Dhiladhila kutya omolwashike to lesha enyolo. Manga inoo lesha enyolo kehe, ninga tango efalomo ndyoka tali kwathele aapulakeni ya mone enenedhiladhilo lyovelise.

Longitha aluhe Ombiimbeli moonkundathana dhoye. Ngele oto popi naantu mboka yi itaala muKalunga, ya leshela mOohapu dhaKalunga, Ombiimbeli. Uuna to shi ningi, oto ulike kutya Ombiimbeli oyo onzo yuunongo wa shiga ko.

Ningitha aapulakeni yoye ya kale ya hokwa omanyolo. Ya pula epulo ndyoka lya yamukulwa menyolo. Tumbula kutya enyolo ndyoka otali vulu okukwathela omupulakeni a kandule po uupyakadhi wuni. Popya wo ekotampango nosho wo ehokololo lyOmbiimbeli ndyoka tali kwathele omupulakeni u uve ko oshitsa shoka.