Oshitopolwa shika otashi popi kombinga yaagundjuka, yaahunganeki nosho wo yaakwaniilwa mboka ya li ye na eitaalo lya kola muJehova. Okakadhona Okaisraeli hoka ka li muupika muSiria, oka li ke na eitaalo kutya omupolofeti gwaJehova ota ka aludha Naeman. Omupolofeti Elisa okwa li e na eitaalo thiluthilu kutya Jehova ote ke mu gamena komutondi gwe. Omuyambi Omukuluntu, Jojada, okwa li a tula omwenyo gwe moshiponga a gamene omugundjuka Joas kaa ningilwe uuwinayi washa kuyinakulu, Atalja, ngoka a li omukolokoshi. Omukwaniilwa Hiskia okwa li e na einekelo kutya Jehova ota ka hupitha Jerusalem, shoka she mu ningitha ki igandje kAasiria sho ya li taye mu ningile omatilitho. Omukwaniilwa Josia okwa li a hanagula po iikalunga moshilongo, e ta tungulula otempeli, nokwa kwathele oshigwana shi galukile kelongelokalunga lyashili.