Ayɔ ya, zo hũnda lége uzu ti lo gwengɔ bangɔ Bethel? Ĩĩ. Ti nɛngɔ ya, ta nɔmbrɛ tɛ azi mɛ aga so bangɔ bethel aɔ ndoni ma, wa azi zu asepala na bangɔ bethel ko, e yɔ ka ti azi zu mɛ aye gangɔ bangɔ bethel ya, ala hũnda lége uzu ti la gangɔ abɛse ala du gba bere yakere. Se mɔ ye, hũnda lége pɔsɔ kɔi uzu. Ti nɛngɔ mɔ gwe mɔ ba Bethel na bi ti ferie bere na ngoi ti kɔ̃nge tɛ awa kalasi ko, e yɔ ka ti mɔ ya, mɔ hũnda lége ngoi yɔngɔrɔni uzu ti mɔ gwengɔ bangɔ Bethel.

Abɛse ta zo hũnda lége uzu ma, lo lengbi ti gangɔ bangɔ bethel? Se ta mɔ hũnda lége uzu ma ko, ngoi mɛndɛ̃ elengbi ti yambangɔ mɔ. Abɛse ngaso ko, azi yakere la alengbi ti gangɔ bangɔ bethel na lo mɛ ya, ta ndo da gba ma.

Se aye ya, zo ga ba bethel, lo lengbi ti gangɔ na ngoi ni nɛ? Ti nɛngɔ ya, ta nɔmbrɛ tɛ azi aɔ ndoni ma ko, e yɔ ka ti mɔ ya, ta mɔ ga aminiti 15 uzu ti ngoi mɛ ahɛ̃ mɔ ma.

Ngasia la zo lengbi ti hũndangɔ lége so gwengɔ bangɔ bethel nɛ? Se du ya, ta nɔmbrɛ tɛ ĩ aɔ 10 ma ko, pɛtɛ so ndo mɛ: “Gwengɔ bangɔ bethel—Azi mɛ ta aɔ 10 ma.” Se mɔ ye gangɔ bangɔ bethel ndoni kɔi na azi ɔngɔ 10 ko, e yɔ ka ti mɔ ya, mɔ ili e na landangɔ akpale mɛ e su ge gbɛnda ni.

Zo lengbi ti gbinyangbingɔ bi ti gwengɔ bangɔ bethel bere ziangɔ gwengɔ? Ĩi. Pɛtɛ so ndo “Ba bere gbinyangbi bi ti gwengɔ bangɔ bethel.”

Se du ya, ta ahɛ̃ lége ti gwengɔ bangɔ bethel na bi mɛ mbi pɔna ma mɛ? Ngbã lá kwɛ bangɔ bi niko kaya internet. Alengbi ti hɛ̃ngɔ mɔ lége se du ya, azi mɛndɛ̃ agbinyangbi bi tɛ la bere ala zia gwengɔ ba bethel na bi niko.

Avenida 15 #4608

PLAYA, LA HABANA

CUBA

+53 7 204 7598

+53 7 204 1026

InboxLOBBY.CU@bethel.pr418.com