Sho Jesus a li kombanda yevi okwa longo aantu kutya Uukwaniilwa waKalunga owo owala tawu ka kandula po omikundu dhawo adhihe. (Mateus 6:10) Jesus okwa li a popi omayele gaali ngoka taga adhika muMateus 13:44-46, opo a ulike esimano lyoshili yUukwaniilwa waKalunga a ti:

•   Omulumentu gwontumba okwa li ta longo mepya, moka i itsu uuyamba wa holekwa.

•   Omuhalithi gumwe ta kongo uuwe wo opala, okwa mono okawe kamwe ke na ondilo.

 Aalumentu ayehe mboka Jesus a popi oya li ya landitha po ashihe shoka ye na, yi ilandele eliko ndyoka ya mono. Aalumentu mbono otaya thaneke aantu mboka ya lenga iinima yUukwaniilwa nohaya ningi omaiyambo lela, opo ya mone omayambeko gUukwaniilwa. (Lukas 18:29, 30) Tala okavidio haka, wu mone iiholelwa yaantu yaali mboka ya ningi ngaashi aalumentu yomomayele gaJesus.