Dangɔ bɛ na bi ti kwá tɛ Yezo
Lápɔsɔ 12/04/2025
Atɛmwɛ tɛ Yehova ndo li bombi so dangɔ bɛ la na bi ti kwá tɛ Yezo fãni kɔi na ya bulu nga ma se mɛndó lo pa na ni ya: “Ale ĩ li so, so dangɔ bɛ ĩ na mbi.”—Luka 22:19
E ili mɔ ya, mɔ ga bombi ni.
Azi gba ndo hũnda ya
Prɔgramɛ ni na lingɔ ngoi kɛ̃?
Na lingɔ bere ngoi kɔi.
Na lingɔ bombi ni ka wa?
Hũnda Atɛmwɛ tɛ Yehova ti ndo mɛ mɔ ka da ti nɛngɔ ya, ala fa na mɔ.
Mbi na hɛ̃ngɔ falanga ti nɛngɔ ya, mbi li bombi ni?
Ipɔ.
Na lɔngɔ falanga na lo ni?
Ipɔ.
Ni na ndia ti yungɔ bɔngɔ mɛ ayɔ ya, mbi landa na ngoi ti bombi ni?
Abɛse ta akpã ndia na omɛ aba bɔngɔ mɛ zo lengbi ti yungɔ ma ko, Atɛmwɛ tɛ Yehova ndo li kpengbani ti landangɔ wangɔ ti ya Ngbangɔ mɛ aba yungɔ bɔngɔ na ndenge ti nzɔ̃ni, nga ti tɔndɔngɔ. (1 Timɔte 2:9) Ta ayɔ ya, bɔngɔ tɛ mɔ du ti kota ngenza bere ti ndima gba ma.
Ye mɛ na lingɔ tɛrɛ lo ka bombi ti dangɔ bɛ na bi ti kwá tɛ Yezo nɛ?
E ndo banda, wa e ndo kɔ nga nda bombi ni na bia nga na sambela mɛ Tɛmwɛ tɛ Yehova kɔi ndo li. Ye ti ngbondoni nvɛ̃ni adu diskur mɛ alo kaya Ngbangɔ mɛ ando kambisa na ndunu ni nda mɛndó Yezo kpi nga na se mɛ elengbi ti luangɔ nzɔ̃ kpale na lo ti ye mɛndó Nzapa ná Yezo li na lo tɛ e.
Ti nɛngɔ ya mɔ hĩnga kpale gba na ndoni ko, ba bɛli tɛnɛ mɛ “Mpo na nini Batatoli ya Yehova basalaka elambo ya Nkolo ndenge moko te na mangomba mosusu?”
Bombi ti dangɔ bɛ na bi ti kwá tɛ Yezo mɛndɛ̃ na lingɔ tɛrɛ lo la wa?
2025: Lápɔsɔ 12/04
2026: Bi kwa Siɔ 02/04
Ba nga atɛnɛ mɛ
DANGƆ BƐ
Dangɔ bɛ na bi ti kwá tɛ Yezo
E ili mɔ na dengɔ bɛ zu ya, mɔ ga e na mɔ e landa kpale niko ti ngbondoni. Mɔ na hĩngangɔ se mɛ dungɔ lɛ ngɛ̃́ nga na kwá tɛ Yezo alengbi ti hɛ̃ngɔ mɔ nvɛ̃ni nzɔ̃ kpale.