oshipu kuye oku ka popya nOnzapo ndjoka ta ka tsakanena nayo monakuyiwa.—1 Pet. 2:12.