WANGƆ 14

Se ti vɔrɔngɔ Nzapa na se mɛ bɛ lo ndo ye na ni

Ma se mɛ e manda na ni na ya wangɔ mɛ ɔ ko, ta Nzapa ndo ye asambela zu ma. Kanda elengbi ti vɔrɔngɔ Wa lingɔ e na se mɛ bɛ lo ndo ye na ni. Wa “se[ti] vɔrɔngɔ” lo bere ti sambelangɔ lo mɛ bɛ lo ndo ye ni wa? (Zaki 1:27) Wa e ba tɛnɛ mɛ Ngbangɔ ndo ha.

1. E hĩnga se ti nzɔ̃ni ti vɔrɔngɔ Nzapa ngasia?

E hĩnga se ti nzɔ̃ni ti vɔrɔngɔ Nzapa na lége ti Ngbangɔ. Yezo tɛnɛndó hɛ̃ Nzapa ya: “Tɛnɛ tɛ mɔ ndofa bɛta lo.” (Yoanɛ 17:17) Ta asambela mɛndɛ̃ ndo landa bɛta tɛnɛ tɛ Nzapa mɛ kaya Ngbangɔ ma. Ala zia hangɔ bɛta tɛnɛ ti ya Ngbangɔ wa ala ndo ha dangɔ bɛ na mimɛsɛnɔ tɛ azi. Ta Yehova ndo sepala na azi ko la ndo ‘bi ndia tɛ lo’ ma (Di Marko 7:9.) Kanda azi ko la ndo di wa ndo kpã wangɔ ti ya Ngbangɔ na kwa ko, ala ndo hɛ̃ lo dengɔ bɛ.

2. Elengbi ti vɔrɔngɔ Yehova ngasia?

Na lo mɛ ya Yehova la li e ko, ayɔ ya e vɔrɔ bo lo. (Suma 4:11) Afa ya, elengbi ti vɔrɔngɔ bo lo zangangɔ salelangɔ ngbilondo, limɔ bere aye mɛndɛ̃.—Di Yisaya 42:8.

Ayɔ ya sambela tɛ e du “santo” wa du nga omɛ Yehova “lengbi ti yengɔ ni.” (Roma 12:1) Afa ya, elengbi nga ti tɔndɔngɔ andia niko na ya dungɔ lɛ ngɛ̃́ tɛ e. Na ndakisa azi ko la ndo ye Yehova ko, ala ndo tɔndɔ nga ndia mɛ aba libala. Ala ndo kɛ̃ nga lingɔ siɔ ye mɛ mabere nyɔ̃ngɔ gulu, bangɛ, drɔgɛ, nga na nyɔ̃ngɔ samba ɔngɔ nyɔ̃ kpɔ̃ ni. a

3. Nda mɛ ayɔ ya e ndo vɔrɔ Yehova ná awakristo mɛndɛ̃ nɛ?

Pɔsɔ kɔi kɔi e ndo lua lége ti “gondangɔ Yehova . . . Kaya bombi.” (Nzembo 111:1, 2) Lége kɔi mɛ e ndo li na ni a du yengɔ bia ti gondangɔ na lo. (Di Nzembo 104:33.) Yehova ndo yɔ ka ti e ya e ndo gwe bombi na lo mɛ ya lo ndo ye e wa lo nga na gwɛ̃ ya e sepala na dungɔ lɛ ngɛ̃́ ti bwai na bwai. Ka bombi, e ndo sangbi ngunu bɛ e.

GI HĨNGANGƆ LO MƐNDƐ̃

Gi hĩngangɔ nda mɛ Yehova kɛ̃ ya ta e vɔrɔ lo na lége ti ngbilondo ma. Gi nga hĩngangɔ aye ti ngbondoni mɛ e li ti nɛngɔ ya e gonda na Yehova.

4. Ta elengbi ti vɔrɔngɔ Nzapa na lége ti yika yika kɔi ngaso mɛ ma

Ngasia la e hĩnga ya Yehova kɛ̃ ya ta e li ngaso ma nɛ? Ba VIDEO, wa na pɛni hɛ̃ gbinya ti hũnda olo mɛ.

VIDEO: Nzambe alingaka tósalela bililingi to bikeko mpo na kosambela ye? (3:26)

Ye mɛndó li tɛrɛ lo na ngoi ti gã na ngoi mɛndó awakwa tɛ Nzapa mɛndɛ̃ ayendó vɔrɔngɔ lo na lége ti ngbilondo nɛ?

Azi mɛndɛ̃ ndo hũ ya vɔrɔngɔ Nzapa na lége ti ye kɔi ngaso ndo li ya ala dɔ dã na lo. Kanda lingɔ ngaso alengbi ti lingɔ ya ala dɔ dã na Nzapa? Di Kobima 20:4-6 nga na Nzembo 106:35, 36, wa na pɛni hɛ̃ gbinya ti ahũnda olo mɛ:

Aye bere ayika yika mɛ azi ndo salela ni ti vɔrɔngɔ na Nzapa mɛ mɔ ndo hũ ka ndo mɛ mɔ da nɛ?
Yehova ndo hũ ni ngasia?
Wa mɔ, mɔ da bɛ mɔ ya nɛ?

5. Vɔrɔngɔ bo Yehova kɔi ndo li ya e si kaya anvɛ̃nɛ ti sambela

Ngasia la vɔrɔngɔ bo Yehova kɔi ndo li ya e si kaya nvɛ̃nɛ ti sambela nɛ? Ba VIDEO.

VIDEO: Solo epesaki ngai bonsomi (5:16)

Di Nzembo 91:14, wa na pɛni hɛ̃ gbinya ti hũnda olo mɛ:

Ye mɛ Yehova ko kapa ni ya ni na hɛ̃ngɔ e se du ya e ndo ye lo wa e ndo vɔrɔ bo lo kɔi nɛ?

6. E ndo vɔrɔ Yehova ka bombi

E ndo gonda Yehova, e ndo sa nga ngunu bɛ ayata e na ngoi mɛ e ndo hɛ̃ gbinya wa e ndo ye nga bia ka bombi. Di Nzembo 22:22, wa na pɛni hɛ̃ gbinya ti ahũnda olo mɛ:

Mɔ ndo sepala na mangɔ gbinya mɛ ayata ndo hɛ̃ ka bombi?
Mɔ lengbi ti lɛkɛngɔ gbinya kɔi ti nɛngɔ ya mɔ hɛ̃ ka bombi?

7. Yehova ndo sepala na ngoi mɛ e ndo kambisa hɛ̃ azi mɛndɛ̃ aye mɛ e ndo manda

E na libaku gba ti kambisangɔ hɛ̃ azi mɛ so tɔ̃nda e nzɔ̃ pa ti ya Ngbangɔ. Di Nzembo 9:1 nga na 34:1, wa na pɛni hɛ̃ gbinya ti hũnda olo mɛ:

Aye mɛ mɔ manda kaya Ngbangɔ mɛ mɔ lengbi ti kambisangɔ ni hɛ̃ azi mɛndɛ̃ nɛ?

AZI MƐNDƐ̃ NDO TƐNƐ YA: “Ta elengbi ti hɛ̃ngɔ Nzapa dengɔ bɛ, bɛ yakere ma.”

Wa mɔ, mɔ da bɛ mɔ ya nɛ?

NA NDUNU NI

E ndo hɛ̃ Wa lingɔ e dengɔ bɛ na ngoi mɛ e ndo vɔrɔ bo lo kɔi, na ngoi mɛ e ndo gonda lo ka bombi nga na ngoi mɛ e ndo kambisa aye mɛ e ndo manda hɛ̃ azi mɛndɛ̃.