Oombelewa nuuyelele wu na ko nasha nokuulukilwa moombelewa dhetu
Otatu ku hiya nesimaneko wu ka ulukilwe moombelewa dhetu nosho wo momahala getu gokunyanyangidhila. Tala kutya oombelewa ndhoka odhi li peni nosho wo ethimbo lyokutalela po.
Okutalela po koBetel: Okuza me 1 Juni 2023, aantu oya tameke okutalela po iitayimbelewa yetu miilongo oyindji muuyuni. Opo wu mone uuyelele wa gwedhwa po, kwatathana noshitayimbelewa shoka wa hala oku ka talela po. Ino ya nando wu ka talele po ngele owa monika oCorona, wu uvite uutalala nenge wa fa to endelwa keshikisha nenge uuna wa li nomuntu ngoka a monika oCorona.
South Afrika
Uuyelele waatalelipo
Mbela owu na okuninga oshilage komeho yethimbo manga inoo ka talela po oshitayimbelewa? Eeno. Shino ohashi kwathele opo mehala kaamu ye aantu ya oyendji poshikando. Ngele aantu oya ninga oshilage etalelopo lyawo ohali ende nawa nohaye li tyapula wo. Otatu indile ayehe mboka ya hala oku tu talela po ya ninge oshilage komeho yethimbo, kutya nduno oye li ya ngapi. Ninga omalongekidho manga ku na oshiwike. Ngele owa hala okuya wu talele po momasiku gomafudho, owa pumbwa okuninga oshilage komeho yethimbo lela.
Ngele ino ninga oshilage, oto vulu ngaa mbela okuulukilwa moshitayimbelewa? Ngele ino ninga oshilage, otashi vulika kuu mone ompito yokuulukilwa mo. Opu na omwaalu gwontumba kutya aantu ya ngapi taya vulu okutalela po mesiku kehe.
Owu na okuthika pongapi? Owa tegelelwa wu thike sho owili ndjoka wa pewa yi na ko owala ominute omishona yi dhenge, opo ku yandwe engundumano.
Oshilage ohashi ningwa ngiini? Thinda mpoka pwa nyolwa “Ninga oshilage.”
Mbela oto vulu okulundulula oshilage shoye nenge oku shi kaleka? Eeno. Thinda mpoka pwa nyolwa “Tala nenge lundulula oshilage shoye.”
Ongiini ngele mesiku ndyoka wa hala okutalela po omu udha? Kala to tala kepandja lyetu. Otashi vulika wu ka mone ompito ngele opu na yalwe ya kaleka nenge ya lundulula omasiku gawo gokutalela po.
Iinima mbyoka tayi ulikwa
Mpoka hapu thikile aayenda: Opu na uuvidio mboka tawu ulike shoka hashi ningwa moshitayimbelewa nosho wo nkene iilonga mbyoka tayi humitha komeho Uukwaniilwa.
Oshinyanyangidho oshi-2 mpoka hapu thikile aayenda: Omu na uuvidio mboka tawu ulike esimano lyokutoloka iileshomwa momalaka ngoka haga popiwa moshitopolwa noku yi nyanyangidha. Omu na wo ehala lyokutala moshinyanyangidho wu li pombanda. Omu na natango ehala mpoka tapu ulikwa Oombiimbeli dhonale momalaka goshivalelwamo ndhoka dhi na edhina lyaKalunga.
Oshinyanyangidho oshi-3 mpoka hapu thikile aayenda: Omu na ehala mpoka ho vulu okumona ayehe mboka ye li pevi, moshikondo shokutuma iileshomwa. Omu na wo ehala mpoka to vulu okumona omiyalu dhiilongo hoka hatu tumine iileshomwa. Kakele kaashono, omu na uuvidio mboka tawu ulike Iinyanga yUukwaniilwa tayi tungwa, iileshomwa tayi tumwa nosho wo nkene hashi ende opo iikwamawi niileshomwa yi ye po.
Uuyelele wulwe: Opu na oombesa ndhoka hadhi shuna aayenda pehala mpoka haya thikile. Aatalelipo otaya vulu okulila omwiha pEhala lyokuvululukila aayenda.
Oondjukithi noonomola dhoongodhi