Oonzapo dhaJehova ohadhi kwathele aantu yi ilonge shoka Ombiimbeli tayi longo. Ekonakonombiimbeli otali vulu oku ku kwathela:

•   wu kale wa nyanyukwa monkalamwenyo

•   wu ninge kuume kaKalunga

•   wu ilonge omauvaneko gOmbiimbeli kombinga yonakuyiwa

Pepandja ndika

•  Mbela Ombiimbeli ohayi konakonwa ngiini?

•  Mbela ondi na okufutila ekonakonombiimbeli?

•  Ootundi ohadhi kutha ethimbo li thike peni?

•  Oshike ndi na okuninga, ngele onda hala okukonakona Ombiimbeli?

•  Mbela otandi vulu ngaa okutala tango kutya ootundi ohadhi ningwa ngiini?

•  Ngele onda zimine ndi longwe Ombiimbeli, mbela otandi ka thiminikwa ndi ninge Onzapo yaJehova?

•  Mbela otandi vulu ngaa okulongitha Ombiimbeli yandje?

•  Otandi vulu ngaa okuhiya yalwe ya wayimine ndje pekonakonombiimbeli lyandje?

•  Ongiini ngele onda li nale handi konakona Ombiimbeli nOonzapo dhaJehova? Mbela otandi vulu ngaa okutsikila ishewe?

•  Mbela opu na omikalo dhilwe moka tandi vulu okukonakona Ombiimbeli nopwaa na ekwatho lyomuntu?

 Opu na omuntu ngoka te ke ku kwathela wu konakone Ombiimbeli, notamu ka kundathana iinima yi ili noyi ili. Otamu ka longitha embo Kala nonkalamwenyo ombwanawa sigo aluhe, ndyoka tali ke ku kwathela wu tseye shoka Ombiimbeli tayi ti nankene tayi vulu oku ku kwathela. Opo wu ilonge oshindji, tala okavidio haka.

 Aawe. Oonzapo dhaJehova ohadhi landula omayele ngoka Jesus a lombwele aalongwa ye, taga ti: “One mwa pewa oshindji omagano, gandjeni wo omagano.” (Mateus 10:8) Oshikwawo, iilongitho mbyoka hatu longitha ihayi futilwa sha, moka mwa kwatelwa Ombiimbeli nosho wo oshileshomwa Kala nonkalamwenyo ombwanawa sigo aluhe.

 Embo ndyoka tamu ka longitha oli na iileshwa 60. Onkee oshi ikolelela kungoye kutya owa hala okukonakona shi thike peni. Nokuli aakonakonimbiimbeli oyendji, oye shi mona shi li nawa okukonakona oshileshwa shimwe nenge yi vulithe po, moshiwike.

1.  1. Udhitha ofooloma ndjoka yi li kepandja lyetu lyokointaneta. Uuyelele woye otatu ke wu longitha owala tu ninge omalongekidho, opo gumwe gwomOonzapo dhaJehova a kwatathane nangoye.

2.  2. Gumwe gwomutse ota ka kwatathana nangoye. Ote ke ku yelithila shoka sha kwatelwa mo mokukonakona Ombiimbeli nota ka yamukula omapulo goye agehe ngoka tashi vulika wu na.

3.  3. Ngoye nosho wo omulongi gwoye, otamu ka ninga omalongekidho gokukonakona. Otamu vulu okukonakona oshipala noshipala, okupitila mongodhi, pavidio, momatumwalaka nenge pa-e-mail. Konyala ekonakonombiimbeli ohali pula owili, ihe otali vulu okuningwa meni lyethimbo ndyoka nenge li vulithe po shi ikolelela kethimbo lyoye.

 Eeno. Opo wu shi ninge, udhitha ofooloma ndjoka yi li kepandja lyetu lyokointaneta. Shampa gumwe gwomutse a kwatathana nangoye, mu tseyithila kutya owa hala tango okutala nkene ekonakonombiimbeli hali ningwa nokutala ngele owe li panda. Ota ka longitha okambo Kala nonkalamwenyo ombwanawa sigo aluhe hoka ke na iileshwa itatu, mbyoka tayi ke ku kwathela wu tale ngele owa panda shoka to ilongo.

 Hasho nando. Oonzapo dhaJehova odhi hole okukonakona Ombiimbeli naantu, ihe ihatu thiminike aantu ye ye melongelokalunga lyetu. Pehala lyaashono, otwa simaneka shoka Ombiimbeli tayi ti, notu shi kutya omuntu kehe oku na uuthemba okuhogolola elongelokalunga ndyoka a hala. — 1 Petrus 3:15.

 Eeno. Oto vulu okulongitha Ombiimbeli kehe ndjoka wa hala. Nonando otu hole okulongitha Ombiimbeli yo-New World Translation of the Holy Scriptures, ndjoka ya yela noyi li paushili, otu shi kutya aantu oyendji oye hole okulongitha omatoloko gOombiimbeli ndhoka yi igilila.

 Eeno. Oto vulu okuhiya aantu yaandjeni nenge ookuume koye.

 Eeno. Odhoshili kutya otashi vulika wu ka nyanyukilwe ekonakonombiimbeli lyoye shi vulithe nale, oshoka embo ndyoka tatu longitha ngashingeyi otali opalele oonkalo dhaantu yopethimbo lyetu. Embo ndyoka hatu longitha ngashingeyi, oli na omathano nuuvidio noli li momukalo gwoonkundathana.

 Eeno. Nonando aakonakonimbiimbeli oyendji ohayi ilongo nawa sho tatu ya kwathele, yamwe oye hole okukonakona Ombiimbeli kuyo yene petameko. Iilongitho yetu yokukonakona Ombiimbeli mbyoka yu ulikwa pevi, oto vulu oku yi longitha noyi li oonzo ndhoka tadhi vulu oku ku kwathela, sho to konakona Ombiimbeli. Mpaka otapu landula iilongitho mbyoka tayi vulu oku ku kwathela:

•   Uuvidio wopaMbiimbeli. Ootundi ndhika odhi na uuvidio uufupi mboka wa yelitha omalongo gOmbiimbeli ga simanenena.

•   Omapulo gopaMbiimbeli taga yamukulwa. Iitopolwa mbika otayi gandja omayamukulo komapulo ogendji gopaMbiimbeli ngoka haga pulwa.

•   Omanyolo ga yelithwa. Mona eityo lyoovelise nosho wo lyomautumbulilo gOmbiimbeli ngoka ge shiwike nawa.