Na bi ti 23/052022ko, linɔ̃ kɔi mɛ ndo ba kpale ti sante na ndolɛ gigi zu mɛ ndo ili ni la (OMS) atɛnɛ ya, azi 6,27 miliɔ̃ akpili na lo ti ngã ti Corona virus, kanda rapɔr mɛndɛ̃ mɛ azi ti (OMS) asi na ni na bi nzɛ 05/05/2022 atɛnɛ ya, ngoi mɛndɛ̃ azi zu mɛndó akpili na lo ti ngã niko ko, ala gba nvɛ̃ni ɔngɔ nɔmbrɛ niko. Ni fa ya, na 2020 ná 2021 ko, , “wungɔ tɛ azi zu mɛ akpili na lo ti ngã ti COVID-19 bere na lo ti ngamɛndɛ̃ ko, alengbi ti tingɔ14,9 miliɔ̃.” Ngbangɔ tɛnɛ tɛnɛ na lo ti akpengba kpale niko?

•    Yezo tɛnɛndó ya, angã ti siɔni na tingɔ gba, wa azi gba na mungɔ “asiɔ ngã,” na ngoi mɛ Ngbangɔ ndo ili ni ya, “bi ti ndani.”—Luke 21:11, Contemporary English Version; 2 Timɔte 3:1.

 Tɛnɛ mɛndó Yezo tɛnɛ ndo li tɛrɛ lo ndɛ. Ti nɛngɔ ya, mɔ hĩnga tɛnɛ mɛndɛ̃ mɛ aba bi ti nda ni ko di tɛnɛ mɛ “Elembo ya ‘mikolo ya nsuka,’ to ‘ntango ya suka’ ezali nini?“

•    “Lo ndo sa nguru bɛ e na ya apɛnɔ zu mɛ e ndohũ.”—2 Kɔrinto 1:3, 4.

 Azi mɛ azi tɛ la bere akwa la akpili ndo lua kpengba tɛrɛ na ngoi mɛ ala ndo di Ngbangɔ. Ti nɛngɔ ya, mɔ hĩnga akpale mɛndɛ̃ mɛ alengbi ti zangɔ mɔ ko di tɛnɛ mɛ “Oyo okoki kosala mpo na kolonga mpasi wana” mpe “Lisalisi oyo eleki malamu mpo na baoyo babungisi moto na liwa.”

•    “Mɔ ga bɛ mɔ le gbia na ndo azi zu ma ke, azi ali bɛ ye ge tise na se bɛ mɔ, nga ma se mɛ ando li na ni ka ndozu ma ke.”—Matie 6:10.

 Angbã yakere “Lo-lengɔ Gbia tɛ Nzapa” na lingɔ ya, ta zo kɔi tɛnɛ ya,: ‘ni na ngã ma.’” (Marko 1:14, 15; Isaiah 33:24) Ti nɛngɔ ya, mɔ hĩnga ye mɛ lo-lengɔ gbia niko ti ndozu na lingɔ ko, ba video mɛ bɛli tɛnɛ ni tɛnɛ ya, Bokonzi ya Nzambe ezali nini? Na omɛ aba Lo-lengɔ Gbia ti ndozu na nga na ye mɛ ni na lingɔ.

E yɔ ka ti mɔ ya, mɔ manda akpale gba mɛ Ngbangɔ ndo ha, ti nɛngɔ ya, awangɔ niko ti ndara aza mɔ ná ndasewa tɛ mɔ, wa ĩ sepala na akapa ti nzɔ̃ni mɛ ka da.