KALUNGA OMUNANKONDOADHIHE oye Omuwa gweshito alihe. Onkalamwenyo yetu yongashingeyi noyomonakuyiwa, oyi ikolelela kuye. Oku na oonkondo okugandja ondjambi nosho wo oonkondo okugeela. Oku na oonkondo okugandja omwenyo nosho wo oonkondo okudhipaga. Ngele otwa hokiwa kuye, otatu ke shi pondola; ngele ine tu hokwa, otashi ke tu endela nayi. Inashi simana tuu opo elongelokalunga lyetu li kale lya hokiwa kuye!

Aantu ohaya longele Kalunga momikalo odhindji. Ngele elongelokalunga olya fa ondjila, mbela omalongelokalunga agehe oga hokiwa kuKalunga? Hasho, haagehe a hokwa. Jesus, omuprofeti gwaKalunga, oku ulike kutya oku na owala oondjila mbali. Okwa ti: “Osheelo shiyaka oshinene nondjila ndjiyaka ya mbwalangandja, otayi fala mekano, noyendji mboka taa yi mo; ihe osheelo shiyaka oshishona nondjila ndjiyaka ya thinana, otayi fala komwenyo, naashona yowala mboka taye yi mono.”—Mateus 7:13, 14.

Opu na owala omalongelokalunga gomaludhi gaali: limwe oondyoka tali fala komwenyo nalimwe oondyoka tali fala mekano. Elalakano lyoshileshomwa shika olyo oku ku kwathela u mone ondjila ndjoka tayi fala komwenyo gwaaluhe.