Mbi lengbi?
Mbi lengbi ti bandangɔ fangɔ tɛnɛ ndoni kɔi na ayata ti ya bombi?
Mɔ lengbi ti tingɔ wa fangɔ tɛnɛ mɛ ta dɛ mu batisimɔ ma se du ya . . .
Mɔ ndo manda Ngbangɔ ngoi zu, mɔ ndo li sambela, wa mɔ ndo gwe nga bombi zu.
Mɔ ndo sepala na aye mɛ mɔ ndo manda, mɔ ndo ye nga lo ni, wa mɔ ndo kambisa nga ni hɛ̃ azi mɛndɛ̃.
Mɔ ndo ye Yehova, wa mɔ ye nga pɔnangɔ akwa mɛ ndo ye lo.
Mɔ fa mangbi na kpale ti politikɛ na asambela ti nvɛ̃nɛ.
Mɔ ndo tɔndɔ andia tɛ Yehova na ya dungɔ lɛ ngɛ̃́ tɛ mɔ, wa mɔ ye nga tingɔ wakwa tɛ lo.
Se mɔ hũ ya mɔ lengbi ti bandangɔ fangɔ tɛnɛ ko, tɛnɛ hɛ̃ zo mɛ ndo ha mɔ na Ngbangɔ, wa lo na tɛnɛngɔ hɛ̃ abiazi ti nɛngɔ ya ala ba ndoni kɔi na mɔ bere mɔ kokisa masengami mɛ Ngbangɔ ndo yɔ.
Mbi lengbi ti mungɔ batisimɔ?
Mɔ lengbi ti mungɔ batisimɔ se du ya . . .
Mɔ du wa fangɔ tɛnɛ mɛ ta dɛ mu batisimɔ ma.
Mɔ ndo li zu mɛ mɔ lengbi ti lingɔ ti nɛngɔ ya mɔ ndo fa tɛnɛ ngoi zu.
Mɔ ndo tɔndɔ andia tɛ “mbɛ ti mbilimbili nga ti kɔdɛ.”—Matie 24:45-47.
Mɔ hɛ̃ tɛrɛ mɔ hɛ̃ Yehova na ya sambela ti fangɔ ya mɔ ye lingɔ kwa hɛ̃ lo na ya dungɔ lɛ ngɛ̃́ tɛ mɔ zu.
Se mɔ hũ ya mɔ lengbi ti mungɔ batisimɔ ko, tɛnɛ hɛ̃ zo mɛ ndo ha mɔ na Ngbangɔ, wa lo na tɛnɛngɔ hɛ̃ abiazi ti nɛngɔ ya ala ba ndoni kɔi na mɔ bere mɔ kokisa masengami mɛ Ngbangɔ ndo yɔ.
