Akwa ti nzɔ̃ni ndo hɛ̃ e dengɔ bɛ na ngoi mɛ kpale ndo dɔ nɔ̃ nzɔ̃ni, wa ala ndo wamba nga bɛ e na ngoi ti pɛnɔ. Kanda Ngbangɔ pa ya ta azi zu la ndo du anzɔ̃ kwa ma. Wa mɔ pɔna akwa ti nzɔ̃ni ngasia? Zia e ba ahũnda mɛ.

1. Ye mɛ akwa mɔ alengbi ti tongɔ mɔ ya mɔ li nɛ?

Ngoi gba, e ndo ti na seliye ti nzɔ̃ni bere ti siɔni tɛ azi mɛ e ndo lekisa ngoi gba ndoni kɔi na ala, bere na lége ti intɛrnɛt. Nga ma se mɛ Ngbangɔ tɛnɛ na ni ya, “Zo ko la ndo dɔ nɔ̃ na awa ndara ko, lo nga na tingɔ wa ndara, kanda zo ko la ndo du na mangbi na awa buba [azi mɛ ta ndo ye Yehova ma] ko, lo na sukangɔ siɔni.” (Masese 13:20) Akwa mɛ ndo ye Yehova wa ala ndo vɔrɔ nga lo ko, ala lengbi ti zangɔ e ya e ti na mangbi ti nzɔ̃ni na lo wa e mu nga ekateli ti nzɔ̃ni. Kanda dungɔ kwa azi mɛ ta ala ndo vɔrɔ Yehova ma ko, na lingɔ ya e ti yɔngɔrɔni na Yehova. Ba nda mɛ Ngbangɔ wa e ya e pɔna akwa ti nzɔ̃ni la! Se du ya akwa e ndo ye Yehova ko, ala na zangɔ e wa e nga na zangɔ ala. Ngbangɔ tɛnɛ ya “ale [ĩ wamba bɛ afɔ̃ ĩ], ĩ sa nguru bɛ [la].”​—1 Tɛsalionikɛ 5:11.

2. Se ta mɔ pɔna akwa ti nzɔ̃ni ma, Yehova ma tɛrɛ lo ngasia?

Ta Yehova ndo pɔna azi zu ya ala du akwa lo ma. “Azi ti mbilimbili la ndo du akwa lo ti kpɔ̃ bɛ lo.” (Masese 3:32) Yehova na mangɔ ngasia se du ya e pɔna tingɔ kwa azi mɛ ta ala ndo vɔrɔ lo ma nɛ? Ni na hɛ̃ngɔ lo pɛnɔ! (Di Zaki 4:4.) Yehova na mangɔ dengɔ bɛ wa lo nga na yengɔ ya e ti akwa lo, se du ya e ndo kɛ̃ asiɔ akwa wa e ndo du na mangbi na azi mɛ ndo ye lo.​—Nzembo 15:1-4.

 GI HĨNGANGƆ LO MƐNDƐ̃

4. Azi mɛ e kɛsɛnɛ na la a lengbi ti dungɔ anzɔ̃ akwa

Ngbangɔ tɛnɛ tɛnɛ tɛ Davidi na Yonatana, azi sɛ ti Izraɛlɛ mɛndó ala ti anzɔ̃ akwa. Yonatana ɔndó Davidi na bulu gba wa lo ngandó nyi gbia, kanda ala dundó anzɔ̃ akwa. Di 1 Samwele 18:1, wa na pɛni hɛ̃ gbinya ti hũnda olo mɛ:

• Nda mɛ ta ayɔ ya akwa e du bo na bulu kɔi na e bere kpale ti ya dungɔ lɛ ngɛ̃́ tɛ e na la du bo kwɛ kɔi ma nɛ?

Di Roma 1:11, 12, wa na pɛni hɛ̃ gbinya ti hũnda olo mɛ:

• Ngasia la akwa sɛ mɛ ndo ye Yehova alengbi ti sangbingɔ ngunu bɛ la nɛ?

Na ya video mɛ, ba se mɛndó palanga kɔi lua na akwa na ndo mɛ ta lo hĩngandó ya lo na luangɔ akwa da ma. Ba VIDEO, wa na pɛni hɛ̃ gbinya ti ahũnda olo mɛ.

• Na ya video mɛ, nda mɛndó bɛ awa dungɔ Akil ndo sɔ na lo tɛ akwa mɛndó lo na ni ka kalasi nɛ?

• Ye mɛndó li ya lo pɔna akwa ti ngaso ka kalasi nɛ?

• Ye mɛndó za lo ya lo hũ ya ta lo ngbã lo kɔi ma nɛ?

 5. Se ti pɔnangɔ akwa ti Nzɔ̃ni

 NA NDUNU NI

Se e pɔna akwa ti nzɔ̃ni ko, ni lengbi ti hɛ̃ngɔ Yehova dengɔ bɛ wa ni lengbi nga ti zangɔ e na ya alo gba.

Bozongeli

• Nda mɛ pɔnangɔ akwa ti nzɔ̃ni adu ngbondoni ka lɛ Yehova nɛ?

• Elengbi ti kɛ̃ngɔ akwa mɛ ngasia?

• Ngasia la mɔ lengbi ti tingɔ kwa azi ti nzɔ̃ni nɛ?