Kaantu oyendji, uuthikepamwe wopamihoko ondjodhi yowala.

•   António Guterres, amushanga gwIigwana ya Hangana, okwa ti: “Uukwamuhoko onkee ngaa wu li uupyakadhi uunene momahangano, miinima yopankalathano nomonkalamwenyo yaantu yakehe esiku. Uukwamuhoko ohawu ningitha aantu ya ungaunge nayalwe kaashi li pauyuuki.”

 Mbela opu na ngaa esiku aantu yomihoko adhihe naya ka ungaungiwe nayo shi thike pamwe? Ombiimbeli otayi ti ngiini?

 Ombiimbeli otayi tu longo nkene Kalunga a tala ko aantu yomihoko dha yoolokathana.

•   “Mokushita kwe Kalunga okwa kutha omihoko adhihe dhaantu momulumentu gumwe nokwe ya tula kombanda yevi alihe.” — Iilonga 17:26.

•   “Kalunga aantu ayehe ohe ya tala ye thike pamwe. Ngoka he mu tila noha longo shoka shu uka, Kalunga ote mu taamba, na kale ogwomoshigwana sha tya ngiini.” — Iilonga 10:34, 35.

 Ombiimbeli oya ulika kutya aantu ayehe oya pambathana nosho wo kutya Kalunga oha taamba ko aantu yomihoko adhihe.

 Uuthikepamwe otawu ka kala owala kohi yUukwaniilwa waKalunga, ano epangelo lyomegulu. Epangelo ndyono otali ka longa aantu nkene ye na okuungaunga nayalwe momukalo gu uka. Aantu otaye ki ilonga nkene ye na okweetha po iikala yokatongo, mbyoka tashi vulika ya ka kale ye na.

•   “Ayehe otaa ka koneka uuyuuki.” — Jesaja 26:9.

•   “Shaa ngoka ota ka longa shoka shu uka, otaku ka kala ombili, evululuko negameno sigo aluhe.” — Jesaja 32:17.

 Kunena, aantu omamiliyona otaya ilongo mOmbiimbeli nkene ye na okuungaunga nayalwe nesimaneko.

•   Opo wu ilonge oshindji, lesha oshifo sho-Awake! (Penduka mo!) shi na oshipalanyolo “Is There a Cure for Prejudice?”

•   Lesha oshitopolwa “Nghee to dulu okupopya nounona kombinga youkwamuhoko,” opo wi ilonge nkene aavali taya vulu okukundathana oshinima shika kegumbo.