Se ti luangɔ nzɔ̃ lo na mandangɔ awangɔ mɛ so ya buku mɛ
Ti uzu ba aye mɛ so ya mbɛti mɛ, na pɛni ba VIDEO.
ETENI TI UZU
Di paragrafɛ kɔi kɔi ná hũnda mɛ ka bɛ li ni (A) nga na avɛrsɛ (B) mɛ agbɔ̃ ngbondo tɛnɛ. Mɔ na hũngɔ ambanga vɛrsɛ mɛ asu ya “di.”
ETENI TI YA BƐNI
Alo (C) mɛ kaya gi hĩngangɔ lo mɛndɛ̃ akambisa atɛnɛ mɛ ĩ na mandangɔ. Abɛli tɛnɛ ti yakere (D) ni si na ngbondo tɛnɛ ti ya wangɔ. Di avɛrsɛ, hɛ̃ gbinya ti ahũnda, ba nga avideo.
AVIDEO ndo za ti nɛngɔ ya mɔ gbɔ̃ nda aye mɛ mɔ ndo manda nzɔ̃ni. Avideo mɛndɛ̃ ndo du aye mɛ ali tɛrɛ lo biani. Ambanga video ni ndo fa alo mɛ ta ali tɛrɛ lo ma, kanda ni ndo kambisa bɛta tɛnɛ.
Ba afoto nga na atɛnɛ mɛ so gbɛ nda ni (E), wa gi gbinya mɛ mɔ na hɛ̃ngɔ na ndo eteni mɛ Azi mɛndɛ̃ ndo tɛnɛ ya (F).
ETENI TI NDANI
Na ndunu ni nga na Bozongeli (G) ni la kɔ nda wangɔ. Su datɛ mɛ mɔ onzi na wangɔ ni. Ye mɛ mɔ na lingɔ ni (H) ahɛ̃ mɔ lége ya mɔ kpã awangɔ mɛ mɔ manda na kwa. Aye mɛndɛ̃ mɛ mɔ li (I) ahɛ̃ mɔ lége ya mɔ di atɛnɛ mɛndɛ̃ bere mɔ ba avideo mɛndɛ̃.
Aye mɛ so ya mbɛti olo
|
|
|
|
Se ti gingɔ avɛrsɛ ti ya Ngbangɔ
Ngbangɔ na anzĩna mbɛti 66. A kangbi ya ni na sɛ: Mbɛti ti Ebre nga na Aramɛyɛ (“Ngbina Ngbangɔ”) na mbɛti ti Grɛki (“Fãna Ngbangɔ”).
Se mɔ hũ akpã vɛrsɛ kɔi so ya buku mɛ ko, hĩnga ya ni ndo banda na ili mbɛti ti Ngbangɔ (A), na pɛni shapitrɛ (B), nga na vɛrsɛ bere avɛrsɛ (C).
Na ndakisa, Yoanɛ 17:3 ni ndo fa mbɛti ti Yoanɛ, shapitrɛ ti 17, vɛrsɛ ti 3.
