Nga ma se mɛ to mɛ ndo tiri ka Ukraine afa na ni, agbia ti sambela gba ndo yɔrɔ tɛrɛ la na ya kpale ti to. Ba se mɛ agbia ti sambela ndo hɛ̃ ti la na ya kpale ti to niko na ndenge mɛ ala ndo za azi ti akɔdɔrɔ niko zu sɛ:

•   “E ndo hɛ̃ asoda tɛ e zu sia kɔli na ndenge mɛ ala ndo tiri to na lo ti kɔdɔrɔ tɛ e ti nɛngɔ ya, ta awa kula amu ni ma, . . . Ĩ hĩnga ya e ndo kpã bɛ e na ndo ĩ, wa e ndo li sambela ngoi zu na lo tɛ ĩ, e na hɛ̃ngɔ ti e hɛ̃ ĩ ngoi zu.”​—Tɛnɛ tɛ Metropolitan Epiphanius I ti Kyiv, mɛ jurnal The Jerusalem Post asi na ni na 16/03/2022 la.

•   “Gbia ti sambela ti Orthodox ti Russie ali mbalasi yenga kɔi na lo tɛ asoda ti Russie na lá yenga, wa lo pa mbalasi hɛ̃ la ya, ala tiri to na lo ti kɔdɔrɔ tɛ la na lo mɛ ya, ‘bo azi ti Russie kɔi la, alengbi ti lingɔ ni” na ngoi mɛ Moscou dɛ bo tiri to na Ukraine​—Tɛnɛ tɛ azi ti Reuters, 03/04/2022.

 Awakristo alengbi ti hɛ̃ngɔ ti la na ya kpale ti to? Tɛnɛ mɛ Ngbangɔ tɛnɛ nɛ?

 Ngbangɔ fa yangondo ya, ta abɛta ava Yezo ndo yɔrɔ tɛrɛ la na ya kpale ti to ma.

•   “Diri na zabe tɛ mɔ kaya da ni. Ta sanga ma, azi ko ndo tiri to na zabe ko, aho nga ala gbanda na zabe.”​—Matai 26:52.

   Se zo kɔi ahɛ̃ ti lo na ya kpale ti to bere lo ye kpale ti to afa ya, lo ndo tɔndɔ ndia tɛ Yezo?

•   “Wa ĩ ma fana ndia mɛ mbi lu hɛ̃ ĩ lo mɛ: ale ĩ ndo yengbi; . . . nga ma se mɛ mbi ye na ĩ. Se ĩ yengbi, wadila azi zu ahĩnga ya, ĩ ava mbi.”​—Yoanɛ 13:34, 35.

   Se zo ahɛ̃ ti lo na ya kpale ti to afa ya, lo ndo ye afɔ̃ lo nga ma se mɛ Yezo tɛnɛ ya, ava lo ndo yengbi ka popo tɛrɛ la?

 Ti nɛngɔ ya, mɔ hĩnga akpale gba ko, di bɛli tɛnɛ mɛ: “Bitumba ezali malamu mpo na bakristo?”

 Alengbi ti lingɔ tɛrɛ lo ya, ta awakristo ayɔrɔ tɛrɛ la na ya kpale ti to ma? Ĩi. Ngbangɔ piandó tɛnɛ ya, na ngoi tɛ e, ngoi mɛ Ngbangɔ ndo ili ya “ndangba bi” ko, na dungɔ na azi kɔi ti lɛ sese mɛ ta “ala na mandangɔ to” ma na mangbi na tɛnɛ mɛndó Yezo ha.​—Yisaya 2:2, 4.

•   Ti nɛngɔ ya, mɔ hĩnga akpale mɛndɛ̃ gba ko, di bɛli tɛnɛ mɛ asi kaya Linɔngi ti Sinzili mɛ bɛli tɛnɛ ni pa ya “Ndenge nini Nzambe atalelaka bitumba?”

 Angbã yakere, Yehova a “Nzapa ti siriri” na onzingɔ “pɛnɔ ná mobulu” mɛ azi ndo hũ na lége ti Lo-lengɔ Gbia tɛ lo ti ndozu​—Filipɛ 4:9; Nzembo 72:14.

•   Ti nɛngɔ ya mɔ hĩnga se mɛ na lingɔ na ni ko, ba video mɛ: Bokonzi ya Nzambe ezali nini?