Shoka to ka popya nashi kale she ku guma. Sho to ilongekidha, kala to dhiladhila lela nkene etumwalaka ndyoka lya simana. Iyenditha po nawa komeho yethimbo, opo wu ka popye tashi zi komutima.

Kaleka aapulakeni yoye momadhiladhilo. Tedhatedha nkene uuyelele mboka to ka lesha nenge to ka longa aantu tawu ya etele uuwanawa. Dhiladhila wo kutya omikalo dhini to ka longitha, opo wu kwathele aapulakeni yoye ya kale ya pandula noonkondo uuyelele mboka we ya pa.

Ino popya wa sa uunye, ihe popya wa mwenyopala. Popya nuulaadhi. Longitha omaudhi nomainyengo gokoshipala taga opalele, wu holole omaiyuvo.