Mbela Oonzapo dhaJehova odhi itaala ngaa kutya eshito olya kutha owala omasiku gahamano?
Aawe. Oonzapo dhaJehova odhi itaala kutya iinima ayihe oya shitwa kuKalunga. Ihe inatu itaala kutya eshito olya kutha owala omasiku gahamano go genegene. Omolwashike mbela inaatu shi itaala? Omolwaashoka omadhiladhilo goyendji mboka taya ti kutya esiku kehe lyeshito olya kutha owala oowili 24 otaga kondjithathana nOmbiimbeli. Tala iiholelwa iyali tayi landula:
Esiku kehe lyeshito olya li lya kutha ethimbo li thike peni? Yamwe oyi itaala kutya esiku kehe lyeshito olya kutha owala oowili 24. Ihe oshitya “esiku” shoka sha popiwa mOmbiimbeli otashi vulu okuulika kethimbo lyuule wontumba. — Genesis 2:4, OB-1954; Episalomi 90:4.
Evi olya kala po oomvula ngapi? Yamwe otaya longo aantu kutya evi olya kala po owala uule woomvula omayuvi gontumba. Ihe Ombiimbeli otayi popi kutya evi nosho wo eyalelo oko ya kala manga omasiku gahamano geshito inaaga tameka. (Genesis 1:1) Omolwetompelo ndyoka, Oonzapo dhaJehova otadhi tsu kumwe naanongononi ye shi okwiinekelwa mboka taya ti kutya evi otashi vulika lya kala ko oomvula omabiliyona.
Nonando Oonzapo dhaJehova odhi itaala meshito, ihadhi pataneke uunongononi. Otwi itaala kutya uunongononi washili otawu tsu kumwe nOmbiimbeli.
Opu na ishewe uuyelele mbuka
OMAPULO GOPAMBIIMBELI TAGA YAMUKULWA
Mbela uunongononi otawu tsu ngaa kumwe nOmbiimbeli?
Mbela omu na sha sha puka mOmbiimbeli shi na ko nasha niinima yopaunongononi?
OMAPULO GOPAMBIIMBELI TAGA YAMUKULWA
Uunake Kalunga a tameke okushita ewangandjo?
Eyamukulo oli ikolelela kunkene oshitya “petameko” nosho wo “esiku” ya longithwa muGenesis.
OMALONGO GOMBIIMBELI GA SIMANA
Mbela egulu nevi oya shitwa?
Shoka Ombiimbeli ya popya kombinga yeshito olundji aantu ohaye shi uvu ko papuko nenge haye shi tala ko nokuli kaashi shi shoshili. Mbela shoka Ombiimbeli ya popya oshoshili ngaa?
KOMBINGA YETU
Pula ekonakonombiimbeli
Kundathaneneni epulo lyopaMbiimbeli nenge wu ilonge oshindji kombinga yOonzapo dhaJehova.