Okukala omuyapuki otashi ti kutya okukala wu li kokule naashoka sha nyata. Oshitya shOshihebeli shoka sha tolokwa “oshiyapuki,” osha za kuutumbulilo “itulilwa.” Onkee, oshinima shoka oshiyapuki oshi itulilwa, nenge sha yapulwa, unene tuu molwaashoka sha yogoka nokashi na okapethili kasha.

Kalunga omuyapuki lelalela. Ombiimbeli otayi ti: “Kaku na omuyapuki a fa Omuwa.” * (1 Samuel 2:2) Onkee ano, Kalunga oye ha tula po oompango dhaashoka shu uka.Oshitya “oshiyapuki” otashi vulu okwiithanwa noshinima kehe shoka shi na ko nasha naKalunga, unene tuu iinima mbyoka yi na ko owala nasha nokulongela Kalunga. Pashiholelwa, Ombiimbeli otayi popi:

Oshitya “oshiyapuki” otashi vulu okwiithanwa noshinima kehe shoka shi na ko nasha naKalunga, unene tuu iinima mbyoka yi na ko owala nasha nokulongela Kalunga. Pashiholelwa, Ombiimbeli otayi popi:

• Omahala omayapuki: Kalunga okwa lombwele Moses manga a li popepi noshihwa sha hwama a ti: “Pehala mpoka wa thikama, opehala eyapuki.” — Eksodus 3:2-5.

• Iiningwanima iiyapuki: Aaisraeli yonale oya li haya ka longela Jehova piituthi yelongelokalunga hayi ithanwa “iigongi iinene iiyapuki.” — Levitikus 23:37, NW.

• Iinima iiyapuki: Iinima mbyoka ya li hayi longithwa mokulongela Kalunga motempeli yonale muJerusalem, oya li hayi ithanwa ‘iiyuma iiyapuki.’ (1 Aakwaniilwa 8:4, OB-1954) Iinima mbyoka oya li yi na okuungaungiwa nayo lela nesimaneko, nonando kaya li yi na okugalikanwa. *

Eeno. Kalunga okwa lombwela Aakriste a ti: “Omuna okukala aayapuki, oshoka ongame omuyapuki.” (1 Petrus 1:16) Omuntu inaa gwanenena ita vulu okukala omuyapuki thiluthilu ngaashi Kalunga. Ihe aantu mboka haya vulika koompango dhaKalunga dhuuyuuki, otaya vulu okukala ya talika ko ‘aayapuki noyo opalela Kalunga.’ (Aaroma 12:1) Omuntu ngoka ha kambadhala a kale omuyapuki, ohe shi ulike moohapu nomiilonga ye. Pashiholelwa, oha landula omayele gomOmbiimbeli ‘a kale omuyapuki ye a yande oluhondelo’ ‘nokukale omuyapuki mwaayihe mbyoka te yi ningi.’ — 1 Aatessalonika 4:3; 1 Petrus 1:15.

Eeno. Ngele omuntu okwe etha po omithikampango dhaKalunga, Kalunga ita kala we e mu tala ko omuyapuki. Pashiholelwa, embo lyomOmbiimbeli lyAahebeli olya li lya nyolelwa “aamwameme aayapuki,” ihe olya londodha kutya otaya vulu okuninga “omwenyo omwiinayi gwaana eitaalo notagu iteka Kalunga omunamwenyo.” — Aahebeli 3:1, 12, yelekanitha OB-1954.

Etaloko lya puka: Okwiikalela ohaku ningitha omuntu omuyapuki.

Oshili: Nonando Omukriste ohashi vulika a tokole okukala inaaya mondjokana,okwiikalela ihaku ningitha omuntu a kale omuyapuki kuKalunga. Odhoshili kutya mboka haya kala inaaya ya mondjokana, ohaya vulu okulongela Kalunga kaapu na shoka tashi ya piyaganeke. (1 Aakorinto 7:32-34) Ihe nonando ongawo, Ombiimbeli otayi ulike kutya mboka ye li moondjokana nayo otaya vulu okukala aayapuki. Nokuli Petrus,gumwe gwomaayapostoli yaJesus, okwa li a hokana. — Mateus 8:14; 1 Aakorinto 9:5.