“Gbɛ̃ngɔ ti klima ndo si na pɛnɔ gba hɛ̃ azi nga na akɔdɔrɔ. Akpengba yá mɛ ndo ya nga na se mɛ gbɛ̃ngɔ ti klima ndo li tɛrɛ lo, ndo gbɛ̃ nvɛ̃ni ada ná dungɔ lɛ ngɛ̃́ tɛ azi na ndo lɛ gigi zu. Se mɛ akota tɛ ndo ti na gbingɔ ti kpengbani na lingɔ ya, aye gba mɛndó Nzapa li mɛ ndo du ka gbɛ ngu ati na dungɔ lɛ ngɛ̃ ti pɛnɔ.”— Inger Andersen, secrétaire général adjoint des Nations Unies et directeur exécutif du Programme des Nations Unies pour l’environnement, 25/07/2023

 Azi ti guvɛrnɛma lengbi nvɛ̃ni ti hɛ̃gbingɔ ti la ti nɛngɔ ya, ala onzi apɛnɔ niko? Ala na likoki ti lɛkɛngɔ nvɛ̃ni kpale ni?

 Ngbangɔ tɛnɛ tɛnɛ ti guvɛrnɛma kɔi mɛ na onzingɔ ti bwai apɛnɔ mɛ gbɛ̃ngɔ ti sese ndo asi na ni. Ni pa ya, “Nzapa ti ndozu na kpãngɔ Lo-lengɔ Gbia kɔi,” bere guvernema kɔi mɛ na tambwisangɔ kpale ti lɛ sese zu. (Danyele 2:44) Ka gbɛ Lo-lengɔ Gbia ni, ta azi “na lingɔ afɔ̃ la siɔni ma” ta ala nga na gbɛ̃ngɔ sese ma.—Yisaya 11:9.