NINGA AANTU AALONGWA
OSHILESHWA 10
Kala wa tokola toko okuninga aantu aalongwa
Ekotampango: “Omolwohole yetu yoku mu hola inatu ya kune owala nelaka etoye lya za kuKalunga, ihe otwa hupula wo oomwenyo dhetu molweni. Ne aaholike yetu.” — 1 Tes. 2:8.
Shoka Jesus a li a ningi
1. Tala OKAVIDIO, nenge wu leshe Johannes 3:1, 2. Opo ihe to yamukula omapulo taga landula:
-
Omolwashike tashi vulika Nikodemus a li e wete shi li nawa okuya kuJesus uusiku? — Tala Johannes 12:42, 43.
-
Jesus okwa li e shi ulike ngiini kutya okwa tokola toko okuninga aantu aalongwa, sho a li a tsakanene naNikodemus uusiku?
Oshike tatu ilongo koshiholelwa shaJesus?
2. Ohatu ulike kutya otu hole aantu mokukala twa tokola toko tu ya kwathele ya ninge aalongwa.
Holela Jesus
3. Kala ho konakona pethimbo nosho wo pehala mpoka tapu opalele Omukonakonimbiimbeli gwoye. Otashi vulika a kale a hala mu shi ninge mesiku lyokondandalunde moshiwike, nenge pethimbo lyontumba momukokomoko gwesiku. Mbela openi e wete shi li nawa okukonakonena kuye, opehala mpoka ha longele, omegumbo nenge omomahala gaayehe? Ninga ngaashi to vulu, wu ninge omalunduluko melandulathano lyoye, opo wu konakone naye pethimbo nopehala ndyoka tali mu opalele.
4. Kaleni hamu konakona pandjigilile. Ngele oto zi po, inashi pumbiwa wu kaleke ekonakonombiimbeli. Ihe pehala lyaashono, tala ngele Ekonakonombiimbeli:
5. Galikana wu kale wu na etaloko ewanawa. Pula ekwatho kuJehova wu kale wa tokola toko wu kwathele omukonakonimbiimbeli gwoye, kutya nduno iha kala pandjigilile pekonakonombiimbeli lye, nenge ta ende kashona okutula miilonga shoka ti ilongo mOmbiimbeli. (Fil. 2:13) Otashi vulika nokuli omukonakonimbiimbeli gwoye e na omaukwatya omawanawa ogendji, onkee galikana wu ga ndhindhilike mo.
TALA WO OMANYOLO TAGA LANDULA
Omayel. 3:27; Iil. 20:35; 2 Kor. 12:15
