MOmbiimbeli, uutumbulilo wOshigreka mboka omathimbo gamwe hawu tolokwa “ongeleka” otawu ulike kongundu yaalongelikalunga, ihe haketungo moka haya gongalele.

 Tala oshiholelwa shika: Sho omuyapostoli Paulus a tumine omakundo Aakriste ooyakwawo, Priska naAkula, okwa gwedha ko a ti: “Kundeni wo [ongeleka, Contemporary English Version] egongalo ndyoka hali gongala megumbo lyawo.”(Aaroma 16:5) Paulus ka li a dhiladhila etungo olyo li kundilwe po. Pehala lyaashono, okwa li e ga tumine aantu, ano egongalo ndyoka hali gongala megumbo moka. a

 Ano pehala lyokwiithana ehala lyetu lyopalongelokalunga ongeleka, ohatu longitha uutumbulilo “Oshinyanga shUukwaniilwa.”

 Uutumbulilo mbuka owe eleka omolwomatompelo gontumba taga landula:

•   Etungo oli li oshinyanga, nenge ehala lyokugongalela.

•   Ohatu gongala mo okulongelela mo Jehova, Kalunga kOmbiimbeli nosho wo okugandja uunzapo, nenge okugandja uumbangi kombinga ye. — Episalomi 83:18; Jesaja 43:12.

•   Ohatu gongala wo tu ilonge kombinga yUukwaniilwa waKalunga, mboka olundji Jesus a li a popi kuwo. — Mateus 6:9, 10; 24:14; Lukas 4:43.

 Oto hiwa nesimaneko wu ye kOshinyanga shUukwaniilwa shoka shi li popepi nangoye wu mone kungoye mwene nkene Oonzapo dhaJehova hadhi ningi okugongala kwadho.